2017年7月12日星期三

切勿走入單程路



既是低能又要威
要求爛笪不依規
口講冇做唯威喂
敲槓不成又亂嚟

白鴨幫長老𤓓自講當上奴工福水部部長、未見到有人反對、而洗腦聯會副會長脆弱連被委任為洗腦部副部長卻被視為對反派價值觀構成衝擊而遭受反對。揸拂人冧井在回應時聲稱、她只會量才用人而不會計算其政治背竟。反派聞言後勃然大怒、並揚言要號召洗腦協會所有會員走出嚟同揸拂堂炒大鑊。嘩、阿哥、使唔使惡得咁交關呀!加陣連蕃鬼佬都可以坐在咱家公堂上當六判啦、點解堂堂正正嘅龍的傳人居然唔可以擔任區區副部長之職呢?你班友霸道成咁、難怪城中嘅洗腦界和絲髮界都被你哋霸晒嚟玩啦!咁算係乜鬼嘢公平、公開、公正啫?呢啲簡直係封閉和壟斷就真啦!喂喂、咪話我靠嚇、有衰你哋衰就好喇、千祈咪將班細路哥都帶埋入單程路、事關此乃死路一條。

講起蕃鬼六判呢壇嘢、就不得不提戒律堂大總管長臂猿對鬼佬六判嘅評價。由於近日江湖上廣泛議論是否應該繼續聘用蕃鬼佬當六判、更有消息指有關方面可能考慮續步削減蕃鬼佬六判嘅數目。因此猿大總管便挺身而出對街坊解釋。他說坊間就個別案件對六判嘅評價、其實係時有不公平現像。他強調歸本法容許揸拂堂聘用蕃鬼佬當六判、係可以為本地六判帶來新思維、並且能夠令到咱家公堂與時並進喎!嗱、在下雖然對於江湖上流傳“對於阿邊個來說、與時並進等同懷緬過去”嘅講法有所保留。但在下實在有點想唔通、究竟點解一定係蕃鬼佬才能夠為龍傳人帶來新思維、而唔係龍傳人帶給蕃鬼佬新思維嘅呢?難道龍傳人就不佩擁有新思維、以及冇能力與時並進嘅?所以話啫、世界上鬧意見嘅事情、其實只係因觀點與角度不同而起的、無論人們怎樣堅持都不能把事嘅本質改變的。以其說蕃鬼六判可以為本地六判帶來新思維、倒不如說是讓西方價值觀繼續維持落去吧!因此、無論是減沙蕃鬼六判目數、抑或是加碼聘用都有其道理。問題只是、那一個決定才是有利於本城街坊而矣!


16 則留言:

  1. ─▄▄─▄▄▀▀▄▀▀▄
    ███████───▄▀
    ▀█████▀▀▄▀
    ──▀█▀。゚。♦
    ╔══╗╔══╗░╔╗╔╗💖。・゚゚・💚
    ╠══║╠══║░║║║║╔╗💜週三💕
    ║══╝╚══║░║║║║╚╝💙萬事得
    ║░═╦╦═░║░║║║╚═══╔╗ ╔╗💞
    ║░═╬╬═░║░╚╝╚═════╝ ╚╝💛
    ⛅好友🌞我的早晨🌈你的午安好☁*`☀

    回覆刪除
  2. 我對呢個脆弱連冇認識, 只不過見到反派喺佢未上場已經咁大反應, 就知道應該係有料之人, 將來一定會好戲連場。

    回覆刪除
  3. 我就話為了公平起見,有西人六判當然也要有紅家六判。
    若推行這樣決定雖然很難,而且也使反對派有藉口反對…不過這樣做卻可引起某些人恐慌致鬼打鬼,相信亦不失為好的計策!

    回覆刪除
    回覆
    1. 好提議、不過做起上嚟又會遭受激烈反對嘅。

      刪除
  4. 而家不是人講人話的年代,已經是人不似人,瘋言瘋語聽到煩!
    不如聽好歌!

    回覆刪除
    回覆
    1. 今日六判終於用行動告話街坊、法律是靠譜的。

      常無、羅三七、螻小蟻、鹽蟲謠四名「玩誓」人物被判宣誓無效、全部取消尊貴資格。

      刪除
  5. 域兄晚上好,
    唔~~~在下有咁嘅睇法,如果唔能夠喺洗腦方面全權話曬事,咁又點能夠可以將下一代染黃呢?

    只許我放火
    不準你點燈
    道理由吾定
    逆者把汝吞

    回覆刪除
    回覆
    1. 華娃兄午安、
      世界上任何一個國家都必須洗好子民嘅腦、否則就永無寧日。但唔知點解本城會例外嘅。

      洋人一把火
      燒出個惡果
      香城立立亂
      全因腦偏頗

      刪除
  6. 有利街坊這個題目, 其實都不定有答案, 都係公說公有理, 婆說婆有理.

    回覆刪除
  7. 用番鬼判官有其背後原因,香城是個國際都巿,如果用晒本地幫,會削弱國際形象,減低外來投資的慾望;另一方面,本地幫識走位,公正性存疑,鬼佬一般較戇直,所以用番鬼做六判,係有其存在的價值。

    回覆刪除
    回覆
    1. 講得啱、這確實是本城必須面對的現實狀況。因此在作出取捨之前、必須要考慮周全才行。

      刪除
    2. 一定係蕃鬼佬
      才能夠為龍傳人
      帶來新思維

      刪除
  8. 「你班友霸道成咁、難怪城中嘅洗腦界和絲髮界都被你哋霸晒嚟玩啦!咁算係乜鬼嘢公平、公開、公正啫?呢啲簡直係封閉和壟斷就真啦!喂喂、咪話我靠嚇、有衰你哋衰就好喇、千祈咪將班細路哥都帶埋入單程路、事關此乃死路一條。」
    域sir,說得好呀!!! 說得大快人心。
    利用班細路攪翻罪惡城,罔顧法紀,終於一一被定罪,自毀前程。就是聽錯壞人亂點,而變成喪家狗 !!!

    回覆刪除