反盟變爛盟

反盟變笨狗

死剩一把口

學人玩爛相

往後聽揸兜

白鴨幫為着配合某大狀棍所謂嘅“別走入西狗站、否則會被人拉入站內以大圈法整治”便盜用高麗電影「屍殺列車」片段並配上粵語對白、展示街坊軍是一群喪屍、一見到街坊進入關卡就會追着𠻹咬。在下見唔到咁嘅宣傳手法能對街坊起到反一地兩檢作用。但我卻見到白鴨幫已經到咗人才凋零嘅困境了！其實佢哋應該得清楚、但凡有料之士都不會加入一個低B組織的。由其是當這個組織一下子便失去了大幫風範嘅時候、顯示出其前途已經開始倒數了！日前反盟主辦嘅反一地兩檢大遊行、參加者只有十幾人、而採訪記者人數更加多、已經可見一斑矣！

勢估唔到、自從反盟前輩画叔仙遊之後、唔止白鴨幫後繼無人、甚至連反盟都失去靈魂似的。當下反盟幫派嘅當家一蟹不如一蟹。那些坐館爺們除咗齊嘩嘩跟班新丁玩即興之外、其它方面可以話係一無是處。由其是兩個最大嘅幫會嘅坐館爺經常開口𪘁着脷、乜鬼蝕章嘅話都講得出口、更弊家伙就係那種“寧願滾爛脷、永冇食輸人”嘅抽水心理吖嘛！画叔懂街坊、所以能夠準確哋把握着街坊嘅心理而攻之。反觀其後繼人只懂老作而不懂街坊、所以跟群眾脫晒節。呢群人在垃圾會內學人做西南二伯父、製造機會畀自決派去當拉布主角、而自己就則則膊扮無辜、以為咁就可以瞞天過海。殊不知被人反噬一口就招架不來、結果為着營救「低能組別」洗腦界代表孽猿、便放讓擋在洗腦撥款前面所有議案通過、並在洗腦撥款也通過之後、便將後面嘅民生議題卡死、惹得全城鬧爆。一向出名算死草嘅反盟今次陰溝裡翻船、完全係因為那群大佬輩唔夠班所致。回望那些過氣坐館如螻蟻卿、涼茶杰、削人李、二馬基等人、從未試過放西瓜皮跣倒自己咁丟假嘅。咪話我靠嚇、千祈咪低估街坊嘅智慧呀！佢哋眼光之銳利比反盟那群後起之“鏽”想象中銳利得多、近年大遊街參加者數字和籌款數字一年比一年低就係警告。若然反盟再唔曉得實事求是、很快就被亂制打殘架喇！