升升又升升
食完兼夾拎
睇見眼矎矎
聽落冷冰冰
早前、公家提出一藍子(未來)降低居屋售價計劃、宣傳工夫亦做到足。之但係、當下居屋價卻突破萬元一呎大關。咁即係話、公家給予嘅係遠水、當前燒着嘅係近火。呢鋪算唔算係大隻講呢?講真、大多數街坊都渴望盡速改善眼前居住環境、根本上唔想聽廢話。由本城大歸開始、每屆阿頭 “啱僧除外” 都顯示極關心基層街坊住屋問題、既有老古董提出嘅八萬五、亦有阿狼所講嘅重中重、但廿年已過還是口惠而實不至。試問怎能叫街坊去相信公家?問心嗰句、在今時今日人均收入算來、有能力出資千多萬去買一層樓嘅人、根本上冇須要公家津則。但是居屋呎價也賣到萬多元、而最近有報導指出乜山花園(居屋)呎價接近一萬九千元、簡直係人都癲啦!係嘛?難怪咁多人話、家陣嘅居屋政策係為着要晾起物業價格而設架啦!