炒洋判？

兩制成亂制

當然係閉翳

表面裝糊塗

實際搏偷雞

近日聽聞街坊談論七千人上街撐捕快事件、其間有人認為將班老外六判炒清光問題就可以解決。嗱、今時今日嘅罪惡城唔係黃晒冷、就係藍晒冷、總之係又晒、唔係又晒、晒到班街坊眼到花埋至係。但問題係、究竟係唔係炒晒班老外而換上本地薑之後問題就得以解決呢？依我睇、絕對唔會。因為本地薑亦係有不同政治立場的。例如黃營指某某六判係藍色嘅、而藍營又指某某六判是黃色嘅、總之判決不利自己一方就必定係顏色六判偏私。但阿邊個終極六判爺話判決考慮嘅係法律及其爭議、𠸎法律政治、經濟、社會議題通通唔係六判嘅憲制職責。

講開又講、全世界都很難找到一個像罪城一樣嘅城市、坐在高懸明鏡之下嘅六判係奉行煲通法嘅老外。街坊質疑如果歸本法與煲通法有衝突時、究竟那一法為大。有人質疑、既然肥彭督爺都執埋句袱返咗大影細國、仲留低班老外六判喺度掌控司法大權、豈不是老外自講？講起嚟、唔知到係咪某六判爺指戰中三小妖糾眾衝擊縣府大樓東翼廣場係有崇高理想、仲係維護公義嘅行為嚟、然後輕判緩刑和做義工、已經僭越咗上面阿邊個終極六判所講嘅憲制職責、所以到咗上訴庭才被改判監禁。在下總覺個老外六判爺判決公正與否只係見仁見智、更多嘅就係罪惡城並無確立國家安全法、即使連次一皮嘅廿三條都未能立法、以致老外六判爺判決與政治有關嘅案件很多時都會在社會上引發爭議。早前有報導指阿邊個終極六判話三小妖案判決很有問題。街坊都很有興趣知到、當案件擺上終極庭時、六判爺又會有點判嘅呢？我亦想問問縣太爺、究竟要等到我地嘅社會混亂到乜嘢程度、才算得上係進行廿三條立法嘅好時機呢、吓？！