信妖蜓者即死

妖人發噏風

遲早被送終

記得睇路行

有個大咕窿

前幾日在噏風會聽妖蜓講、只要反盟能夠控制驅異會和垃圾會嘅話、就可以在本城揸拂嘅喎！嗱、在下實在想唔通、以目前這但小圈選舉制度、反盟到底憑乜嘢本領、使得小圈選委乖乖的抬佢哋嘅代表上台。妖蜓呢兜㕲嘴梗係當紅家會係流嘅咩都未定喇？嗱、妖蜓明知到罪城是誰家天下、依然敢膽妖言惑眾、當然係居心叵測架嘞。坦白講、係人都知到倘若驅垃兩會被反盟操控嘅話、總舵必定會加強對本城嘅鉗制、到時只有變河蟹嘅份兒。既然係咁、點解大妖蜓又會散播呢種狗屁不通嘅言論呢？其實此妖係要蠱惑那群沒頭沒腦嘅毒仔毒女、拋個身出來參選、旨在搗亂香江而矣！

嗱、我唔係亂噏架、江湖盛傳本城出名盛產武狀元嘅中級教館（不碎女子教館）館長柳巾勵卷公開講、該教館在今屆公開科舉之中整體成續下跌、完全是多得兩年前嘅戰中所賜。據柳巾館長講、自從戰中爆發之後、有不少學員家長被嚇到舉家移民、或是將子女送到外國繼續學藝、以致該教館流失了八十多名學員。柳巾館長嘆謂、其實她亦是感到十分無奈、因為流失嘅學員大部份都是該教館嘅尖子學員、故此今次公開考試成續下跌是免不了的。這件事告訴我們、戰中確實是有破壞冇建設、累人兼累物架！試想想、自從大歸後、罪惡城長期受到政治對抗嘅衝擊拖累、社會分化都唔在講嘞、更糟糕到透頂嘅就係、連人際關係都變得脆弱不堪吖嘛！本來是一家人、但由於喜愛嘅顏色不同都可以反目成仇嘅時候、試問我哋嘅社會又點會有和諧？現在妖蜓又挖定一個大咕窿等候大家跳落去喇！嗱嗱嗱、你哋千祈咪信妖蜓呀、一跌落去個大咕窿嗰度就一世架喇、睇路行至好呀！

吓、乜話、我老點你？喂、阿哥、剛剛就有單新鮮熱辣嘅嘢出爐咋！常無、羅三七、螻小蟻、鹽蟲謠四人被六判爺裁定失去垃圾尊貴資格。即係話、佢哋通通都冇得留低喇！呢啲咪就係聽妖蜓話嘅現眼報嚟囉！