揼雞不是要偷雞
就算神仙亦痴迷
拎起關刀發晒抖
未曾展翅便𨂐低
近日城中熱話就係、戒律長涉嫌作出選擇性檢控而惹怒了六判爺。事緣戒律長為着要煮死一名聲稱不知到有人利用其錢莊洗黑錢嘅錢莊東主、便放生一名涉嫌洗黑錢嘅阿乜姐和兩名已經在口供紙上承認有份參與洗黑錢活動嘅錢莊職員、而遭六判爺猛批評、認者不告、不認者告、畀佢玩晒喎!嗱、霎眼睇嚟、有人玩坦白從寬、抗拒從嚴遊戲、話做就做、話放就放。如果我係六判爺、見到咁情形都分唔出究竟邊個至係判官、確係唔嬲就瓦燒啦!在此之前、戒律長同樣講一聲「唔夠料告」就將所有涉嫌收受黑金嘅黃派疑犯集體放生、你話因乜解究?難怪班街坊質疑、巡捕房拉人、戒律院放人、還要用六判堂來做啥?
講開又講、前任戒肆長最擅長就係揼波鐘、佢將啲「畸屎」有咁慢揼咁慢、結果揼到爛尾而逃。好嘞、正當大家滿以為派來一位殺氣騰騰嘅新戒律長必會有所作為啦!係呀、在放生方面、新人確係勝過舊人架!呢位新戒律長認真駕勢、一踏入戒律院連凳都未坐暖、就以一聲「唔夠料告」便將前任戒律長一拖兩年嘅黑金「畸屎」摺埋 。之但係、當這位出手如電嘅新戒律長坐定定之後、亦呈現出選擇性揼波鐘症狀。例如去年在事頭婆公園「八狗六死」紀念日、某某社社踩線員涉嫌被乜乜社社長嚇親一案、戒肆長一直將單「畸屎」坐住、至今依然冇交代是否會提出檢控。講起嚟、確係越諗越唔明、點解我哋嘅戒律長個個都有鋪揼波鐘癮嘅?睇嚟、呢回唔係井水犯河水、而係屎水犯河水。因為個井已經變成臭氣熏天嘅儲糞池、唔知中央仲「頂得緊」幾耐呢、吓?!
揼雞要偷雞
回覆刪除神仙亦痴迷
拎起關刀抖
展翅便𨂐低
揼雞雞
刪除神仙迷
拎刀抖
翅𨂐低
域Sir,乜嘢人做都係咁架,拖下一個月拖下又一年,反正有糧出無謂做咁多嘢。
回覆刪除有辦法咯、誰叫阿爺冇科到咩?!
刪除還以為新官上任三把火,點知長官請咗個投鼠忌器嘅新官番嚟,一聲唔夠料就放人。
回覆刪除鬼唔知咩,都未曾上任就被人話大屋有僭建,蝕晒d頭威頭勢,可能驚得罪d黃絲黨喎。
都係葉柳好嘢,夠晒官威! 但係佢話:上頭都冇讚賞過怇。
來前先放火
刪除到步怕囉唆
皆因其身𤓓
注定要倒戈
先施下馬威
刪除新官勿亂啼
乖乖來坐定
不要亂發圍
新任戒律長真係夠薑好多架,否則又點可以在上任戒律長話證據太多要加時做嘅野,喺櫈都未坐暖嘅時候,就拍左板話證據不足,冚旗唔使做。
回覆刪除如果佢唔夠薑、又點會帶埋周身屎踩入公門?
刪除如果公門冇內奸、又焉能擺定個氹等佢踩?
總之、呢鋪阿爺都算輸得心服口服咯!
╔══╗────╔╗╔═╦╦╗─╔╗╔╗♦
回覆刪除║╔═╬═╦═╦╝║║║║╠╬═╣╚╣╚╗☆
║╚╗║╬║╬║╬║║║║║║╬║║║╔╣★
╚══╩═╩═╩═╝╚╩═╩╬╗╠╩╩═╝✬
──────────────╚═╝晚安º¨⊹
🌟開心萬事得╠╣aΡpy週二✨
☾*。。💫好友🌜甜夢安睡☁。゚๑🌛
好友午安、周二快樂!
刪除查實好易解釋啫,近年肯出嚟做嘅律政司,唔夠班又怕死,一蟹不如一蟹,一啲都無講錯!
回覆刪除何止佢一人唔夠班、更大嗰個先至係極品嚟。
刪除雙鄭圍威喂,有乜嘢都好傾,總之捱到夠鐘,過咗海就神仙啦,唔做嘢…起碼唔使擔驚受怕!
回覆刪除呢啲叫做「圍威喂、冇閉翳」吖嘛!
刪除香港變臭港,難頂囉!
回覆刪除