摩囉迪不及肥仔恩

潛龍飛躍勢沖天

老象不甘欲撲前

花人旨在稱雄霸

肥恩試核志剛堅

人人都誇贊阿星大佬摩囉迪是個精明阿頭、而潮仙大佬肥仔恩只是爛鬼一名。但按照最近嘅情況看來、摩囉迪以為自己支軍隊足以打敗街坊軍、更妄想以軍事力量配合花大叔壓倒紅家會。然而、另一邊廂潮仙嘅肥仔恩只係射咗一枚可以直達花家地頭嘅火箭、以及講咗一句“潮仙核彈只打花家、不打別家”之後、氣得花老大喪普機乎爆血管。更厲害就係、喪普被肥仔恩一嚇、就搞到所有部署都亂晒大龍吖嘛！嗱、摩囉迪死剩把口、而肥仔恩就實牙實齒試核過你睇。咁你話嘞、佢哋兩人係咪高低立見呢？政治本來就是一門莫測高深嘅博奕、其中嘅真真假假、並唔係我等普通人所能睇得通透嘅。之不過、今次確實係十個摩囉迪都比不上一個肥仔恩咯！

呢嗱、這個世界就是講拳頭而非講理由嘅。自從花大叔將潮仙冠以邪惡軸心之後就不斷打壓、加上蕃邦與架仔等花朋友聯手制裁之下、肥仔恩終於明白到、假如沒有足夠力量保護自己嘅話、就會像衣拉黑大佬薩大武和利比罅大佬卡大飛一樣死於非命。雖然肥仔恩睇落確係有點狂、但我卻相信佢發出“潮仙核彈只打花家、不打別家”嘅聲明係真心嘅。因為肥仔恩只係想活、而唔係想死。西方列強開口人權、埋口自由、其都係講一套、做一套。今日花大叔在亞洲不停搞屎棍、本身就是一種恃強凌弱嘅舉動。花家搞混南海不成、反被紅家修理咗一輪之後、便馬上在高頭家中安裝「殺得反導系統」、成功破壞東北亞三家（龍族、架族、高麗族）商議中嘅經濟共同體計畫、然後再向摩囉迪埋手、企圖挑戰龍巴經濟走廊。在花大叔眼中、只要獲得魔囉迪配合就可以加強控制阿父汗、並將東邊跟紅家會走得越來越近嘅巴基星拉回自己身邊、繼而壓制西邊嘅伊郎、以及影響北邊嘅中亞諸家、咁做除咗可以破壞龍巴經濟走廊之外、還可以將波斯灣石油輸出航道掌控在花家手中、到時紅家會嘅海上絲路就要玩完。之但係、摩囉迪只不過是一個浪得虛名嘅空心老官。花大叔今次個算盤是否打得響、就要睇摩囉迪這個空心老官有冇料到。你認為咁靠得住嗎？