遍地西瓜皮

有心定冇心

誰可以定音

巧遇勝安排

棉花蓋毒針

縣府將首輪補打擂台戰日期定在明年三月尾。由於日期與聽協堂和人地堂會期撞到正而被非議。之但係、縣府大總管話、那是擂台委員會嘅決定、縣府只係于予尊重。嗱、聽起來、縣府果然係民主過民主。之但係大眾心裡明白、藍思將會有很多重量級人物出席兩會、而無法留低為補打戰押陣、爭勝機會勢必大打折扣。呢嗱、剛剛之嘛、縣府又提出將一站兩份終極議案安排在一月尾提交議事堂表決。然而、又係有咁啱得咁橋撞正新一屆聽協堂首次會期、而新入選聽協代表嘅垃圾尊貴係冇理由第一次會議就缺席嘅、到時一站兩份分分鐘在陰溝裡翻船。好彩、藍思今次終於懵唔晒、嗱嗱聲提出將一站兩份終極議案押後、否則勢必遍地人頭。

講開又講、咱家戒律院和六判堂同樣係怪雞嚟。例如涉及迫爆區暴亂嘅關鍵人物狼胎仰棄保潛逃事件、就帶出不少令人質疑之處。在狼胎仰獲得批准保外候審兼獲准離城出外之前、另一名迫爆區暴亂疑犯李搧兒已經棄保潛逃往台島尋求庇護。話口未完、又多一個譯音Doin’t Sing Lee嘅暴徒著草喇！現在問題係、狼胎仰嘅身份既係半文錢大佬、易係迫爆區暴亂主腦人物、潛逃風險肯定此李搧兒高出多倍、點解六判爺會認為只要加多一些保金就冇問題呢？更令人費解就係、蚊腔署明知半文錢係獨派組織、仍然肯租出場地給他們播影講獨影帝涼爽奇主演嘅宣傳片？嗱、先有公家場地播放講獨宣傳影片、再有講獨大佬棄保潛逃在後、成個勢搞到怪雞成咁、點會話唔惹人質疑？再講、堂堂巡捕房、居然有龍式步操唔學、偏要聘用洋教官來教授洋式步操、已屬不可思議、更諷刺嘅係、每當捕快向國旗進行敬禮時、口令係大影細國口令、敬禮方式亦係大影細國使用嘅動作嚟。難怪咁多人揶揄、罪城府衙嘅特式係人前講鬼話啦！