認罪博甩身

真亦假時假亦真

開言負責博甩身

街坊痛罵無反應

法外講情犯眾憎

黃衛兵頭目淫酷龜、以及戇痴瘋等人自知罪責難逃、故此使出一招以退為進之計、速意令街坊誤信佢哋係勇於承擔嘅人物。嗱、佢哋表面無敵、內心怕極、所以一早就搵定狀師替佢哋向六判爺求情、要求判刑不要超過三個月、仲話最好就係判做義工或罰多少銀両、否則就會摧毀佢哋參選尊貴嘅資格喎！嘩、癩蝦蟆想食天鵝肉、唔通又想博一次“判刑即是不判刑”嘅歷史重演乎？如果咁都得、罪惡城好快就玩完架喇！呢啲係承擔責任咩？簡值係當六判爺係白痴就真。呢嗱、姑勿論是否認同流料波嘅政治立場、他曾經多次踎監、現在更加係一踎就踎咗七八年、連個癌症都踎埋出嚟、但人家卻未哼過一聲。呢啲先至係敢作、敢為、敢承擔嘅男子漢大丈夫。點似得罪惡城呢群呃街坊嘅爛民咁、又要威、又要戴頭盔咁低裝架？！

今日黃亂犯要求六判爺放佢哋一馬、當日佢哋又何曾放過那些求佢哋收手嘅街坊一馬？我記得有一位八十多歲高齡嘅伯伯、不忍見到他有份參與建設嘅社會受到摧殘、當場跪在黃衛兵小頭目面前要求佢哋罷手、但結果係點大家都有眼睇。現在輪到呢班黃衛兵承擔責任就要求開脫、簡直係妄想理啦、係嘛？！俗語所謂、沒有最賤、只有更賤。戰中三妖唔淨止把佢哋公開許下嘅“任拉、任鎖、認罪、坐監”承諾全部吞晒落肚、仲賤格到要求自決派將那筆籌措得來“準備用作替四名自決派垃圾尊貴打官司”嘅銀両拿出來替佢哋打官司。呢種在乞兒兜裡頭揦飯食嘅行為、大概只有呢種“禮義廉”嘅人版才會做得出嚟。在下不得不佩服曾經被慫恿當路霸嘅人們、居然可以麻木不仁到、眼光光睇住戰中三妖嘅醜行而不發一聲。講真、應召出嚟做路霸嘅黃衛兵、十之八九都係懷着一顆赤子之心嘅年輕人。之但係、呢件事背後隱藏着嘅利益交易卻不足為外人道。當然、在黃亂之後有很多事情想遮蓋亦遮蓋不來、例如花大叔出資四千萬兩銀、而另外大細兩圈內均有集團出資達四億両銀、才能夠讓路霸熬足七十九日。不過呢趟嘅黃衛兵之亂絕對係冇贏家嘅、連一個都冇。咁你話嘞、搞咁多嘢出來累街坊又何苦呢？戰中三妖和一群搞手本來就係罪有應得的、否則那些被黃衛兵累到成盤生意“摺埋”嘅街坊、就真係冤哉枉也咯！