2017年8月28日星期一

玩誓惹的禍



政壇多大奸
弱雞咪來攀
一個不留神
實死冇翻生

無上堂終於否決玩誓情侶(扑嘢女和支那男)嘅終極翻案申請。換言之、佢哋已經到咗賠了夫人又折兵嘅地步。據支那男講、佢哋冇錢還、亦冇錢付堂費、已經準備好破產喎!在下並唔係幸災樂禍、更無心打落水狗、只係覺得件事根本上無必要搞到如斯田地的。假如當日佢哋兩人能夠老老實實進行宣誓嘅話、今日可能係風風光光的當尊貴。然而、佢哋卻選擇咗去做烈士、結果求仁得仁就此玩完。我唔知到佢哋有冇丁點兒後悔過、但我就沒有半點同情或惋惜嘅感覺。因為每個人都要為自己嘅行為負責、而且佢哋仲係年青、往後還有很長的日子要過、所以絕對輸得起。只要經過今次教訓後能夠學得穩重一點、對政壇醜惡多了解一點、對佢哋嚟講、未常不是件好事。問題只係、佢哋有冇做好足夠準備而矣!

政壇上從來沒有長勝將軍、也沒有永遠失敗者、此起彼落根本上是正常不過嘅事。因為只有那些能夠笑着面對失敗、並能夠在那裡度跌倒、就在那裡爬翻起身嘅人、才有資格在政壇混。否則、還是趁機會還在嘅時候早走早着。在下認識嘅政棍之中、機乎每一個人都能夠做到上術所講嘅基本要求、未曾見過有人是經不起挫折的。有人對我講過、政棍像老千一樣、必須要學曉自欺欺人。理由就係、連自己都呃唔到、就冇可能去呃別人。以在下所見、政棍真係講得出、做得到。例如阿邊個常被人罵面厚心黑、但當別人越罵得兇、佢就越高興。如果有人用世界上最惡毒嘅髒話去罵佢時、佢通常都會打從心底笑出來的。據佢講、咁先至能夠證明佢比其他政棍更加優秀喎!冇錯、阿邊個確實是個天才政棍、但佢並不快樂。試想想、當一個終日都計算着別人嘅人又點會有開心可言。嗱、世間上嘅“附碌”都係假象嚟、千祈咪信。因為任何事都係有代價嘅、從來冇免費午餐的。所謂出得嚟行、預咗要還。還唔起嘅人惟有乖乖哋去過好正常生活、政棍呢一行係唔啱你嘅。知冇?


12 則留言:

  1. 世間上符碌的事都係假象,域兄你說得很對。就比如那對男女,有傳聞他倆是紅家安排的無間道?
    如果,假以時日,即管是破產,他倆仍不需工作而有安定生活,又若之後也一樣富貴,咁就知道傳言的真偽了!

    回覆刪除
    回覆
    1. 政治嘅嘢、真亦假時、假亦真、確係好難講嘅。雙重間諜乃常見之事、所以嘛、啥也有可能的。

      刪除
  2. 明知冇錢還、亦冇錢付堂費、已經準備好破產,都去到終極上訴証明冇悔意!

    回覆刪除
    回覆
    1. 當戲子的人、自然要一演到底架喇!

      刪除
  3. 在知道了上訴失敗之後,男的在鏡頭前有悔不當初的表示。女的在鏡頭前還在死撐!不過,之後在臉書上撰文認錯認衰了。之但係,有人並不相信她,亦不同情她。
    此所謂“玩火自焚”也。

    回覆刪除
    回覆
    1. 政治只有利害、從無對錯。所以佢哋唔認錯係正常的。

      刪除
  4. 佢哋呢鋪輸得都幾大,就算年青,都未必輸得起!

    回覆刪除
  5. 域兄午安,
    扑嘢女和支那男應該有橫眉冷對千夫指嘅心態才可撐得過,

    茅廬初出道
    染指罪惡城
    一朝成新貴
    樂極更忘形

    回覆刪除
    回覆
    1. 華娃兄午安、
      在下睇得出男的必能撐過去、女的就很難講喇!

      為保個錢甖
      惟有嘆一踭
      只要人尚在
      自會揀路行


      刪除