諜戰

你說我呆不是呆

有來冇往大蠢才

全球索料君為最

話你唔聽我又來

嗱、除咗花家指責紅家竊取其科技資料之外、連袋鼠、得意豬、實島、摩囉等家族都指紅家間諜竊取科研資料、還有龍裔瑞腆籍間諜在神州落網而遭瑞腆反指紅家亂抓人、形勢猶如紅家間諜威脅全球似的。剛剛端屎又指其地頭內嘅企業貪圖龍族見習生好使好用兼不嫌工資低而聘用他們、個那些人卻透過金錢和美色引誘相關科研人員而取得信息。瑞屎人甚至離譜到將應邀到神州參加科技交流研討會嘅學者、講成係被紅家套料嘅對象嚟。但事實明顯係、西方家族對紅家嘅指責只屬口講口賠、從來拿不出真憑實據來見街坊的。講來講去、就是西方家族都被紅家快速崛起嚇急咗、才會作出這類過度敏感嘅反應。

換個角度睇、以上事件並非偶然、而係一場紅家與西方進行着的博奕。一直以來、西方間諜在神州、罪城、馬城等地不斷運作。即使用計算機來算、亦難以算出龍族吃過多少虧。百年前甲午之戰慘敗就是血淋淋的證據。當時架仔透過在神州開設數以千計嘅雜貨店、商店、酒館、娛樂場所等、並且從民間、基層官兵、高官或其家屬、師爺、近身傭人、賬房、管家等人物口中取得相關信息、經過認真過濾之後得出準確信息、然後將神州水帥打個全軍覆沒。自從紅家將神洲開放以來、屢次被悉破架仔間諜假借與內地學者作地質研究為名、取得地區數據為實、目的就是為架仔及其主子花大叔嘅導彈取得準確地理數據。若論全球間諜組織之最龐大、最完善、最高效律嘅當然是花家。今次所有控紅家嘅資料都是由花家情報單位提供的。西方人一向「有佢玩、冇人玩」嘅霸道日子已經成為過去、但佢哋實在對紅家崛起唔習慣、甚至踩着芋莢當蛇而大驚少怪。我就總唔信老番冇派遣間諜到神州來竊取情報。呢啲咪就係只准番邦放火、不准龍族點燈嘅例證嚟囉！呢嗱、在今時今日你不吃人、人便來吃你嘅世界裡面、公道不在人心、真理全仗實力。總言之、你有你做、我有我做、勿讓老番玩晒就是。