只有更醜

人在心不在

嘆句無可奈

大勢不由人

其心當向外

呢嗱、地龍工程越爆越樣衰、剛剛又聽聞話、有人將兩幅地窿力牆調轉來安裝。地龍公司知到後便要求承辦商立即改正、而承辦商亦答應立即答應。之但係、承辦商沒非將力牆拆卸重建、而係額外增加鑲板加固了事。令人吃驚嘅就係樓房部大老爺居然同意加固工程、並向伸請人示意重新提交新圖則就可以。嘩、阿哥、咁都得？喂、你哋知唔知到地窿冧牆分分鐘會將成條地龍生葬架！點解罪惡城嘅基建工程價錢往往比人高、但質素卻比別人低劣嘅呢？難道紫荊人非做冤大頭不可嘅？勢難想象、罪惡城自從大歸之後、政治亂七八糟、民生唔三唔四、現在連大型基建嘅醜聞亦越揭越臭。喂、當家的、究竟你哋知唔知到自己嘅責任架？點解會將好好的一顆東方之珠、搞成東方之豬架、吓？！

每一屆世界杯都提醒街坊一次、自從大歸之後市民免費睇世界杯嘅機會就被剝削、當家的只管照顧商家利益、而唔肯像前朝當家咁抐起個轉播權、然後交由五台聯播、好讓本城街坊與世界球迷一起分享盛事。然而、本城當家連𧨾吓街坊開心都唔肯做、蟻民當然會將兩朝當家作出比較、新不如舊嘅心態就係咁產生出來的。咁你話嘞、新當家一到步便落手剝削街坊免費睇世界杯嘅機會、叫人點樣去愛乜愛物呀？憎乜憎物就有份啦！現在連大圈街坊都有免費世界杯睇、而罪惡城球迷卻斯人獨憔悴落得一個恨字、佢哋唔憎恨當家才怪啦！罪惡城之所以至今依然衰唔晒並唔係運氣好、而係阿爺在背後出盡九牛二虎之力咁撐架咋！否則又邊處會有咁好彩？好似今次咁吖、阿爺拋磚引玉、先撥一筆錢過來畀本城搞科研。但你哋睇吓、我哋嘅大老爺人人口爽荷包立、個個都係軟皮蛇。咁你話嘞、係咪做鬼都唔靈呢、吓？！