喪普又反口

老鷹立心要屠龍

城中二五作幫兇

且看神龍攻定撤

若能闖過便稱雄

呢嗱、蠱惑仔講數只要合符利益就互相信守誠諾、呢啲叫作和氣生財吖嘛！唯獨是喪普係毫無信譽可言。上次跟紅家取得共識之後如今又反悔、並在其代表團起程前往紅家作進一步跟進嘅前夕、重提向五百億紅家貨品徵收25%關稅。喪普咁做、分明將前面雙方嘅默契全盤推翻、還原基本步重頭再𦧲過。所以話啫、同呢種人交易確係心血小啲都被佢氣死。老實講、如果花家真係咁有底氣嘅話、就唔會嘥口水跟紅家嗲來嗲去。假如我係閘王就趁佢病攞佢命、企硬同佢「鍊」一鋪、看看誰的命夠硬。

從花家前後矛盾睇嚟、打貿易戰並唔止為錢、更多嘅係要將龍族高新科技產品嘅市場封殺。嗱、千祈咪以為這獨係花大叔嘅個人意願、其實成班花朋在都係咁想架！因為在他們理念之中、紅家科技崛起等同多隻香爐多隻鬼、勢必分薄佢哋嘅既得利益。因此、紅家退一步、老番就踏前一步。如果紅家唔想被迫到埋牆角嘅話、就要付出代價。問題係紅家是否有決之跟花家「鍊」鋪勁嘅之嘛！

老番之所以對紅家搞出咁多忌忌吉吉、無非係寧見龍族閉翳、不望龍族富貴。這是可以理解為人不為己天誅地滅、所以老翻係冇錯嘅。之但係、身體上明明流着龍血嘅人居然手指拗出、做出令龍族閉翳之事、咁又應作如何解釋？呢嗱、我族歷史很清楚話畀我哋知、在百年前嘅甲午海戰若不是有大批漢奸為架仔做二五仔嘅話、滿家海軍大概不致於全軍覆沒的。現在又見到有人公然重蹈覆轍而獲庇護、難道龍族真係好似一坺爛泥咁、點都扶唔上壁嘅？