2017年8月12日星期六

賴住先?



睇見就牙煙
文雀定老千
難瞞天上眼
惟有賴住先

某日白鴨幫幫眾腍柿堅聲稱、無端端被人夾咗上車、又無端端被人用釘書機在大臂打釘。據腍柿堅講、在幾日前已經收到電話警告、喊佢唔好去見流料波嘅遣孀流料霞、否則就會好大件事。後來腍柿堅將此事告知大撞師李翰簡。但李翰簡說那可能是一場胡鬧劇、無須要報警喎!結果在兩日後、腍柿堅就出事了!當他醒過來之後、發現自己被人安置在西宮灣曬太陽、但他並無立即報警、反而先召開記招、然後再斯斯然去醫院求醫。據腍柿堅講、擄走佢嘅人以北話問佢是否乜乜教嘅教徒、又提到流料霞、臨走前仲聲那是上頭嘅事、警察都冇佢哋乎嘅喎!因此腍柿堅認為佢自已係被強力部門嘅人虐待。嗱、呢單嘢扯到咁衡、今次大概有大條理由畀反盟來𢵌冧「一站兩查」喇啩!

嗱、當做嘢做到過晒火位嘅話、就會顯得是無私顯見私架喇!試問、如果你係法術界高人、而又知到此事與一名敏感嘅政治人物有關、仲會唔會喊當事人無須理會?再講、假如自己從正在執行一件見光死嘅任務時、會唔會驚死對方唔知自己個底?搞到明顯成咁、分明係有蠱惑啦!係嘛?坦白講、強力部門嘅人個個都受過非常嚴格嘅訓練、做嘢又點會咁兒戲?如果係嘅話、嗰啲人唔係白撞嘅、就係流嘅。江湖上對此事有兩種講法。第一、可能係有人去碰一個絕對唔應該碰嘅人而觸怒某人而遭受警告。第二、就是有人為咗要達成政治任務不惜借中央來過一棟。如果情況被第二題講中嘅話、簡直係壽星公吊頸、嫌命長咯!嗱、平情而論、當事人所講嘅遭遇出現太多講唔通嘅情節。由其是當事人清醒過來時唔係立即報警、而係打電話去報館找記者、就己經係反常之極。單憑對方講北話和說出流料霞嘅名字、就咬定對方係強力部門嘅人、簡直係斷估冇辛苦。用釘書機在大臂上打釘、似係惡作劇多過似警告。注於點解對方會得知當事人要去見流料霞、本身就已經係值得玩味啦!係嘛?!嗱、我聽聞心水清嘅街坊話、可能有人要“升高勾”自己係不懼強權嘅鬥士、搏街坊抬佢上垃圾會填氹擂台爭奪戰、撈番個尊貴來做吓喎!嗱、我就唔係幾信嘞、唔知你又信唔信呢?




16 則留言:

  1. 如果佢遍體鱗傷到不省人事,要入ICU,到醒過來再講,我或會相信佢講嘅「一半」係真!
    至於呢件事我諗一定有「景滾」!

    回覆刪除
    回覆
    1. 聽聞佢讀神功學讀到幻覺上腦、呢單嘢都唔知係咪幻覺嚟。

      刪除
  2. 🌈好友⛅・゚🌞早晨好
    ☕午安好&黃昏好&傍晚好😽
    💛・゚*💞*¨*๑💚・゚゚。💗
    ╔╗╔╦══╦═╦═╦╗╔╗✾*¨♦
    ║╚╝║══║═║═║╚╝║💘*。
    ║╔╗║╔╗║╔╣╔╩╗╔╝。゚💜
    ╚╝╚╩╝╚╩╝╚╝═╚╝週末💓
    ¤。・゚゚ഐ❉•ೋஜ۩۞۩
    💙∵*`∴💟*¨◇💖º°¨⊹💕

    回覆刪除
  3. 疑點重重,似作嘢。或者是苦肉計,博同情。

    回覆刪除
  4. 域兄晚上好,
    呢單奇士令我記起三國時一段情節 " 周瑜打黃蓋,一個願打一個願挨。"

    問君是何人
    計君值幾銀
    一個二打六
    想法帶天真

    回覆刪除
    回覆
    1. 華娃兄午安、
      恐怕今次有人由偽打變成真打咯。

      本想打假波
      誰知罅隙多
      一經查真相
      入冊去賣籮


      刪除
  5. 腍柿堅不嬲都鍾意玩野,幾年前同班嘩鬼玩殘百佳,而家可能想做主角!

    回覆刪除
    回覆
    1. 俗語有講、上得出多終遇虎、遲早玩完。

      刪除
  6. D釘書機嘅釘就係真嘅,不過係乜野人釘嘅呢?
    江湖傳聞,有人叫雞唔俾錢喎。

    回覆刪除
    回覆
    1. 用釘書機靠嚇、強力部門都咗弱力部門啦!係冇?

      刪除
  7. 呢條友蛇頭鼠眼,咀又歪埋一邊,所謂相由心生,重話可能佢曾經叫習近平下台有關! 佢儍都無所謂,最戇居有兩條老政棍以為執到寳,碼到佢實一實!

    回覆刪除
    回覆
    1. 講起嚟、鐵頭不愧為「縮字堆」高手、連吊頸都搵嘢先托住個羅有。佢越睇越覺唔對路、於是有言在先的指、拐子佬手法係唔多係似強力部門作風喎!

      刪除