貓哭老鼠

臥龍弔慰假惺惺

黃思喪心弄虛情

政治古今同一樣

一人勝利眾輸清

半文錢大佬涼爽奇暴動罪城被判監禁六年、一眾獨派頭目盲巫凈、蘿半蔥等人均表現得欲哭無淚咁款、委實肉麻到痺。人家涼爽奇在街頭與捕快搏老命時、嗰兩壇嘢只係安坐家中透過電視機睇戲咁睇、點解唔見佢哋落場幫拖？現在涼爽奇斷正入冊、佢哋就貓哭老鼠、簡直係弱智嘅。還有其它黃黨文膽、亦紛紛在不同平台上發表歌頌暴徒嘅文章。其中有一個叫越亂越憎嘅大叔、竟然將慢得拉（南非人的國爸）這位和平主義者、拉到去跟從事暴力鬥爭嘅涼爽奇相提並論、委實太可恥。

現在望翻轉頭、涼爽奇等人在暴亂期間嘅行為有多凶悍、至今依然歷歷在目、相信唔少街坊亦曾經透過電視畫面、見識得到現場嘅火爆情況。當坊眾怒斥暴徒時、沒有任何一個黃仔敢企到他們的一邊。但在兩年後嘅今日、黃思政客見到街坊對「怒火開年」嘅怒氣冷卻了、於是將暴亂事件演繹成為官逼民反、並把那群被判刑的暴徒捧成鬥爭英雄、只差在未曾有宣布集體推薦涼爽奇等人去競逐「落錯雨」和平獎之嘛！嗱、更諷剌嘅就係、對此事眼不見耳不聞嘅前朝末代督爺肥彭、居然反起雙眼老屈本城判官濫用公安條例去打壓政治異己者。嗱、判官在判案時已經講明影閣有前例可援、試問身為影閣人嘅肥彭點解會認為判官詢私枉法？此君是否立壞心腸唯恐天下不亂、相信大家已經心中有數。之不過、城中確係有群人對這壇心腸歹毒的家伙當作親爹般看待、並將其言論視為金科玉律。試問、班獨仔獨女點止中黃毒咁簡單？