即開即爆

咪過唔信鏡

應驗夾靈擘

無中生有事

確係夠標青

呢嗱、俗語都有講、食豬紅屙黑屎、立即見功吖嘛！縣太爺滿以為開放縣衛東翼空地給示威者使用、就可以討好反派。之但係、有一群暴民以行動來表示不領情。他們帶人去該空地撒嘢、並在混亂之中使得有人受傷。嗱、呢啲咪就係縣太爺嘅「堅離地」又一例證嚟囉！都係成蟲大哥講得啱、乜乜人真係要被人管至得架！更可惡就係、有條瞀里居然本末倒置、指護衛員率先焫㷫那群暴民才爆發衝撞。喂、阿哥、難道你兜廢柴認為護衛員眼光光睇著有人搗亂都唔理才對嗎？事係大法師公會還要誣衊民大常委為一站兩份拍板係不依法和不要法、以為暴民惡行開脫。

劏雞華大法師以“傾斜，片面、失實”去形容大法師公會對一站兩份嘅睇法係啱架！假如呢班大法師唔學足佢哋契哥花大叔那招「無中生有」嘅話、又點會抓得到藉口來妖言惑眾和挑事？正如當年涼茶杰大法師所謂嘅“不守戒律並不等同不尊重戒律”咁荒謬。班友係明知到民大常委拍板通過一站兩份並無違戒、但遍要在戒律問題上鑽空罐子、誓要給罪惡城添煩添亂之嘛！難道你會相信看更李講、如果當年天朝唔係答應實行「一個兩砌」嘅話、大影細國就不會把罪城交還的嗎？嗱咁就奇嘞、如果影國真係如看更李講得咁駕勢、點解要在世人面為丟人現眼而放棄本城？難為那些政治盲流父母帶同尚未懂事嘅小孩子參加遊行、仲話讓佢哋明辦事非。基本上、這件事嘅「是是非非」係無關是與非、而係跟西方與天朝嘅利益爭鬥有關連。事實上、花大叔掟錢入罪惡城賣通反派搞對抗已經是公開秘密。報紙賣過、支票亦出現在公眾眼前、甚至連過氣駐本城大使夏蝙蝠都在番邦公仔箱受訪時親口承認有參與黃亂幕後工作。只不過係有些人患上選擇性失明、失聰、和扮啞而矣！點解會咁？咪就係有太多人偏聽和偏視、以致知啲唔知啲而恐上恐共症。呢種症係冇得醫嘅、除非能夠撇開成見、並親自置身神州認真去感受、才能夠有所領悟。