2017年8月2日星期三

常無勝利眾甩身



黃思又再顯神威
公平道理也趴低
台前幕後皆好戲
先餵沙糖後餵泥

「呸、我仲以為叮走玩誓六人組、即表示六判堂重光架啦、點知今次又係烏燈黑火。」
「有乜嘢令到你咁㷫、講出嚟分享一吓啦!」
「六判爺判丐幫幫主常無「收金不報」罪名不成立。理由係冇證據證明常無私受捐獻喎!
「唔係啩!常無已經承認、將皮佬𡅏畀佢嗰筆錢存咗入自己個私人戶口架啦!咁都砌唔入?」
「因為佢在半年後全數存入丐幫個戶口喎!
「吓、咁咪即係嘔翻出嚟當無數?」
「六判爺話、收據上寫明收款人係丐幫幫主常無、顯示常無只係代收款人。」
「但係常無確實係收金不報喎?」
「六判話、常無本人並非受益者、冇必要向議事堂申報。」
「但亦有證據顯示常無涉嫌落格喎?」
「喂、家陣你係六判抑或明境高懸下面嗰個人至係六判、點解會有咁多質疑架?」
「我只有嗰句講嗰句啫!明明係常無將銀両存咗人自己個戶口在先、而無通知丐幫、亦無向議事堂申報於後吖嘛!唔通呢啲都可以當冇發生過嘅咩?」
「嗱、戒律院開出嘅牌頭係“常無身為尊貴收受利益、而沒有向議事堂申報”而唔係告佢“盜用丐幫之名、而非法收受利益”吖嘛!
「咁有分別咩?」
「當然有啦、如果戒律院開出嘅牌頭係“常無盜用丐幫之名、而非法收受利益”嘅話、淨係佢先吞後嘔做法、就已經夠料鋤到佢腍晒架喇!」
「既然係咁、點解戒律院唔用你講嘅方法去砌常無?」
「哦、你問我、我問邊個?總言之、今次就係砌常無唔入啦!」
「嘩、常無冇事、佢後面嗰幾個同樣係先吞後嘔嘅人士都冇事架啦!係嘛?」
「唓、仲使問嘅?」
「咁仲成世界嘅?」
「家陣個世界就係咁架嘞!有問題咩?」
「咁講法、即係今次又係碰上關帝坐鎮華容啦!係嘛?!」
「我冇咁講過!」
「咁、係咪衰開錯牌頭呀!」
「呸、你自己用個腦諗吓啦!問我?鬼知咩!」




13 則留言:

  1. 官字兩個口,冇法!
    咁睇下律政司會唔會上訴?

    其實未審結果都知,
    总之,唔係拖就係無罪!

    回覆刪除
    回覆
    1. 依我睇、常無贏硬。因為佢一死就累到遍地人頭架喇!

      刪除
  2. 🌈⛅・゚🌞早晨☕午安&黃昏&傍晚好
    😸我出門去玩貓🐈行街市買餸菜嚟🐾
    ┏┓┏┓*。・゚゚❉
    ┃┗┛ appy💞週三💕
    ┃┏┓┃¤¸.₡•*¨Ϡ開心萬事得🎈
    ┗┛┗┛*¨・。。゚°♪♬♩♫
    ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı

    回覆刪除
  3. 死都拗留生,這是語言“偽”術。
    法界中人分兩派,鬥法術。

    回覆刪除
  4. 對住個官,真係百詞莫辯!

    回覆刪除
  5. 放生常無,判詞會將理據寫得好清楚,否則律政司一定會上訴。

    回覆刪除
    回覆
    1. 判詞已經很清楚、注於是否上訴、那就拭目以待吧!

      刪除
  6. 域Sir,照道理說好難鋤得入,肥佬黎開張支票給長毛代收,然後才告知怎麼用,隨了有條代住先也算犯法的罪才有可能告得入。

    回覆刪除
    回覆
    1. 如果常無唔係「公人」當然冇問題。但佢當時嘅身份係「公人」就己經違反守則矣!

      刪除