2018年4月30日星期一

遲來的公正


盲巫遇盲巫
臭味兩薰陶
人皆一肚氣
慶幸有關刀

話說丐幫長老常無出刪後、便跑去六判爺面前告狀、指控監倉部部長剝削佢留長毛嘅權利。結果六判爺判他勝訴。殊不知結果一出街、便立即轟動全城。正在摱緊鐵枝嘅一眾監躉人人叫好、個個得敕、而嗰班監倉部夥計則全部都懵晒。

2018年4月28日星期六

花拳繡腿(一)



以為遇高手
原來係阿斗
講來三幅被
舊橋當新猶

呢嗱、喪普發動嘅貿易戰來勢洶洶、一着比一着凶、一着比一着險。真係唔知到就被佢嚇死、知到就笑死冇命賠。原來花家用來用去都係蠱惑仔三招。第一招「無事生非」。隨便找個藉口就喊着要增加保護費、如對方企硬便加倍懲收。第二招、「先殺後姦」。先拿人家嘅賺錢企業開刀、先殺一家再追殺其它、殺到對方腳軟後再提出講數要求、趁機勒索更多銀両。第三招「以眾暴寡」。若然講數唔搞就召集盟友進行圍毆、就像打伊啦黑、聚利瓦一樣、將人家打到冚包散。今次喪普請得“人稱老奸狗”來凸迮出山對付紅家、而上述三招就是老奸狗當年用來打殘架仔經濟嘅絕招。喪普果然心狠手辣、佢一手迫人元升值去加強花貨品競爭力、而另一手就拉攏盟幫一起透過高級科技封鎖、企圖迫使大陸以房地產為經濟發展支柱、從而將閘王嘅龍族製造2025嘅發展指標摧毀、企圖將紅家變成第二個架仔。不過、喪普千算萬算、卻算漏咗龍傳人並唔係架仔。

2018年4月27日星期五

議會雞



阿奇生阿奇
伸手摸格籬
即成眾矢的
注定要倒楣

罪惡城最出名嘅係、出產小學雞、中學雞、大學雞、以及教學雞。隨此之外原來還有議事雞。話說某日垃圾會夠鐘開會、 一位女職員(阿姐)如常以手機催促那些尚未瞓醒嘅尊貴進人議事廳。殊不知就在這時、忽然有一名男子飛身撲向阿姐、並一手奪走她的手上啲那部手機、然後衝入男廁。大概過咗十幾分鐘左右、剛路過嘅白鴿會會長胡扯喂得知此事之後、便立即喝虛痴瘋出來、然後喊他將手機交還給阿姐。

2018年4月26日星期四

唔係秘史(五)



黃仔行為非偏見
更加唔係發花癲
金主有令齊搞作
鬼也推磨亦為錢

西廠大當頭十二哥在聯歡會對黃仔尊貴講、應該放下偏見並攜手為罪惡城創造美好嘅未來。嗱、在下唔知到、究竟十二哥係真不懂還是假不懂、居然將黃仔嘅反紅行為視為偏見。坦白講、逢宗必反可以話係偏見、但擺明車馬做「專業看更」就絕對唔係偏見而忠於職守。請你睇睇、呢班人完全不顧街坊利益、挖出一些不成理由嘅理由來反對「一站兩份」嘅利民措施、就知我冇講錯。事實上、黃仔係靠街坊捧場才有機會做尊貴。之但係、呢班人現在公然冒着冇得再留低之危、而妨礙街坊享有「方便過關」嘅權利、所以件事絕非個人偏見咁簡單的。

2018年4月25日星期三

唔係秘史(四)



原來貼士係山埃
喫後唔死快拉柴
乾坤內裡無一物
為何監硬賣精乖

江湖上一直流傳、打得姐在獲得紅家答應無須履行訂立防毒法才肯人主中廠的。因此、打得姐係有大條理由去拒絕孭起立法嘅責任。但問題係、紅家有乜嘢理由會接受一姐開出嘅不負責任條件、究竟係咪冇咗佢唔得?坦白講、既然做得坐館就不得推搪家法規定必須負擔起嘅責任、但係有權劈炮唔撈嘅。

2018年4月24日星期二

唔係秘史(三)



