禍的根源

禍的根源在不公

香城錯在製貧窮

但求賺得三餐食

顧得租來兩袋空

無論你鍾唔鍾意聽、事實係唔會為閣下嘅意志而改變。當下罪惡城街坊面對着嘅係資源分配過於偏則而造成不公、以致貧者越貧、富者越富、仇官仇富已成氣候。吓、話我老作？嗱、三四年前發生嘅「戰中」和「汪暴」案件尚未審完架！知冇？仲有呀、你哋真係唔記得「鳩烏」同埋「港毒」係點樣發生嘅咩？你話啦、點解我哋嘅社會咁多事幹嘅呢？如果話、嗰啲㷫合合嘅街坊唔係針對「正苦」和「副蠔」唔通真係針對「共餐黨」咩？家陣在職貧窮越來越嚴重、租金和樓價都成為世界冠軍、但「正苦」寧願花數以十億計嘅銀両去供養假難民、對本地貧民卻分毫吝嗇。如果你係搵朝唔得晚嘅街坊、你又會點諗？

嗱、我唔係講風涼話、窮係唔緊要嘅、只要肯努力最悲嘅情況亦只係瞓石搇蓆、係絕對唔會餓死人。之但係、如果輪來輪去都輪唔到自己上公屋、而又在自己盡力打拼之下、所得到嘅收入與租金依然不相稱嘅時候、你除咗向「正苦」攤手之外、還可以做乜？我哋社會最可悲嘅就係、有人專門利用人類無知、而去拉一把、壓一把、使得社會分化而達至「挾貧製富」合理化嘅目的。他們成功利用咗一班生活在高處未算高、低又低唔晒嘅階層人士、在不同平台狠批向「正苦」攤大手板嘅基層低端人士為大食懶。當然、在「攤手族」裡面確實有大食懶、甚至有假窮鬼、但這類人之所以出現在我哋嘅社會、顯然是掌權者管理無方所至。講到呢方面嘅經典級人物、當然係帶領罪惡城進入「七年之亂」嘅那一位“視民望如浮雲”嘅乞人憎爵士。從那時起罪惡城就埋下仇官和仇富嘅種子了！如果我話畀你知、那一切都是有計劃和步驟的、你梗係唔相信嘅。因此我建議你重新看看老點懂提出「八問五」之後被腳痛下台、再看乞人憎上台之後對待民生手段之狠辣、最後再看看阿狼上台後爆發嘅戰中、鳩烏、汪暴、港毒等事件背後有幾多人悶聲發大財、那就不難看出一些端倪來。我話你知啦、家陣罪惡城已經在街坊不知不覺之中步人咗「雞級鬥爭」時代了！阿爺是這方面始創人、不可能容忍罪惡城盜版、所以老人家唔使幾耐就會詐大型。信不信由你。