棋屎現形記

若要人不知

除非己莫施

世途多險惡

人精愛扮豬

呢嗱、反盟係乜嘢貨識、在剛剛玩完嘅垃圾會撥款會議之中全部顯現晒出嚟。反盟為着向公眾展示拉布大無畏精神、便一口氣提出廿多項動議、一心諗住亂制派又會如往常一樣提出反對嘅。殊不知今次亂制將計就計、一於幫手將匹布有咁長拉咁長。當反盟意識到如果繼續咁玩落去、必會連累三十六億兩銀子洗腦新資源撥款都被卡死、到時就會令到孽猿（反盟在洗腦界嘅代表）成為危害洗腦界利益嘅千古罪人。反盟為着要保住孽猿、惟有面懵懵咁主動提出放棄多項動議、並迅速通過擋在前面嘅一系列議案、從而讓洗腦撥款也順利過關、但隨後嘅五項仲要撥款“包括公人加薪”都被卡住、要等到十月放完暑假之後才再議。嗱、反盟今次很清楚告訴大家、佢哋嘅所謂拉布係對人而非對事的。今次反盟嘅幼稚和任性又令到佢哋多欠街坊一筆重債、相信唔使幾耐就要還了！

上述事件足以證盟反盟爭取利益並不是為街坊、而係為咗佢哋自己。假如唔係亂制睇穿反盟根本上係輸唔起而將計就計嘅話、反盟上演的那台假戲又能嘩眾取寵一番架喇！反盟為反而反多過做實事嘅作風、早已為街坊詬病。之不過、對於反盟來講、呢類批評顯然係濕濕碎、去年亦係大把撥款項目不被卡死、但街坊仍然照舊抬佢哋入垃圾會。因此當玩誓四蠢被公堂裁定失去垃圾尊貴資格、以及禁止他們以尊貴身份進入垃圾會之後、反盟尊貴馬上合力上演一齣血肉人牆嘅把戲、集體以身體作掩護送玩誓四人組進入垃圾會議事廳、台戲真係做得幾實牙實齒咁架！嗱、利用司法覆劾作為武器去整對手嘅始作俑者就是反盟、而今次無視公堂判決又係反盟、究竟呢啲算係抱打下平、抑或係輸打贏要、相信大家已紅係心中有數。難怪社會上有人話、反盟之所以咁偏袒被廢去武功嘅四大廢人、除咗想接入家嘅粉絲之外、再無其它更合理嘅解釋啦！依我睇、現在講邊個贏、邊個輸仍然係太早、一切將會在補選過後便有所交代。大家就等着瞧啦！