爾家用人不靠譜
寶城頓變禾桿草
包庇爛民兼種禍
縱容毒子變兇徒

橋法王訪問期間話、港毒並不在於能不能成為現實、而係破壞民族感情和違法的。但實情係、罪惡城嘅家法到目前為止只能在禁止製毒和敗毒方面起作用、對於港毒是無能為力的。再講、在芸芸港毒領頭人之中九成是來自大陸的移民家庭、要怪就得怪大陸將那些教而不善之流放逐到本城來作孽。況且、非我族類嘅爛民既然可以在罪城福利方面分一杯羹之餘、還要作奸犯科大肆挑戰本城法治權威、點解同聲同氣同源嘅港毒分子唔可以破壞一嘅社會治安?難道養爛民兇市民就唔係傷害民族感情?照咁睇嚟、橋法王可能早已睇得出有人以妖法將「防毒法」封印起來咯!

2018年4月23日星期一

唔係秘史(二)



我勸你聽不願聽
再講無謂免嘥聲
當初錯在圍威喂
問責不通落重刑

歸本法過氣大法王橋表揚以個人身份帶備敬酒南下罪惡城、準備為一姐回心轉意開啟防毒法立法程序而乾杯。殊不知反派一口咬定、橋法王帶來嘅係罰酒。嗱、咁就奇嘞、難道閣下嘅家人安全“因部份「架忌冷」嘅胡作非為”而受到嚴重威脅嘅時候、你還會跟別人舉杯慶祝嗎?當然、即使你高舉嘅係敬酒、那些視你為敵嘅人都會講成係罰酒。當你發現、原來你將一筆投資交到一個存心不良嘅經紀手裡而危及你嘅利益、又因形勢所限而不得將之立即炒魷、難道來一趟先禮後兵都唔得?如無猜錯的話、紅家很快就會真的送罰酒過來。大家走着瞧吧!

2018年4月21日星期六

世界爛仔



三煞圍攻君未知
五行逆倒變乞兒
人到頹時膽自喪
取之無道確當誅

花家這個世界頂級社團自從由喪普當上大佬之後、一下子就由世界判官化身為世界爛仔。喪普一味恃着拳頭打爆石就四處踢索、順者不昌、逆者即亡、果然係毫無義氣一心食夾棍嘅超級惡霸。

2018年4月20日星期五

唔係秘史


若說無知卻又知
㒼塞只會做乞兒
個個財奴皆義氣
冷觀紅杏過它枝

當西廠老大十二哥公開指出、本城是唯一沒有家法嘅龍之土地、翌日一姐就馬上公開重申、立家法嘅有利條件尚未出現。嗱、盲嘅都睇得出、呢趟係兩廠格劍。黃營正在密鑼緊鼓部署各項反紅行動、藍營則一面剝花生、一面睇馬騮戲、而一姐卻成個係菜英子 2.0 咁款、佢行佢素睬你戇居、將那些本來一直保持沉默嘅街坊都氣得發起忟憎來。咁搞法、社會上怨氣必會越積越濃厚、爆起上嚟一定唔係人咁品。縱觀世界上所有大小家族、沒有任何一處係家法真空嘅。本城前當家忽裂顛也立了家法保護其家族利益、點解輪到紅家就毫無保障呢?說穿了、無非是城中嘅花朋友(乜乜霸權、表叔漂白公司、前潮漁業堂)聯手炮製出來嘅奇景嚟囉!

2018年4月19日星期四

喪普出喪招


喪普唔知埞
英子來和應
紅軍擂戰鼓
台民嘆薄命

日前街坊軍在台海發動一次歷來最大規模演習、以回應台島一姐菜英子挾洋獨立。與此同時、紅家駐花家總代理通天海發出「文統不通便武統」嘅警告、讓喪普知到拿台島當籌碼跟大陸賭是行不通的。但那邊廂嘅菜英子拉得坡仔大佬顯蟲出兵跟台軍組織聯合軍演、菜英子本人亦雀躍的登上戰船實地觀戰。從台島報章報導看來、台島軍力跟街坊軍相比大有半斤八兩之勢、但島上街坊卻心知肚明假若開打、台軍挨不了多少天的。

2018年4月18日星期三

大和解係大跪低?



