人生有幾個十年

一生匆匆過

恩怨何其多

回頭望過去

可有悔當初

在下這生人百足咁多爪、做過 Band 友、當過教頭、在兩大江湖道上亦不乏好朋友、後來加入公僕行列、亦曾經加人某志願機構當業餘社工。當社工初期是專門在球場和機鋪等地市認識一些問題青年、晚期轉過去老人組跟長者打交道。這麼樣一幹就是幾十年。以個人而言、在那段撬人心窗、聽人講心事嘅日子裡面、其實獲益最多嘅人係我、因為佢哋嘅故事豐富了我的知識。

又關土地事？

阿一雖有話事權
無奈老闆不咬弦
七上八落難適應
搞你唔搞佢玩完

呢嗱、一直以來、揸拂人都在埋怨受到土地不足所累、以致有興建公居之志而無可用之地。今屆揸拂人炒冷飯般的重提出前人建議嘅開土闢地、填海造地、以及打郊嘢公園主意。坦白講、這些所謂建議如果行得通嘅話、就唔使等到今時今日啦！也許揸拂人認為「大傻解」可以改變反對人士嘅立場都未定。但除咗揸拂人自己之外、機乎沒有其他人持同樣睇法。難怪社會上有人指揸拂人一直在這問題上拉布啦！嗱、現在嘅問題係、究竟罪惡城係真的沒有興建公居嘅土地、抑或係政策上出現嚴重問題？社會上開始有聲音指出、問題並不在於土地不足、而係揸拂當局犯咗策上嘅錯誤。

三叔公的話

面對艱辛勿畏難

酸甜苦辣也一餐

無須恨怨應開朗

你這一生冇白行

今年剛剛一百歲嘅三叔公並唔係宗教人士、亦唔係哲學家、佢只不過係在榕樹頭一名講古佬。尋晚三叔公講述佢對人生嘅體驗。三叔公話、佢相信因果報應、所以對人生的起與落視之平常。三叔公指出、每個人的的際遇都是在前生親手栽培的、無論是好是壞都得接受、逃也逃不掉的。因此、今生活得好的人應該多做點好事、即使過得不好的人不要埋怨、更不要做壞事。因為來生好與壞是由你今生決定的。注於今生種下的是怎麼樣的種子、就得看你的決定。

思歪是港毒罪魁？

你講我又講

人皆貪口爽

聽來真一樣

大話夾荒唐

自從港毒與外妓合演的鬧劇紅爆之後、置身在輿論風尖浪急之中嘅唔止係冧井、而且還有思歪。冧井雖然受到一些不太猛烈嘅負面批評、但思歪卻被人插到眼都花埋。據榕樹頭講壇三叔公講、最主要原因係前者面面俱圓、所以多貴人庇護、而後者擺出一副天殺孤星模樣、想唔做非洲和尚都難啦！注於係唔係思威親手將隱藏在大教館裡面嘅港毒挑出來、那就要由  2014 年那次戰中講起。早在  2011 年以袋鼠石為首嘅一群大教館教頭開始在教館界部署黃色革命、並由副教頭妖蜓充堂宣傳主任、跑到各級別教館宣傳其黃思理念和引帶出戰中訊息。換句話講、在貪箏當縣太爺時期、港毒已經係有計畫和有步驟的由大教館散發出來。只係當時嘅毒性比較溫和而矣！

掉以輕心就賴嘢

真弱定假弱

算來必有着

此局叫天仙

專捉黃腫腳

尋晚夜、榕樹頭講壇請來芝士陳做主講嘉賓、講解何以縣府至今仍然拒絕將防毒法擺上台。芝士陳講、確立防毒法必須爭取到中間派支持才可以。芝士陳強調、除非本城出現目前法例規管不着嘅情況、否則縣府在未來兩三年內都不會把防毒法擺上台的。嗱、恕在下腦根遲鈍想唔明白芝士陳嘅邏輯。我真係想問問、今次嚎癲陳所做嘅嘢、不就是現行法例規管不到嘅咩？如果管得到的話、何以外妓協會喊縣府證明佢哋違反咗那一條法例時、而縣府卻鴉雀無聲嘅？還有、縣府能否保證在不立防毒法情況下、有能力去制止同類事情發生？如果有嘅話、點解今次冇晒符？依我睇、無謂再呃鬼食豆腐、多做點實事好啲！

