越搞越荒謬

發難又發狂

民主將滅亡

此間無大將

貓狗也稱王

日前妖蜓公開指責大撞公會話事人太隕石講話斷章取義、在評論傷學三𡃁（𤓓三七、兜捹匡、戇痴瘋）被翻案堂加刑事件時、並氣講出制度暴力、只係將所有責任歸咎於年輕人。妖蜓理直氣壯的指出、成年人冇走上街頭、只係由年輕人走上最前線抗爭、要付責任嘅應該係嗰啲冇走上街頭參與黃亂嘅人喎！呢嗱、聽見嗎？妖蜓假借制度暴力之名、以一枝竹杆橫掃全城人。總言之、凡是沒有應佢嘅呼籲走上街頭支持黃亂嘅紫荊人都係借嘅。但係呢壇嘢口中嘅制度暴力只屬見仁見智、例如在下就係冇呢種感覺。在下只係想唔通、妖蜓究竟何所恃、居然膽敢向全城冇參加黃亂嘅街坊發爛渣？嗱、禮義廉嘅人在下見過唔少、但係禮義廉到像妖蜓咁嘅地步還是第一次。呢種人版都可謂世間極品嚟咯！

呢嗱、怪事年年有、今年特別多。有跡象顯示、今次傷學三𡃁極有可能連坐監都會坐出彩虹來、有機會與那些永垂不朽嘅偉人齊名。江湖流傳、有人將傷學三𡃁比喻為男飛之爸慢摱拉、阿星聖人甘肶、花家漸進象徵馬丁怒失金、而八狗六死主角之一（江湖人稱：走佬書生）橫丹建議提名三𡃁競逐落錯雨和平獎喎！之但係、亦有人對這個傳聞不以為然。理由係、慢摱拉係為反種族隔離而坐監廿六年、三𡃁係搞同種隔離和搗亂社會而被判監六至八個月。甘肶為咗帶領族人脫離外族統治而6度入獄、到了最後還被剌殺、三𡃁只係背棄族人並與藏疆台三毒聯手唱衰龍族和罪惡城。馬丁怒失金為飛裔花家移民爭取基本權利、最終遇剌身亡、三條𡃁只不過係為咗滿足過大佬引嘅虛榮心、而聽從妖人唆使走上街頭搗亂而矣！試問呢三條𡃁何德何能跟前者相提並論？如果三𡃁都可以獲授予落錯雨和平獎嘅話、豈非陀衰晒之前嘅所有獲獎者？吓、點解？唓、即係話、在一煲粥裡面混入三粒老鼠屎一齊保、搞到全煲粥都臭晒囉！之但係、從另外一個角度睇、呢種營運手法是可以吸引更多讀書不成嘅後生後仔加入街頭鬥士行列、並為有心人賣命。這門生意本小利大、確實係唔做就笨喇！係嗎？