堅離地

瞓身打拼幾十年

青春換得世間錢

既是身染銅腥臭

開言離地見不鮮

大老闆講話一向穩穩陣陣、通常都會留三分餘地嘅。之但係、當大老闆無職一身輕嘅時候、就顯得有點輕飄飄了！在某個公開場合、大老闆奉勸一位（聲稱其女友咬定冇樓就唔嫁）大學生仁兄嗱嗱聲飛咗條女。呢嗱、講話咁風涼、唔似係大老闆平時嘅作風。唔知咁算唔算係、人到無求講話寸呢、吓？！講真、女朋友話未賣到樓唔好結婚住、並不等同以後都唔肯嫁。事實上、男女雙方仍然在求學期間、一點經濟基礎都冇、正所謂連劏房都租唔起吖嘛！如果大學生仁兄依從大老闆建議飛起個女友、就真係戇居都唔戇居喇！其實、對於一個大學生來講、筆業後賺錢賣樓、是一種推動自己住上爬嘅動力。飛起女友、實際上係一種愚蠢不堪嘅消極做法。喂喂、大老闆、你有冇老點後生仔架？

俗語講得好、人會變、月會圓。從前人人都話大老闆雖然富可敵國、但佢很懂得低下階層、並非一般堅離地嘅老闆可比、仲話抵佢發嘅。冇錯、作為精明生意人確係要懂得各個階層嘅須要、但更加須要嘅係懂得點樣去用人。只要懂得好好利用手下嘅腦袋、自己就無須咁傷腦根架喇！日子久了、大老闆自自然然將眼光望向世界、地面上嘅工作全部交由手下去幹就可以。四十幾年打拼生涯唔算係短日子、人坐得越高則離地也越高、所以大老闆亦唔例外。其實大老闆早就堅離地架喇！說甚麼大老闆熟知民情、大概是某些人一廂情願吧！無論如何、大老闆的確係罪惡城嘅成功典範、有很多地方都係值得借鏡嘅。之但係、人比人、比死人、故在錯鏡之餘亦必須認識自己嘅資質和能力。否則、唔係大想頭過龍、就係自卑過度架、好容易入青山架！知冇？