漢奸言論

打壞教頭教壞徒

害我香江患肺勞

今日注成它日錯

帶領學子進歧途

尋日、蚊族社社長趁嚎癲在外妓協會向外妓演講中所釋出嘅漢奸言論、內容大概如下：

一、罪惡城必須脫宗獨立。二、蚊族社責任就是洗年輕人腦袋和發揚港毒精神。三、把回歸演繹成係殖民統治、並聲稱本城須要蚊族社。四、把天朝形容為威協世界自由嘅帝國。五、聲稱罪惡城是被天朝吞併的國家。六、指天朝帶頭放棄宗影聯合聲明、並認為影國應出手幫助反字堆反抗天朝。七、建議花大叔在打貿戰時應要對付城中踐踏（蚊族社定義）人權嘅官員、打擊神州流入本城嘅資金。

示威也徒勞

當家唔去馬

眾丁滿地爬

口水人盡噴

噴盡欠揸拿

今日是講毒組織蚊族社社長趁嚎癲在外妓協會開騷嘅大日子、藍營愛字堆亦派出數十名代表跑到會場外進行抗議和遞交抗議書、而幫講開聲一度被拒入場、經過一輪交涉、證明幫講開聲已獲得政府認可嘅採訪人身份之後才入場採訪。據報場內有多家外國大型傳媒亦派記者到場採訪。即係話呢單畸屎、即將成為「各製」新聞。城中有些法律界人事主張、以外妓協會違反租約為理由收回該會址。與此同時亦有人一口咬定、外妓協會邀請港毒演講係違法嘅。嗱、如果以防毒法嘅角度去睇、外妓協會確實違法。之但係、在防毒法尚來確立之前就夾硬話人家犯法、似乎無稽咗啲喎！因為條法例未生效吖嘛！否則、縣府早就以實際行動去阻止呢件事發生啦！係嘛？！

令人費解

唔嗲又唔吊

阿嬌遇阿俏

未恐失三魂

只怕神仙跳

世界上最尷尬嘅事、莫過於熱臉貼上冷屁股。打從縣太爺上任第一日開始、便履行「大傻解」誠諾、向黃營送出多份大禮。無耐、人家似乎唔多領情、並且以一連串播毒、撐毒、打臉嘅方式來對待縣太爺推出嘅「大傻解」計畫。在這種情況下、縣太爺顯得進退維谷、面色當然唔好睇咯！令縣太爺更難堪就係、先占便宜再賣乖嘅外妓協會居然不聽縣太爺勸告、堅持為港毒提供演講平台。就在此時、黃營長老看更李忽然跳出來直指蚊族社並非違法組織、誰人認為神嚎癲犯法可以押佢去見六判爺、而唔係大聲夾惡咁去兇向神嚎癲提供演港平台嘅外妓協會。

不得依牙鬆槓

無中生有廿三兜

思歪亂噏口唔收

阿姐扣留捉妖法

掃毒無須你來愁

俗語有講「旁觀者不得依牙鬆槓」吖嘛！思歪已經唔係本城一哥啦、但係仲繼續對本城事務指手畫腳。好似最近咁、外族妓者協會邀請蚊族社社長神嚎癲到該會演講「脫宗獨立」和「打倒一擋獨大」、而嗰壇過氣一哥思歪卻跳出嚟亂噏廿四、說甚麼根據「歸本法」第廿二兜但規定、但凡發表分列國土言論和勾結外族干預本城事務皆屬違法嘅喎！喂喂、思歪、你係咪食咗忽得、搞到忽咗上腦呀！家陣罪惡城冇你所講嘅廿三兜嘅喎！唔該你唔好再喺度亂噏廿四、否則𢯊你上堂、順手執劑「妖亂公安」過你嘆架！你冇理由唔知到、廿三兜早就被一姐扣留咗架啦！總言之、佢一日唔肯擺廿三兜上台、罪惡城就一日都係播毒自由、反龍自由、甚至與外族聯手翻盅亂講都有自由。因為廿三兜尚未被確立吖嘛！明未？

