揸拂堂鬧鬼

放常無

益雀人

姑息皮佬𡅏

放過戰中群

今日公平離晒譜

它朝君體更加痕

在黃亂期間、紅家會喉舌蠻求社大家標題踢爆、罪惡城揸拂堂三大總管和十三部長裡面有黃亂內鬼、在適當時將會點出他們的名字來。嗱、這指控實在非常嚴重。須知到、三大總管當中最少有一人是黃亂內鬼、絕對是一件唔講得笑嘅事。講到十三部長裡面究竟有幾多隻內鬼、外邊人根本上係不得而知。難怪江湖上一直流傳揸拂堂內米家冤魂不散啦！今日嘅揸拂堂已經重新執過位、但內裡是否仍然隱藏着些甚麼鬼怪、仍然是不為外人道的。當大眾目睹黃亂主腦及其高層黨羽依然逍遙法外、難免會惹來諸多不利於揸拂堂嘅揣測。再加上六判爺判有公職在身而私底下收受金錢利益嘅常無冇罪、而戒律院院長長臂猿又聲稱不會翻案、以及啥工蛀冊所對於是否搣甩潑屎男沙包超嘅啥工資格議而不決、使得坊間越來越多人相信揸拂堂內確實非常之猛鬼。

表面上看來、反盟在垃圾會失去六個席位、但實質上只係失去常無一席。因為其餘五席都是自缺派的。江湖流傳、反盟只係視自缺派為衝擊紅家會底線嘅義和團、而非真正嘅盟友、正如自缺派亦從來未有視反盟為盟友一樣。在某程度上、自缺派失去幾個議席、對反盟來講係利多於弊的。因為反盟根本上冇能力去駕馭那群自缺尊貴。若長此下去、必定會在議事表決方面吃上大虧。因此有必要換上多幾個架忌冷來助陣才行。由此估算、亂製派在嚟緊嘅垃圾會擂台填氹大賽之中是拿不到太多嘅着數、假如能取得一至兩席就已經算得上是大勝了！

講起自缺派、原來佢哋今次被打柴是一場紅門內部博奕嘅結果嚟。當日放自缺派入馬閘並非守閘員䁯眼瞓、而係一向與花大叔有偈傾嘅三工幫安排的。呢單嘢令到大當家非當憤怒、經過一輪明槍暗鬥之後雙失江敗陣。在願賭服輸嘅情況下、惟有按照勝方指示下令一言堂敕法、然後再向阿狼下令將那群自缺派人馬全體打柴。因此阿狼才會親自披甲上陣將那班人收皮。當下阿狼早已功成身退、究竟新任揸拂人冧井又是否會繼續將其餘嘅自缺派清除、就真係要睇過至知。不過、有消息顯示、反盟多名老鬼主動退到二線並唔係偶然、而係一種部署嚟。注於內容係點、暫時收唔到料、但可以肯定嘅就係一定有好戲快要上演的。大家就等着瞧吧！