巾幗勝鬚眉

扑妹巾幗勝鬚眉

支男驚青又賴皮

鴛鴦共枕不連氣

殺到埋身各自飛

日前奀症教兩大長老扑嘢女、支那男、以及三名小目頭被控硬闖惹事堂罪成、各被判入大牢面壁廿八日。然而、支那男以及一名小頭目臨陣腳軟、並提出上訴要求。判官允許他們保釋外出辦理有關事宜。不過扑嘢女就連屁都懶得放一個、聞判後便登上囚車向大牢進發。聽聞話、她進人牢房後吃的第一份「監躉餐」就是雞翼飯、而且食到舐舐脷。嗱、咁先至稱得上係巾幗梟雄吖嘛！比之嗰壇臨陣發軟蹄嘅支那男、簡直連替她挽鞋都冇資格。難怪坊間流傳、扑嘢女好揀唔揀、偏偏揀着一兜廢柴啦！

坦白講、當日奀症教硬闖惹事堂整個過程都被天眼攝錄下來、想撤賴都唔係咁容易。不過咁、黃仔總係有佢哋嘅辦法。例如戰中三𡃁首被判做義工和守行為、戒律師提出上訴後即被改判為摱鐵枝、但案件到咗無上堂又全部獲得釋放。更加犀利嘅就係、一眾（三年捕而不控）黑金疑犯、竟然被新任戒律師集體放生、搞到連審都慳番。之但係、黃仔都有分親疏嘅。例如半文錢嘅老大狼胎讓及其沙煲兄弟六萬奇雖然是同樣係黃仔、但佢嘢入門日子遠比三𡃁淺、所以花大叔係唔會投放太多資源往他們身上去。狼胎讓和其他一男一女走佬頭目總算有自知之明、故一走了之。唯獨是唔信鏡嘅六萬奇就留下來、結果身陷大牢挨四個夏暑天了！所以嘛 ... ... 大家不妨擔凳仔坐定定、等着看這場戲如何演下去吧！