話之你冧樓

我要趕工程

你哋咪詐型

放大芝麻事

賺得眼矎矎

造價千億亦係世界上最昂貴嘅「沙中鱔」地龍工程龍筋被斬都唔止、仲要事故頻生、真係唔知因乜解究。嗱、原來地龍工程獲得豁免權、無須接受建築條例規管。因此工程令到附近地區出現沉降62毫米、比上限29.2毫米超出一倍有多、但公家部門卻不得依牙鬆槓。即使街坊投許其住所受到沉降影響導致牆壁出現裂縫、地龍工公司卻處之泰然繼續施工。地龍公司發言人話沉降好平常、就算地下暗流移位都會出現沉降嘅、樓宇結構受到沉降影響可以灌獎加箇、若然出現傾斜就利用撐架頂住。嘩、阿哥、家陣講緊嘅係你哋個工程影響緊人家棟樓嘅安全、人命攸關架、點可以等閒視之架？由此可見、地龍工司嘅特權真係大過人權。𠲖、點解垃圾會班尊貴今次人人閉嘴、個個噤聲嘅、吓？！

戲

連場皆爛戲

爛到你麻痺

面上掛七情

原來呃緊你

尋日、過氣縣太爺老洞公開向反派呼籲少搞對抗喎！嗱、喊反派收斂、即係叫佢哋炒花大叔魷魚。咁搞法、係咪你老洞養起佢哋呀？當年老洞以為攞「八萬五」出來益街坊實冇衰、點不知卻被班街坊迫到佢連頂烏紗都保唔住。今次佢大大聲稱讚現任縣太爺拳王井辦事能幹、仲話全城都因佢而變得和諧咗喎！家陣萬歲爺已經唔滿意拳王井將「防毒法」封印、搞到班港毒同埋班洋妓者肆無忌憚咁玩轉全城。剛剛之嘛、又被人踢爆、縣府不經公開競投便私底下以超低價租咗個物業畀外國妓者協會做俱樂部。殊不知班洋妓者將個場地用作五毒（藏毒、蒙毒、疆毒、台毒、港毒）宣揚分裂國土嘅平台。究竟邊個咁大膽私底下益班洋妓者？現在呢單嘢通咗天、真係要睇吓縣太爺點樣埋尾。

醜婦見家翁

地龍被斬筋

誰敢監硬吞

抽出敗家兒

處事要均真

俗語有話、醜婦終須見家翁吖嘛！那怕有人權高勢大、就是不能隻手遮天。據地龍工程二判早前對保安大隊長講、他交給馬路部嘅有關斬龍筋嘅資料、並沒有包含在該部門交給巡捕房嘅資料裡面。這意味着可能有人將二判提交嘅有關資料拿走、事件亦可能涉及隱瞞、是非常嚴重的。當日二判為着確保手上嘅證據能送到六判爺面前、便親自向保安大隊長提交有關斬龍筋嘅證據、但大隊長拒絕接收、並喊二判自己去報案。呢個咁嘅情況並不常見、所以在江湖上牽起廣泛聯想。

民調 你信嗎？

合者猛推崇

違意面燶燶

民調多大話

帶你入迷蹤

呢嗱、唔知到邊條友發明民調這玩意、總之現在嘅民調已經成為政客用來打擊對手嘅武器。既然係武器、當然係損人利己架啦！因此、民調呢家嘢、信與不信通當係以利害來決定。例如、從前由講大教館大教頭燶町耀針對縣太爺泡製出來嘅民調顯示、縣太爺失分越勁、越係被藍營咬定係調查手法偏頗不足為信。相反、當縣太爺民望有起色時、民調又忽然之間靠譜起來了！這種輸打贏要嘅例證、並不是只發生在藍營。事實上、當結果不利於黃營時、民調同樣不被認同。𠲖、咁算唔算係輸打贏要呢、吓？！

