排第七

購物天堂前美譽

今天贏得個慘字

競爭能力頂瓜瓜

在職慘過做乞兒

有報導指出、根據花國調查報告顯示、全球快樂指數最高嘅國家就是獲得92分（以100分為滿分計算）嘅飛祭。我哋嘅罪惡城亦唔執輸撈到個第七、只不過是由隊尾倒數過來嘅尾七而矣！罪惡城獲得嘅快樂分數係29分、與男非和土語其同分。罪惡城在世界上最具競爭力地區龍虎榜上名列前矛、樓價租金更加係非冠即亞、但蟻民卻是不開心的。吓、點解？嗱、當你每日勸力工作、但賺到嘅錢大部份都是用作租金和車費嘅話、你嘅生活成本就會變得很高。由高企嘅樓價和租金帶動之下、百物價格騰升、莫講話儲錢買樓冇可能、甚至連積穀防老都辦唔到。咁、你話嘞、係咪衰過舊時？今日做父母嘅人為着幫助子女解決居住問題、不惜將幾十年來嘅積蓄都拿出來。咁搞法、當老人家再無能力養活自己嘅時候、係咪全都要路去申領綜援？到時發咗達嘅人大概已經遠走高飛、呢檔爛攤子就留下來畀街坊嘆至係。

開講都有話啦、銀子係賺唔晒吖嘛！眼前所見、公家大帳房年年如豬籠、今年嘅營餘更加係歷年之最。政府一方面坐視私樓價格飆升、另一方面又問市民地從何來。究竟係乜嘢態度嚟？公家係由納稅人供養嘅、點解淨係齋講、而冇行動去為街坊排難解困？罪惡城嘅土地政策早就出現問題。且看看邊城區、機乎可以用作起樓嘅地皮都被發錢商囤起來、而政府只能夠向弱勢社群嘅土地打主意、使得民間怨聲載道。你哋究竟搞緊乜嘢？唔該縣太爺看清楚波斯群眾上街示威而演變成暴動係為咗乜？係為咗生活成本太過高、使得人民負擔不起來。再看看寶島、民眾何常不是因為生活困難而走上街頭抗議嗎？當下全世界都一樣、有發就只有大財團和公家大帳房齊齊發、而蟻民就任由各方霸權係咁刮。假如罪惡城繼續咁去落去、即使黃思唔出手、蟻民都會因為頂唔順而跑上街頭爆大鑊。到時才知衰已經太遲。大家不防以客觀眼光看看內地。人家雞乸咁大隻字寫在未來發展計劃報告上、話到明在三年內全國脫貧、五年內步入小康。人家正在向康莊大道進發、而我哋就喺度行路打倒蹆。究竟想點架？！