黃思講錯電台

妹仔坐上主人頭

簷前滴水也倒流

撒賴民間多齮齕

不謀向善聽揸兜

話說在六月卅日（周五）黃昏、冇記公仔箱台臨時抽起講錯台那個「太后與太監」嘅黃思節目、改為重播紅家會總舵主首次到訪罪惡城嘅講話、並將餘下十五分鐘時間加插講風水片段、然後按正常時段播散新聞報導。殊不知咁就得罪咗黃思節目話事人五萬二、而備受質疑抽調是具政治目的。冇記聞言後㷫過焫雞、於是大聲反問五萬二、對於普羅街坊來講、究竟係總舵主講話重要、抑或係佢個節目重要？冇記發言人強調、由於總舵主講話完畢後剩只下十五分鐘就到新聞報導時間、是不足以播放完整個「太后與太監」節目、惟有臨時擺一個十分鐘左右嘅講風水片段攝檔。發言人還說、當下講錯台覆蓋嘅地域範圍已經跟冇記公仔台完全一樣、根本再冇必要佔用商辦公仔台嘅空間的。

嗱、冇記寧願重播總舵言講話、而抽起「太后與太監」那個黃思節目、目的當然係唔想做得罪總舵主嘅替死鬼、更唔想因此而對冇記盤生意造成負面影響。其實、冇記亦只不過係在商言商而矣！之但係、五萬二身為揸拂堂轄下電台高層居然開口政治目的、埋口政治目的咁去質疑一個私辦公仔台嘅節目調動、究竟是透露出甚麼訊息來呢？難道有人想鼓動黃衛兵去鬥垮鬥臭一個“唔聽黃思笛”嘅商業公仔箱台？咁搞法、豈不是黃思玩晒？喂喂、講錯電台即使不做揸拂堂嘅喉舌、亦應該保持政治中立、實在唔應該傾向任何一方的。因為供養這個講錯台嘅係持有不同政見嘅街坊。然而、講錯台卻是一面倒傾向黃思、置所有不同政見街坊嘅感受之不理、而揸拂堂又一直不聞不問的縱容下去。試問、咁又係透露出乜嘢訊息來呢？你會相信顧主管會唔掂自己班夥計嘅咩？今次冇記指出、講錯電台冇必要再佔據該台嘅播放空間是對的。因為「太后與太監」令到非黃思觀眾反感而備受杯葛、商辦公仔箱台又要靠廣告來維持、可惜該節目收視律不理想又會對廣告收入構成負面影響、所以人家咪趁機詐型囉！其實、今次冇記詐型猶如對揸拂人當頭棒喝。假如揸拂人繼續裝聾扮啞嘅話、總舵方面絕不會永遠忍耐下去的。萬一總舵動起真格來、咁就真係唔好玩咯。依我睇、凡事皆適可而止才是王道吖嘛！係冇？