遺憾 遺憾 再遺憾

比油更滑又骨多

敵我同心拍住拖

聖旨到來燒壞瓦

聲聲遺憾事多磨

呢嗱、白番今次替全城街坊話畀縣太爺知、不確立廿三兜是無法管治好罪惡城的。事實上、縣太爺除咗對港毒表示遺憾之外就再無下聞。今次縣府要禁止分離主義團體蚊族社在城中嘅一切活動、外來嘅外國妓者會所（簡稱：外妓會）公然邀請蚊族社社長神嚎癲到該會演講。當消息傳出街之後、過氣縣太爺施歪、以及外交部派注本城嘅尊員齊聲譴責。然而、縣太爺只係循例講一聲遺憾、另加一句唔適合、咁就打發咗佢哋。坦白講、如果呢單嘢發生在白番國度之內嘅話、人家唔將那群外來妓者當間諜咁拉才怪。如果今日本城落實咗廿三兜嘅話、那群外妓何來放肆餘地？縣太爺講得啱呀、真係遺憾架！問題係、呢啲遺憾究竟係誰人一手造成嘅呢、吓？！

貿易戰背後

發難裝兇衝呀衝

斷搶全仗有幫兇

腌臢霸道人皆怕

話你唔聽我又舂

喪普挑起這場貿易戰、連盲公都睇得出非因貿易不平衡、而係針對中國製造2025、以及華為快將推出市場嘅 5G 服務。當年花旗佬看不起土耳其教授阿里坎發明嘅「極化碼」、而中國就禮賢下士、並顧用一群科學工程師、花上 8 年時間和 10 億美元進行研究、終於成功將 5G 面世、這是何等銳利嘅眼光、花旗佬惟有得個恨字。事實上、誰先擁有 5G 技術、誰就成為人工智能、醫療、訊電、機戒人、海陸空無人駕駛導航等高級科技領域嘅領先者。華為電訊公司宣布在 2019 年 6 月推出 5G 網絡服務、但花旗佬在 2020 年之前無法做得到。美國專家計算過、如果花旗率先部署 5G 嘅話、可以創造三百萬就業機會和五千億花元 GDP 增長。如果被中國搶先推出嘅話、財神爺便跑到中國那一邊去。因此喪普就要將華為趕到隨山跑、可惜為時已晚、那就只好拿中興來做出氣袋、藉此羞辱一吓習總都好吖嘛！

有政策冇監管

有立規

冇監管

莊家詐糊塗

閒家食老本

咪話天宮唔做美

樂見諸君賺滿盤

呢嗱、咪話講府唔關心街坊安全、只不過係更加關心商家有冇大生意做啫！嗱、講府久不久就會推出一些旺財政策、使得有能者人皆發之吖嘛！例如年前推出嘅強制性驗窗計畫、使得全城街坊找合格驗窗師到自己家中驗窗、以及更換窗較和窗鎖、認真係大生意嚟。之但係、我聽聞有些街坊講、只要花幾百両銀買一張驗窗合格證明書就可以、無須花費大筆銀両去換這換那的。我曾經問過一位修理門窗嘅師傅、是否只買證書而不一定要更換窗較和窗鎖、得到嘅回答是必須要視驗查結果而定。據他說、最好在平時多留意一下窗門較嘅螺絲有冇鬆脫跡象、一般鋁窗每隔三至五年就應該找師傅上門仔細檢查一下才可以確保安全。

紅家並不孤獨

世界輪流轉

神仙冇得變

若要逆水行

遲早失預算

剛剛聽聞、南寒嘅樂癲百貨、架仔嘅檸木汽車、以及其它四十多家外資企業紛紛撤離大圈它往、並引起大圈網民熱論。有人認為是喪普發動嘅貿易戰開始起作用、紅家就快頂唔住、亦有人認為係那些公司抵擋不住大圈製造業快速崛起而敗走的。總之各有見解至係。事實上、樂癲就衰在其老闆將一幅地皮讓給族長部署花家嘅「殺得系統」日夜威脅着紅家安全、傷害了大圈街坊感情而遭杯葛。檸木出產嘅係蚊型小房車、根本上吸引唔到今日財粗氣大嘅大圈街坊、敗走是必然的。據報導、華威手機銷售量已經超過平哥手機成為世界老二。由此可見、大圈產品嘅質與量都已漸漸超越對手。據說、那些撤走的外資機構、完全可以由大圈企業來填補的。其實以大圈這麼樣巨大的一個市場、機乎每天都有外資流入和流出的、走了幾十家、再來幾十家、一點也下稀奇、只係在敏感時期很多事都會被人放大來看而矣！

