旺暴又有人入冊

鐵窗生涯驚夢散

漫長日子更艱難

膽大莽為不認錯

前程自毀冇得摱

迫爆區怒火開年嘅十名被告爆動罪成、除咗首被告被判摱鐵枝四年三個月之外、其餘被告嘅刑期為兩年四個月至三年九個月不等。令在下𢲷頭嘅就係、被告人當中居然出現一位古希老人。人活到一把年紀還要跟那群後生仔跑上街頭與警察對抗、都可謂食古不化了！難道佢老人家也相信洋硬膠那句「摱過鐵枝嘅人、將會活得更精彩」嘅廢話不成？

話時話、今次被送去摱鐵枝嘅人、將來能不能活得更精彩、我就唔知到。之但係、佢哋因此而弄花自己個底、日後手尾長就一點都不含糊。坦白講啦、人終須要賺錢養家嘅。為咗那些不設實際嘅政治理想而搞到自己成為刑事罪犯、終然有份筍工擺在面前亦輪唔到自己去做。也訴、年輕人是不認同我呢種講法。之但係、當人年紀漸漸長大之後就會發現這個社會比想象中更加現實、有過刑事犯罪紀綠嘅人根本上很難獲得顧主信任。這並非歧視、而係選擇問題。正如一個有刑事案底嘅人不獲委任為法官、你唔會認為咁樣係歧視一樣。如果你係顧主、都會揀選一個身家清白嘅人替你辦事啦！係嘛？！

希望今次嘅判決除咗還社會一個公道之外、亦能夠對年輕一代嘅人起到警示作用、令佢哋不再聽信那類所謂「違法達義」嘅妖言就好。