叫人地做嘢啦

若然要申冤

無須鬧爆天

不怕難上難

獨忌志不堅

近來因為藍思不滿七捕和捕頭被判執法犯罪、而鬧爆六判不公。與六判份屬同門嘅大撞公會便出面、要求縣太爺將那些妄批六判嘅丟民依法處置。就係咁、連那些一直沉默嘅藍思坊眾都跑出來喊將洋判炒魷。縣太爺透過公仔箱警告街坊、妄批六判者隨時會被控藐刑堂之罪。點不知縣太爺連話都未講完、就被坊眾斥責恐嚇街坊。當中有藍思反問、點解黃思三條𡃁被判踎監時大撞公破口大罵判決係政治打壓、又見唔到縣太爺企出嚟止咳、而今日就要反過來打壓藍幫思言論自由？嗱、其實大家咁詏落去、都係詏唔出結果嚟。嗱、罪城係一個法治之區、藍思應該透過人地代表、向人地大會告狀、而唔係吵吵鬧鬧。

天朝憲法闡明人地大會有權審議罪城公堂判案是否合符歸本法規定、如果發現不符合、有權推翻判決的。紅家喉舌亦指出、天朝憲法與歸本法是母子關係、而憲法與煲通法是沒全無關係的。因此當有人認為罪城判堂判決不符合歸本法而作出投訴時、人地代表有責任將投訴遞交到人地常委辦公室、由常務委員跟據歸本法作出審查、然後再決定是否須要跟進。正如上面所講、任何人認為七捕和捕頭嘅判決有違歸本法嘅話、係可以向人地告狀嘅。之但係、罪城街坊似乎唔係太清楚人地代表嘅職責、更加唔知到自己係有這方面嘅權利而矣！嗱、話雖然係咁講、但人地代表幫唔幫你遞交狀書、而常委會是否願意接辦、又是另外一回事了！各位藍思街坊、請你哋睜開眼睛睇睇、人家黃思經常派人跑到番邦告洋狀、都不知告得幾咁不亦樂乎。點解成個架忌冷神壇擺正喺你地面前、都唔去上番注香順便求番枝好簽嘅？嗱、嘈嘈閉冇實際、噪音係幫唔到你哋嘅、如果你認為道理企喺你哋嗰邊就去告狀、總好過白嘥口水吖嘛！

其實社會上之所以咁多矛盾係縣府一手造成。如果縣府唔係將黃亂案一拖再拖、搞到執法人員紛紛入獄而主犯就逍遙法外嘅話、根本上係唔會發生咁多事。假如我話呢單嘢係普羅大眾想多咗、唔知你又信唔信？