揸正來做就冇衰

暴民泛濫勢難撈

就算神仙亦覺糟

荒唐事故天天有

道理唔通靠亂嘈

大撞幫頭領之一嘅惡形亨話、有份處理傷學三指（意思是：靠隻手指起家）𤓓三七、兜捹匡、戇痴瘋加刑案嘅六判爺神拳楊（翻案堂副堂主）與亂制派幫會問卷聯素有交往、亦曾應邀出席問記某成員嘅開心派對。雖然惡形亨解釋、並唔係話咁樣就一定有問題、但佢又喊六判最好就係檢點啲喎！惡形亨口風一轉、就焫到戒律大總管長臂猿身上去。佢大大聲喊戒律大總管長臂猿解釋、到底有冇否決過檢控員對傷學三指不提翻案嘅決定。看來、有人想借勢過六判爺和戒律大總管各人一棟、激發起那群本來對反盟漸漸心淡嘅黃粉絲去參加昨天嘅「周日反加刑」大遊行都未定喇！昨天遊行場面有如大球場散波咁墟冚、已經算係犯盟近年嘅一次佳續嚟架喇！照咁睇、惡形亨真係有番幾度散手嘅喎！

講開又講、上次六判爺判常無收受皮佬𡅏茶錢無罪、而戒律大總管又決定不翻案之後被全城街坊鬧到震天咁款、但呢位咁正義嘅惡形享大俠唔知去咗邊度、點解連一粒聲都冇嘅？難怪時常聽人講、如今罪惡城嘅法術被黃思玩晒、否則紅家會亦唔會速速出手撥亂反正。照睇嚟、今次兩宗加刑案只係剛剛開始、好戲陸續有來。呢啲咪就係撩鬼攞命嘅果嚟囉！在下經常都係咁講、如果紅家會踏出第一步就不會退回、更不會就此停止。莫講話三幾萬人跑上街頭叫喊、就算像零三年一樣拖夠五十萬人上街亦係嘥聲壞氣。

平情而論、大撞會和細撞會都發出聲明、證實今次加刑並無任何政治因素在內。由此可見、極有可能係之前處理反收地十三子和傷學三指案件嘅兩位六判爺犯咗原則性錯誤。但偏偏有人唯恐天下不亂、係都要跳出來歪典事實兼妖言惑眾。唔使問阿貴都知到、係有人全心要加深社會矛盾。無奈卻有人深信不疑兼盲從附和、甚至有人帶同三四歲小孩參加遊行。照咁睇嚟、無論戒律堂、抑或是六判堂、惟有依法揸正來做、總之秉承一貫公平、公開、公正嘅宗旨、無論紅黃藍都冇情講、咁就保證冇衰架喇！