元旦大遊行

行人如蟻隊

無知落了水

狀人出口術

勝在有追隨

蚊陣在一八年搞嘅首次大遊行參加人數雖然未能達到一萬指標、但亦有六七千人參加、成績總算係咁上下。之但係、今年遊行打出嘅牌頭都係炒冷飯貨色、以及那些不獲街坊廣範支持嘅主張。內容大概是反對一站兩份、反對黃思踎監、反對修改遊戲規則等。再加上遊行隊伍之中出現前朝殖民地幡幟、難怪有街坊直斥蚊陣包屁講獨啦！總言之、今次只能用乏善可陳四個字來形容大遊行。從今次遊行打出嘅牌頭看來、反派已經走到黔驢技窮境界、再也拿不出新反對理由來矣！

有份參與遊行嘅大狀幫代表跪地妝在事前講、縣太爺不反對朝廷在本城範圍內搞一站兩份、即係割地賣城。另一邊嘅李看更則指縣太爺違反效忠罪惡城和擁護歸本法嘅誓言。當今大狀公盟會坐館爺余劃眉更巴辣、竟然大罵民民代表大會（民大）不依法、不要法喎！照咁睇嚟、由前朝遣留下來嘅精英（前朝遺精）要告訴大家、淨係聽信佢哋枝笛就可以、無須理會民大嘅決定。嗱、前朝遺精之所以公然用普涌法嘅思維去解釋歸本法、無非是要誤導街坊和挑起社會矛盾和分化。前朝遣精膽敢曲解歸本法、係因為佢哋曾派代表參與起草歸本法。但實情係、歸本法並不是單純由兩地法術屆專家草好就算數、而係須要經過民大深入研究和修改、然後才可以拍板通過嘅。因此只有民大擁有歸本法最後解釋權、而唔係前朝遺精講過就算。仲有呀、罪惡城本來就是天朝領土、前朝遣精所謂嘅割地賣城分明係站在番邦立場講話。前朝遣精嘅目的就是要搞亂罪惡城。可惜吖、人皆有目共睹罪惡城係天朝從大影細國手中奪回來的。因此無論條數點樣計、罪惡城都係天朝領土。指責朝廷命官向朝廷割地賣城、豈不是話縣太爺將朝廷領土賣番畀朝廷？咁你話嘞、世界上點會有咁荒謬嘅事？