好戲剛剛開始

相見未嫌晚

合作也不難

各持一把秤

計較亦等閒

喪普終於跟肥恩在獅城見面。喪普於會後連講三聲非常好。之但係、是否真係咁好、就要看日後跟進如何。其實、無論是喪普對肥恩、抑或肥恩對喪普都是皮笑肉不笑。他們之所以見面、無非各有所須。喪普要的是一項成就和爭取花民支持而達至連任。肥恩要的是國際生存空間和取得北寒經濟發展機會。今次雙方簽署嘅協議只屬大方向、既無時間表、亦唔見細則、到不如說是意願書更加貼題。

表面上看來、肥恩與喪普已經簽署四項協議。然而、雙方在細節方面必有拗撬。例如花家既要北寒把所有核武和設備交由花家保管、又要將北寒嘅有關科學家全部帶返花家看管。肥仔恩亦要花家軍隊和裝備撤出朝仙半島。我並不相信雙方領導人可達成有關協義。因為花軍駐守南寒旨不在北寒而係紅家。何況利比罅大佬卡得飛之死、早已令到肥仔恩不敢相信任花大叔。按照目前情況睇、除非雙方都願意在某些情節上讓步、否則難以取得真正嘅共識。以花大叔嘅格局來講、要花家將軍隊和設備退出南寒是絕對做不到的。總言之、肥仔恩若是堅持的話、談判是沒有結果的。但這並不等如開戰、而係繼續維持現狀。

依我睇、肥仔恩倒沒所謂、而且會公開銷毀所有核武、或將之交給紅家看管、讓全世界都知到北寒已經完全棄核、那就是目的達到了！即係話、花大叔可以唔妥肥仔恩、亦可以暗中阻止其盟友跟北寒關係正常化、卻失去對北寒進行經濟封鎖和用兵嘅理據、但可以令到兩寒停戰協議簽不成。只要兩寒不能簽定停戰協議、花軍就擁有繼續駐守在南寒嘅藉口、紅家、南寒、架仔三方搞嘅東北亞自由貿易圈亦搞不起來、花家在東北亞嘅影響力就得以保存。