必打的一仗

龍象不咬弦

互相把兵屯

老蕃來點火

你打佢安全

大笨象踩入龍族地頭垌塱超過兩個月仍在賴死唔肯走、而花家就不停呼籲龍族和象族雙方坐下來談。表面上是花家勸喻龍象以和為貴、但實質上是對龍族壞有惡毒之心。試問一聲、倒過來是花家被外族人踩過界、而紅家又不停呼籲雙方都坐下來談嘅話、花大叔又會唔會答應？現在是大笨象踩過界兼撩交打、若果龍族在此時坐下同佢隻象傾、即等同示弱。咁你話嘞、花大叔係咪其心可誅？依我睇、當下是別人來犯我、而非我去犯別人、故此越係怕事、越係多事、還是在適當時候實牙實齒打隻大笨象一鑊甘嘅才對。只有咁做才能收到敲山震虎之效。否則阿豬阿狗都跑到來找麻煩嘅話、到時莫講話新思之路走不成、更弊家伙就係連個勢都輸埋畀人吖嘛！

依我睇、摩囉迪梗係聽信花大叔嘅鬼話、認定紅家要和平崛起而不敢開拖的。假如紅家真的為顧全發展全球經濟大局而被人兜巴星都唔敢還手嘅話、摩囉迪就會出手將周邊蚊型家族（掹加拉、斯里爛卡、啹喀、不單等）續一收拾、甚至永遠佔據垌塱、到時又再恢復魔囉“？”都有殖民地支歌仔唱架喇！不過啹喀大佬剛剛才公開講、絕不會讓任何人利用佢嘅地頭做出對紅家會不利之事。在幾日之前、花家記者跑到不單坊間進行採訪時、居民表示大笨象搞咁多嘢出來、無非要阻止不單跟龍族建交。其實不單大佬亦公開澄清、象家兵所佔據嘅垌塱地段並非他的地頭。問題係、既然大笨象是個欺負鄰居嘅惡人、何解花家和架仔等家族會支持他的呢？其實理由很簡單、那就是他們本就是同一類人、而且花大叔想借呢一戰同時消耗龍象兩家嘅實力、到時佢就可以坐擁漁人之利吖嘛！因此紅家更加要小心、千祈咪聽信老蕃所謂嘅、摩囉迪死要面子才不肯撤回那批越境象家兵。依我睇、摩囉迪很相信佢買到手嘅萬國牌武器嘅優越性能、亦相信在高原駐守及訓練咗四年嘅一支專門用來對付龍族嘅野戰部隊擁有必勝能力、才不肯退兵的。從摩囉嘅兵力部署看來、應該係想打贏一場硬仗、以雪六二年戰敗之恥咯！既然摩囉迪已經鐵了心、紅家不妨將計就計，閃電出手打大笨象一個措手不及吧！