涼爽奇入冊

你反我又反

唯他撞正板

精人口擘擘

笨仔變監犯

怒火開年主角涼爽奇今日被判處六年徒刑、其餘兩名共犯驢見聞和戇卡駒分別被判監七年和三年半。大老爺判案時指出、嗰單畸屎橫睇、掂睇、點睇都係有預謀嘅一場暴動、所以必須重判。嗱、大老爺就講個啱喇、無論涼爽奇以甚麼「遺髮達意」又好、或有甚麼「鬚糕理想」都好、總之暴亂就是暴亂、絕不容狡辨的。嗱、由此可見那些甚麼「不守戒、不等如破戒」、以及「坐過監後嘅人生將會更美好」等鬼話、簡直黑心到痺、亦只有那些從少就被洗壞咗個腦嘅人才會聽信的。

所以話啫、涼爽奇嘅拍檔狼胎養棄保潛逃先至係高明決擇、亦不枉花大叔為他走走糴糴一番吖嘛！然而、唔知到係走嘅撤、抑或係唔信鏡嘅涼爽奇咁、留低喺度搏好彩、結果落得唱六年鐵窗雄淚嘅下場。由此可見、花大叔亦唔係萬能、更加唔會為呢個傻仔做得太過露骨的。不過咁、涼爽奇係可以上訴。如果好彩嘅話、可能又會有奇蹟出現架！

講開又講、大家都係出嚟行、受過訓練嘅戰中四條𡃁（淫浩龜、兜捹匡、戇痴瘋、蘿半蔥）就眉精眼企得多。每次打衝鋒都是聲在前頭人在後、堅持君子動口不動手、要動就留番畀班傻仔動。因此鋪鋪暴力事件都焫唔到佢哋。然而、無師自通嘅涼爽奇戴上面譜就打埋一份、滿以為人家唔認得出佢、結果咪衰咗囉！玩反社會運動呢家嘢、永遠都係精人出口、笨人出手架！明未？