殺隻雞啦

南海冇玩家

來隻大笨叉

老蕃打橫來

舊藥照翻渣

嗱、花家前大佬奧黑馬在南海打橫行足足六年、結果班南亞仔還是跟龍家簽訂「行為守則」、連被慫恿向海牙偽法庭入稟控告龍家嘅賓仔都已經回頭是岸、跟龍家有商有量。雖然花家新大佬喪普繼續奧黑馬遺志在南海搞搞震、但只聞雷響聲、不見雨來臨。正當南海稍為太平之祭、花家家務卿砌勒心麾下嘅懦夫石油公司與安南仔合作、闖入龍家水域非法開採石油、而被龍家軍驅逐反安南。今次是砌勒心當上花家家務卿之後其麾下公司首次在南海被龍家軍驅逐、加埋在他上任前的一次合共兩次。那就難怪花家裡面總是有人喊打龍家啦！但喊打係冇用嘅、所以面對着「新思之路」威脅嘅喪普無時無刻都在諗計對付平大大的。

正當喪普成隻冇爪蠄蟝咁款之際、象家軍忽然踩咗入龍家垌塱區賴死唔肯走。喪普見狀大喜、於是邀請象家大佬莫滴到花家作客。花家媒體大肆捧象而貶龍、而喪普亦安排象家軍跟、花家和架仔聯軍在南海搞咗個大型軍事演習以壯聲威。由於象家軍實力被吹捧到天上去、阿星軍頭口出狂言話要同時開兩條戰線招呼龍家軍和巴基軍喎！之但係、龍家今次竟能忍別人之不能忍、係都唔出兵跟象仔打一場痛痛快快嘅。嗱、行軍打仗係講求實力與效律嘅、象仔嘅武器係從多個家族購買而來的、在戰場上無法統一維修和配給零件的、萬一當中有一個家族零件供應不足、成支軍隊就馬上要企晒喺度。比之街坊軍嘅裝備九成九都係咱家製、無論維修或零件配給都是充足的。之不過、假如龍家真的動起兵戎來、而象家軍又真的是經不起考驗、龍家蒙受嘅損失一定比象家更慘重。因為花大叔、架仔、以及蕃邦諸族早就裝定個氹“像裝灰態京一樣”等平大大踩隻腳落去、到時花大叔就可以順理成章執“新思之路”嘅二攤嚟做架喇！呢招叫你開井我打水吖嘛！別忘記北邊仲有北寒和南寒、東邊有架仔、南邊亦有安南和印傭仔、還有台島嘅菜英子、呢啲全都是花大叔用來對付龍家嘅本錢嚟。莫滴可能已算出這一點、知到象家軍就算再放肆一些、龍家軍亦唔敢隨便開拖都未定咯！話口未完、印泥仔又編出一張亂噏南海嘅地圖來挑戰龍族嘅容忍力喇！依我睇、龍家不同鵝家、因為龍家沉、世界也沉、現在係時候找隻又肥、又大、又抵死嘅雞出來、當班馬騮面前鋸頸、嗰班嘢先至會識驚架！