息爭原來係跪低
頻頻蝕底確堪危
今日齋講無道理
原來法治已歸西

剛剛大和解又發功了!垃圾會嘅痕症管理委員會(痕管會)決定免去打包四人組欠下垃圾會一千二百萬両責項、只係求其追番四人購賣笨公室用品嘅支出就算數。嗱、在下並不是針對一姐堅持大和解、更無意指黃藍兩營私相授受、而係有點不明白、既然決定係由痕管會定下來、何解只係由黃營代表郭大俠單拖企出來交代、而藍方連一個代表都冇之嘛!

2018年4月17日星期二

紫荊人在想啥?


信佢一成便輸清
若然躀低勿詐型
無懼眾君燒壞瓦
講數唔掂再興兵

據榕樹頭術數師傅僑小羊為黃仔提出的「先普選、後立法」卜了一掛、結果只得出一個“亂”字來。他指出、近來紅家大員人人將「打殘港毒」掛在嘴邊、顯示安全法立法確係有迫切性。前幾日、白鴿會師爺黑仔桃開腔撐一姐所發表嘅「先和諧、後立法」論調之後、僑小羊就知到葫蘆裡面裝嘅係乜嘢藥了!僑小羊指出、妖蜓在扶桑和台島散播港毒言論明明係超越咗紅家容忍底線、而且分分鐘都會為罪城街坊帶來霉運、仍然有咁多黃仔盲目撐佢、足以證明「大和諧」係偽命題嚟。是否認同僑小羊嘅講法、純屬見仁見智。但一姐死撐尚未係立法時機。咁即係話、黃仔可以放心玩鋪大嘅拉!

2018年4月16日星期一

阿姐果然好打得



亂制玩自揩
妄想標松柴
明知冇收獲
硬將氣力嘥

阿藍要在垃圾會召開批鬥“曾經將祠堂裡面嘅祖先神主牌倒轉來擺”嘅松柴井、但遇到黃仔極力阻撓。理由係、黃仔認定咁做等同政治迫害松柴井。嗱、阿藍今次的確係小題大造。反轉個木牌啫、又唔係反轉佢阿爺、使乜搞到批鬥咁大件事?人家六判爺都唔認為冇必要重罰松柴井、你班阿藍又何必苦苦相迫?今時今日講惡呢家嘢、睇怕亦輪唔到你哋班藍仔啦!知冇?何況罪惡城係一個“講”法治嘅地方?要指控人都必須要有法例依從吖嘛!請問阿藍一聲、家陣本城有邊條法例係唔准人倒轉神主牌來擺放架?

2018年4月14日星期六

局打



出得來行預咗還
道理唔通講野蠻
未曾傷過焉知痛
看誰最後笑開顏

喪普向閘王表示、如果唔想打貿易戰、就要接受佢開出嘅四條不平等條約、包括()紅家必須要在一年內減少一千億花元貿易順差。()紅家必須對花家全面開放電子和金融市場。(三)紅家不得以市場換取技術。(四)紅家不得以補貼方式搞行業政策。正常人一眼睇得出、喪普分明要藉着這四條不平等條約來摧毀「神州製造 2025 」計劃。嗱、就算喪普再開出更多條件出來都唔係問題。問題係、究竟花家能夠拿些甚麼東西來跟紅家交換?講拳頭大、打台島牌?依我睇、紅家未驚過。

2018年4月13日星期五

老杜講人話



賓家冧友八人多
三世妖人笑呵呵
老杜前來于道歉
事到如今嘆奈何

七年多之前、一群紫荊城街坊到飛甩賓旅遊、期間被一名持槍悍匪門多殺(賓國捕快)走上旅遊車、並將車廂內廿五人挾持作為人質與賓國巡捕房講數。經過當地捕快一輪奇劣無比嘅所謂救援之後、結果造成八死七傷慘劇。

2018年4月12日星期四

速補鑊啦


好心唔怕做
擺明計錯數
知錯尚未遲
遲到勝冇到

當年反對縣衙修例以防假難民湧本城嘅政棍、已經為我哋嘅社會帶來災害。假難民犯案之頻密簡直係無日無之、而且暴力程度不斷升級。事實證明、罪惡城治安已被難民破壞得體無原膚。然而、縣府還要每年拿出百億銀両、去供養這群危險人物。當然、無論在任何情況下、都係有人歡喜有人愁嘅。歡喜嘅當然係為難民辦理居留和打官司而忙得不可開交嘅狀師們、發愁嘅咪就係普羅街坊囉。現在我哋嘅社會受到難民衝擊、點解硬係唔見嗰啲尊貴關注一吓嘅。家陣係咪難民有人權、而街坊就冇架、吓?!

