霸權

一梅兩個核

無須眼凸凸

獨利眾親離

做人應老實

花大叔在奸島、高麗半島、扶桑島、賓島、袋鼠島等地設立軍事設施對紅家作全天后式監視及圍堵、卻喊紅家將南海島嶼上嘅軍方防禦工事拆除、別再干擾其偵察機到那裡竅探龍土大地喎！嗱、講起南海防禦工事呢家嘢、賓仔有、大馬有、印喱有、坡仔有、安南有、何解花大叔個個唔管、而偏偏管紅家？呢啲咪就係所謂司馬昭之心、路人皆見囉！𠲖家花大叔在高麗裝咗個甚麼殺得系統日以繼夜𥄫實紅家都係咁啦、佢嘅軍機、軍艦、潛艇唔係不斷擅闖入紅家領空和水域挑戰其忍耐能力咩？花大叔討了便宜還要賣乖、對紅家指手劃腳、簡值係不知面懵為何物。難怪街坊都話、睇吓佢仲惡得幾耐啦！

坦白講、六十年代花大叔已經對紅家喊打喊殺之外、還派遣 U2 型高空「𥊙嘢機」飛入紅家上空也文也武。當時嘅紅家雖然在各方面都大大落後於花家、卻抱着拚死無大礙嘅精神將那討厭嘅「𥊙嘢機」打了下來。今日紅家已非昔日嘅吳下阿蒙、豈能容讓番軍放肆？雖然花家極力施壓、但紅家仍然能夠在南海創造出奇蹟、快速的填海造陸、並在各個島嶼上安裝軍事防禦系統、對花家那些不守國際規則嘅軍機和軍艦加以干擾和發出察告。一向慣於當別人的家是冇掩雞籠嘅花大叔當然不習慣、所以頻頻派出轟炸機、舵母等到南海乜文乜武。正因花家使來使去都是那些五十年不變嘅屎橋、紅家就知到花大叔已到咗黔驢技窮嘅地步。試問紅家對花大叔何懼之有？目前除咗安南仔稍為不安份之外、恐怕找遍東南亞再也找不出一個願意企出來挑釁跟紅家嘅家族。現在嘅情況係、紅家正在觀望着、看看花大叔還可以浪費幾多時間和精神、在南海幹着那些毫無意義嘅傻事而矣！