奇夢

七年一夢有玄機

夢見平生大痛悲

此夢說來真係怪

縱明真相亦稱奇

嗱、鬼古你就聽得多、發夢發出個未來唔知到你又聽過未？在下就簡短的將一位陳皮好友嘅一段難以解釋的經歷講出嚟同大家分享一吓。

前晚夜出席一年一度老友記聚會、期間聽到一件頗為離奇怪誕兼無法解釋嘅事。聽一位老朋友卓乜乜講述他年青時的一段奇怪嘅陳年往事。阿卓聲稱、由七歲那一年開始、他每隔七年都會發同一個夢一次、直至到廿八歲為止一共重覆了三次。內容大概是他與人打架、並在打鬥期間奪得對方的手槍將之轟斃而遭一大群人追殺。當他感到前無去路後有追兵之際、忽然有一個“感覺上是他已故的母親、而實際上又唔係”嘅成年女士跑到他跟前、一手拖着他便跑。每當夢境造到這裡時人就會驚醒過來。

嗱、一個夢每隔七年發一次、而且重覆了三次之多、卻原來還未算奇怪、更奇怪的事就在後頭。有一次當阿卓乘搭飛機前往南亞某國探望在病榻中的爸爸之時、發覺坐在身旁的女乘客很面善和有一種說不出的親切感、但就是想不起在那裡見過她。阿卓在廿八歲那一年、接到他的老爸要結婚的喜訊、便搭飛機前往南亞某國出席其婚禮。在飛行中、阿卓又再一次造同樣一個夢、當他驚醒過來、發現自己身在飛機內、霎時想起夢中的那位疑似媽媽、就是曾經跟他乘搭同一班機、並坐在他身邊機位的女士。當阿卓第一眼看見繼母嘅模樣時、簡直無法相信自己的眼睛、因為站在他面前的竟然就是有夢中拖着他逃、以了曾經與他乘搭同一班機的那一位女士。如是者又過七年、南亞某國爆發種族暴亂、卓老爹遇襲身亡、而阿卓自己亦身陷險境之中。正當阿卓以為自己“十四冇三”之際、勿然之間有一部房快速掩至將他救走。當阿卓定過神來才發現原來是繼母救了他一命、否則他在三十五歲之年就要倍着卓老爹一起去見閰羅王矣！經阿卓今次提起、在下也依稀記得在年青時亦曾經聽過阿卓提及過那個怪夢、但後繼發生嘅事情還是第一次聽聞。吓、阿甲究竟有冇開過槍？唓、佢冇講、我冇問、鬼知咩！