2018年4月11日星期三

喂、做事啦(二)


法律管不到
道德往糞槽
主權無着處
拗多亦肺勞

阿藍嘗試以法制妖失敗之後、便掹張道德牌出來撻講大教館、並以“教頭宣毒對學生構成壞榜樣”為理由、迫使館方炒妖蜓魷魚。嗱、我唔係潑冷水、只係大家都知到講大教館係製毒夢工場嚟、教館大生會出品嘅「鶴丸」就係一份播毒刊物。所謂臭罌出臭草、既然妖蜓滿身毒氣、而講大教館更加係毒氣熏天、兩毒簡直係臭味相投、今時今日要𠸎講大教館講道德、倒不如一頭撼埋牆、將自己撞死算了!

2018年4月10日星期二

陰謀論之三城大橋


聽來甚吊詭
強身變弱體
大數打斧頭
惟有暗啞抵

眾所周知、三城大橋唔止係一項招牌級世紀大工程、而且係一水一陸嘅示範項目嚟。此橋成功運作嘅話、唔止三城威水、而且將紅家個金漆招牌省到立立令。相反、就乜都喎晒架喇!早前江湖上流傳、有人在大橋工程上打斧頭、近日又有報導指橋島逳身逳勢。雖然有關當局解釋所謂逳身逳勢只屬錯覺、但打斧頭單畸屎就唔係錯覺嚟。嗱、唔知各位街坊對此有何觀感、但我就真係驚驚哋嘞。家陣講緊嘅問題係偷工減料、但當局聲稱“已將大橋檢查、證實金橋湯也”仲話無妨無妨喎!

2018年4月9日星期一

撐獨派對



黃思撐獨又撐妖
大眾唔知乜嘢料
學子無𠸎𠸎中毒
除魔須靠廿三條

呢嗱、在藍思喉舌不斷打嘴炮之下、黃思又趁高興跑出嚟大張旗鼓、實行撐妖蜓。江湖流傳、黃思本來想發大一站兩份單畸屎來玩、奈何總係挑唔起大眾興趣。正當佢哋感到徬徨之際、卻碰上藍思喪插妖蜓、於是靈機一觸便乘機將單嘢發大、並搞一趟大示威。從眾多參與示威人士嘅身份看來、集會氣氛似開派對多過似示威。示威現場出現多款寫有獨立和打倒一黨專政字樣標語、這些大概係黃思口中嘅學術自由都未定。就在此時便聽到妖蜓口沫橫飛咁話、一姐找不出法例去喐佢、仲喊大教館班館委睇清楚館規、咪個喐佢唔到反而攞假嚟丟喎!

2018年4月7日星期六

硬拼硬



鐵掃把掃石地堂
以硬打硬太瘋狂
你喊大時我反大
且看誰家稱大王

根據得意豬銀行嘅工作報告顯示、花家公布 2015 年與紅家貿易逆差與事實有很大出入。在 2015 年花家嘅「蛇果手機」和「廣用汽車」在紅家銷售 2230 億花元、但這筆數並冇計人交易賬目之內。因此花家 2015 年在紅家嘅銷售實數是 3730 億花元、而紅家從花家銷售是 4030 億花元、實際逆差只有 300 億、而非花家公布嘅 6000 多億花元。從上述數字可以見到喪普當正紅家係水魚、話劏就劏。可惜紅家畢竟唔係其盟友、根本上無須睇喪普面色做人。因此當喪普喊牌時、閘王就同佢玩晒冷。拿、今次除咗架仔暫時幸免之外、大部份花家盟友“由其是高麗”都聽信喪普嘅鬼話、自動獻身被掠到一頸血。

2018年4月6日星期五

喂、做事啦!


