反智

今天打倒昨天我

如此反智唔多妥

兩營互片皆霎戇

搞來搞去都係錯

所謂「有政治、無道義」又有新例證喇！同一件事、同兩幫人、在不同時間居然可以事非顛倒和角色互轉、彷彿之前所發生過嘅事從來沒有發生過咁款。在未來開支預算報告出街前、藍營尊貴及藍媒一唱一和、要求公家開庫派真銀、以示還富於民。然而、黃營及黃媒卻齊聲反對、並指派銀只會浪費金錢和稍弱公家建設社會嘅能力。好嘞、到咗垃圾填氹擂台大賽打完之後、勝出嘅黃營代表即公開叫喊公家派真銀、而藍營及其傳媒則齊齊指責黃營喊派真銀是窒礙公家建設未來。喂、阿哥、阿姐、究竟你哋兩班友搞乜嘢架？點解會在同一件事之上出現角色互轉咁反智嘅？你哋令街坊威覺好混亂喎！

各位街坊、就算你話我思想偏激都要講、我覺得家陣嘅政客唔多似為街坊爭取利益、而係為反對而反對、為鬥氣而鬥氣、並置街坊祈望之不理。難怪有咁多街坊都對投票選尊貴嘅熱情越來越冷淡啦！有時在我也問自己、點解要選人累己？罪惡城政客不務正業、而公家亦視社會上嘅怨氣如浮雲。家陣連戒律部和六判堂嘅公正性都受到廣泛質疑、唔怪得連榕樹頭班街坊都認為我們的社會病咗啦！搞成咁、究竟是誰之過？恕在下斗膽講句、第一、錯就是錯在朝廷對中廠太過放縱、唔止有錯而不加以糾正、還要隱惡揚善和加以讚許。第二、代表朝廷管治本城嘅中廠戰略思想「多元化」以致方向模糊。第三、明知到有人暗中勾結外部勢力搗亂本城而不理、甚至暗縱容、明放水。第四、明明見得到高舉愛乜愛物旗幟嘅某些人物暗中向反派泵水、卻無人去過問。坦白講、雖然街坊唔出聲、並不代表係睇唔見。當下罪惡城十足十係一個無掩雞籠嘅三不管地區咁款、想唔亂都唔得啦！係嘛？！特別係今日嘅表面平靜更加危險、必須提防其中有詐。