2017年7月26日星期三

其身不正點樣教人



政治妖人確恐怖
累到人皆嘔白泡
鬧來鬧去誤將來
鬥去鬥來輸大數

前講大教館學徒會會長陰敬鳳、因鼓動大教館學徒圍堵長老會成員、而被控在公眾地方搗亂罪成、目前正等後六判爺判決。據講、判入冊受靶嘅機會很高、而陰敬鳳亦聲稱其教頭好夢做不成了!嗱、我唔係打落水狗、更唔係講風涼話、我只係覺得陰敬鳳當不成教頭係本城下一代之幸。試想、陰敬鳳不信守保密承諾、將教委會保密會議內容外泄、而事後還要發動學徒非法圍堵長老會成員、甚至不准救護車進入館內救人、如果此人當上了教頭會教出些怎麼樣嘅徒弟出來呢?今日既教頭之中大不乏像陰敬鳳這類人、所以才會教出那麼多信奉「不守戒並不等同不尊重戒律」嘅年輕人出來。請看看、當下城中有批人為那幾名在宣誓期間作出不當行為而被DQ嘅垃圾會尊貴發動反DQ抗爭、就已經是違反法治和不尊重法律嘅鐵證。請問一聲、究景人們還要不要堅持在法律面前人人平等?

今日嘅政棍正在向全城學子做出一個極度惡劣和危險嘅示範。佢哋正在向學子灌輸只要高舉“公民抗命”四個大字嘅旗幟、就可以將戰中七十九日、拖累多家大小商鋪倒閉、妨礙職業司機搵食、阻塞交通、以及將街坊蒙受嘅損失演釋成合理化、又或是將大年初一鬧到年初二嘅怒火開年之中、毆打捕快、向捕快掟磚塊、掟玻璃樽、膠樽、雜物、以及當街放火等暴力行為演釋成勇武抗爭。但問題係、究竟呢種拖累街坊嘅抗爭嘅方法是否必須的、難道真的沒有更和平、更理性嘅抗爭手段嗎?他們採取了這麼樣一系列粗暴行動、究竟是幫了街坊、抑或是害苦了街垃呢?相信大家都心中有數。但話得說回來、這一切除了揸拂人有不能推卸嘅責任之外、那些為人父母和師表者亦難辭其責的。因此、請不要埋怨別人喇!嗱、我唔係嚇你、今日你以為抗爭是對、是錯、我都冇意見。之不過當十數年過去之後、就唔好埋怨你個寶貝仔或寶貝女只聽教頭和政棍支笛而唔聽你支笛喇!呢啲就係叫作報應吖嘛!誰叫你後生嗰陣時計錯數咩?係嗎?!


13 則留言:

  1. 域兄:不嬲都話忠忠直直,終需乞食,所以佢哋咁做法係有市場嘅…
    因此,點樣教人都係要睇有冇著數啫!

    回覆刪除
  2. 俗語有話;精人出口,笨人出手!咁辛苦先至入讀港大,結果信政棍唆使,前途盡毀,令人唏噓。

    回覆刪除
    回覆
    1. 確實有種人大大聲吶喊、一味鼓吹人家的孩子去搏小命、而自己就攬實自己嘅仔女坐享其成。

      刪除
  3. 好友☁🌙又是時候瞓覺囉🌜甜夢🌛💤
     O
       o
     .∧_∧・。◇
     ( ・ω・ )
     |⊃/(___♦°¨*✬
    /└-(____/★・゚☆
    ✾๑۩۞۩❉•ೋஜഐ*
    🌟瞓醒繼續又╠╣aΡpy週四✨

    回覆刪除
  4. 域兄
    立場呢樣嘢
    唔咪個個有本事擁有嘅
    無立場嘅人
    唯有聽人唆擺
    是非不分喇

    回覆刪除
    回覆
    1. 還有一種有立場而無膽量去爭取之流、只管張聲吶喊鼓吹人家子女為他們打拼、而自己就得得睇字。

      刪除
  5. 政治........心心一直都當戲去看呢!

    回覆刪除
    回覆
    1. 對呀、政治難分對與錯、亦非好玩意、當戲睇最好。

      刪除