亡羊不補牢
冚家鬥勞嘈
台前演鬧劇
幕後鬥污糟

連日來、紅藍喉舌不停的瞄準散播講毒嘅妖蜓狂噴口水、大有以口水來浸死呢隻妖孽之勢。之不過、口水係浸佢唔死嘅、除非在罪城家法中闡明鼓吹港毒都係死罪、否則講多都嘥氣。近日講古佬雙番東𠳕咗一大拃甚麼安全法條例出嚟、話可以引用來將妖蜓繩之以法。嗱、如果那些例行得通、就無須等足三年多還未將戰中搞手帶上六判堂嘛!早排在平民食堂無意中聽到大撞棍 Martin Marvel Lee (馬丁賣忽李)對班黃仔講、嗰啲條例係大影細閣(影閣)下來嘅過時遺產、只適合用於防止罪城街坊做出任何傷害影閣利益嘅舉措。嗱、我真係想問一句、邊句至係真架?但係咁、如果罪惡城真係有安全法嘅話、以妖蜓呢壇法術教棍來講、係冇可能會舂個頭埋去嘅。

2018年4月5日星期四

白養懶兵


習慣上財來直受
上戰場左閃右就
論吞噗滿堂皆俊
說人情點滴不留

開講有話、食嘢唔做嘢、做嘢打爛嘢、真係一啲都冇錯。嗱、由掃把姐主持嘅一站兩份會議、因多人缺席導致流會。據掃把姐講、一共有六名亂制代表缺席、而另外三名已經到場嘅反派代表亦拒絕人會議室。在只欠一人而未能達至法定人數情況下、掃把姐惟有宣布流會。嗱、反民拒絕入場係正常嘅。因為大撞幫由當年率先支持一站兩份而演變成今日嘅極力反對、已經證明所做一切都係政治舉措。這點亂制應該很清楚的、但仍然有六人甩底。你話嘞、呢班唔係劉皇馬、唔通係赤菟嚟咩?

2018年4月4日星期三

籠裡雞作反



此君做事大猖狂
家醜鬧上議事堂
中廠登時矮半截
陰濕炸彈要提防

打得姐手下三條 A 之中、除咗大管家電鐘哥之外、其餘嘅大掌櫃阿茂哥和戒律長僭建姐皆被街坊鬧爆。之但係、電鐘哥呢回可能被一單濕滯畸屎㘉濕個身咯。日前食玩處(食記)向議事堂投訴渥雨處嘅滲水辦公室(滲記)處理滲水投訴速度慢過蝸牛、屯積嘅畸屎堆積如山、連申請人屋手令都劈低埋畀食記去做、累得食記頻頻替滲記孭鑊。據食記主管講、佢曾經多次向上頭反映過有關問題而不獲處理、在迫於無奈之下、才跑到議事堂爆大鑊。

2018年4月3日星期二

究竟要玩到幾時?



既然拒納安全法
難怪妖人脷刮刮
事關擋架有賞銀
繼續吹水嘴唔抹

嗱嗱嗱、罪惡城唔止係言論自由、而且仲係吹水唔抹嘴嘅天堂嚟。戰中頭領夭蜓堅持自己宣揚獨立建國嘅地坊是在台島而非罪城、仲擺出一副「你吹脹我咩」嘅態度出來𢽴𢽴、氣得泛藍班友呱呱亂叫。於是乎、有人引用內地喉舌所指獨立建國係違反紅家憲法、迫使罪城第一大教館將妖蜓格扯。喂喂、阿哥、阿姐、你哋唔好玩啦!人家大教館館委會大佬你個章話到明、如果妖蜓違法大教館自會跟進。我唔知泛藍聽得明冇、但我就聽得出除非泛藍能夠拿出證據來證實妖蜓違法、否則大教館愛莫能助。即係將個波踢番畀泛藍囉!

2018年4月2日星期一

誰之過?



和解頂住廿三兜
妖人踩界博倒流
雖有三廠齊責罵
欲規無例賺得嬲

繼紅家喉舌、中廠、西廠、講馬廠齊插散播獨立建國論嘅妖蜓之外、今日有超過四十名亂制派人士聯手齊插妖蜓播毒。喂喂、阿哥、阿姐、你班友人多「蝦仁」少喎!唔該你哋話我知、究竟妖蜓犯咗那一係法例要勞動你哋大動肝火呢?嗱、講唔出𠻗、係嗎?梗係啦、妖蜓是法術界大行家、當然知到現行法例管制唔到佢播毒。既然係咁、妖蜓又何錯之有、而你哋又憑啥向佢發爛渣?