禍城

真傻定假痴

你知我唔知

講來言鑿鑿

難分愛定痴

日前、白鴿會長老黑仔桃話、捕快在街頭截查也搜出短火來、可見危險程度係幾咁得人驚。冇錯、沿途截查猶如大海撈針般渺茫、但仍然撞到正、確實有點恐怖嘅感覺。但歸根結底、非法軍火與假難民嘅關係是密切的。君不見、近日巡捕房唔止一次在南亞爛民村搜出短火來嗎？今日嘅假難民被黑社會招攬嘅情況越來越普遍。難民對社會安全所造成嘅衝擊亦係日益嚴重。究竟當初是誰阻撓公家修改難民條例而導致今日爛民禍城？相信黑仔桃真係失咗憶、恐怕街坊們還是記得的。

居屋價瘋狂

升升又升升

食完兼夾拎

睇見眼矎矎

聽落冷冰冰

早前、公家提出一藍子（未來）降低居屋售價計劃、宣傳工夫亦做到足。之但係、當下居屋價卻突破萬元一呎大關。咁即係話、公家給予嘅係遠水、當前燒着嘅係近火。呢鋪算唔算係大隻講呢？講真、大多數街坊都渴望盡速改善眼前居住環境、根本上唔想聽廢話。由本城大歸開始、每屆阿頭 “啱僧除外” 都顯示極關心基層街坊住屋問題、既有老古董提出嘅八萬五、亦有阿狼所講嘅重中重、但廿年已過還是口惠而實不至。試問怎能叫街坊去相信公家？問心嗰句、在今時今日人均收入算來、有能力出資千多萬去買一層樓嘅人、根本上冇須要公家津則。但是居屋呎價也賣到萬多元、而最近有報導指出乜山花園（居屋）呎價接近一萬九千元、簡直係人都癲啦！係嘛？難怪咁多人話、家陣嘅居屋政策係為着要晾起物業價格而設架啦！

瞓醒未呀？

醫療咧咁𠾍

病人又賴嘢

賞罰欠分明

圍威好過借

呢嗱、罪惡城在兩個月之內連續發生兩宗嚴重醫療事故。早前聚兵門醫院一名年長男病人在沐浴期間被人以硬物插入肛門並弄穿大腸、並於數日後身亡。前兩日女皇醫院嘅醫療團隊、誤把陰道作肛門、將應該透過肛門注射入大腸嘅顯影劑錯誤地注射在陰道內、以致一名年長女病人無辜被切去輸卵管以補其命。嗱、前一單事件已經弔詭得令人百思不得其解、而後者則更加係形同集體被鬼揞眼般的驚人聽聞。喂喂、沖涼至喎、點解要用硬物插入病人肝門架？仲有呀、造顯影檢查既有放射治療師、有醫生、亦有醫護助理在場、點解無人發現插錯窿架？究竟班友仔瞓醒未架？

喪普變招

誰比誰更高

笑面裡藏刀

我搞圍威喂

你要眾為奴

喪普向紅家發動嘅貿易戰一開打、就發覺並不如想象中那麼好玩了！現在花家大豆和豬牛等肉類堆積如山、再係咁落去共禍黨必定在中期選舉躀低。喪普一方面大開庫門拿錢出來向農民補貼、另一方面又積極地找尋新買家來代替紅家。於是乎、喪普馬上以撇除所有貿易壁壘引誘歐盟落疊。歐盟反應十分積極、其委員會主席庸克嗱嗱聲撲到花家去見喪普、並得到喪普答應不增加歐盟汽車進入花家嘅關稅、但條件就係歐盟必須跟花家聯手打壓紅家。雖然雙方已經達成共識、但基於喪普有過兩次對紅家毀約嘅紀錄、莫講話歐盟成員唔敢相信狂人不會再次重蹈覆轍、甚至連花家內部都唔睇好今次花歐會面有任何成果的。

南亞點會有難民？

懶理難民不難民

總之有水便精神

既得莊家挨義氣

閂門隱事去搵銀

在 1975 年至 2007 年期間、罪惡城一直出錢和出力去供養着由安南來嘅難民。難民高峰期不少於 20 萬人。至今、聯合閣仍然欠下罪惡城在難民項目上墊支嘅 11 億 6千 2 百多萬元款項。

又關世界杯事？

貓尾掹得好

唱歌唔使譜

日日詐糊塗

人皆被當草

日前有街坊提出、應該由講錯電台出面去購買世界杯傳播權、然後分拆給各家視聽傳媒轉播、好讓全城街坊都可以跟全世界球迷一起共賞世界盛事。之但係、賬房大掌櫃劏房哥話、公家不適宜插手世界杯傳播權、因為咁樣做等同干預商業上嘅自由競爭喎！由比可見、今日嘅公家重商輕民嘅程度係遠超於昔日殖民地當局。難怪榕樹頭講古佬三叔公成日講、在殖民地時期、老番嘆牛扒、佢亦嘆牛骨、輪到架忌冷話事之後就連骨頭都冇得舐。嗱、按照殖民地時期「全民免費睇世界杯、大歸後馬上絕跡」看來、三叔公所言不差。難怪街坊對公家嘅態度冷若冰霜啦！咁亦難怪、家陣公家只須要小圈子支持便足夠、民心對他們來說是多餘的。搞成咁、真係要多得那群尊貴在垃圾會上演那套「掹貓尾」鬧劇。某人一聲等埋阿叔、結果便馬上倒流、由贏家變輸家、登時毀去全城街坊一人一票選大佬嘅權利。

蠢

盲丙扮晒醒

亂咁將人整

買板唔知埞

衰格夾難頂

江湖流傳、一名在椰樹省三每口市拍戲嘅禾日城女導演在酒店睡覺時、機乎被鄰房嘅一名飛機師學徒強姦。當女導演驚醒過來時發現有一名陌生男子對她有所動作、便猛力將他推開、然後揮動雙手猛打該男子、直至他退出其房間為止。事後女導演跑到三每口市派出所報案、但坐堂嘅值日衙差卻一味勸她和解！其間、有人警告她、若然堅持落案嘅話、她本人亦會被控以毆打他人罪。由於事主不懂當地法律、惟有離開派出所、然後返回禾日城、繼而在飛時卜上公開此事。嗱、當事情公開之後、很自然地在互聯網和輿論界牽起一陣嘩然。好嘞、當事情鬧大之後三每口市派出所通知女導演、沙嫌果子已經被捕、並要求事主前往派出所落口供。

卸膊

如此作事太草率

應藏秘密口中出

良心賤賣穿底價

有誰敢作爛頭卒

正當人人稱讚敢於去喐亨梗㒼族社嘅安全隊長是本城罕見嘅猛將時、那名向安全隊長提交禁止㒼族社活動報告嘅公人被評歌社起底、登時變成黃偽兵箭靶。喂、阿哥、打貪部都曉得以「密實、密實」來到確保提供資料者嘅人身安全。點解安全隊長會當眾揚人家嘅身份出來架？嗱、在翻看錄影帶時才發現、原來當日安全隊長公布考慮禁止㒼族社運作時爆響口、話明建議係由一名隸屬巡捕房嘅結社組助理提供的。對公家而言、類似舉動係前所未有過嘅。呢趟都可謂鑊鑊新鮮、鑊鑊甘咯！

無良與無良

胡亂發脾氣

養成嘴放屁

放大不安全

博亂搶人氣

某新屋邨被指食水含鉛量超標、並在社會上鬧得沸沸騰騰。如此這般、縣府無端端成為眾矢之的。事隔數天、房車部長陳火頁終於企出來將事實真想告知街坊。據講、經水記調查發現是有人曾經私底下更換水管和水龍頭、才出現所謂含鉛超標情況。經過水記化驗過嘅食水樣本、全部都是合乎本城和世界衛生標準的。在四個鉛水戶之中、有兩戶食水已被證實是安全的、但有一戶拒絕水記人員入內抽取食水樣本、亦有人以其它理由使得水記人員無法在其單位抽取食水樣本化驗。總言之、問題就像忽然之間同時消失了一樣。嗱、呢單嘢分明係有人自己捉蟲。點解有人打鑼打鼓般的把責任賴到講府頭上去的呢、吓？！

紅家輸硬？

造定隻門等你開

別以為我獨當災

三招過後才知痛

若要交鋒放馬來

 當今世上、只有龍族和花族同樣是經濟量超過 10 萬億花元嘅超級經濟体系、是歷史上絕無僅有。這場貿易戰是兩大家族爭霸嘅必然產物、誰也躲不了的。 2015 年喪普參選期間、聲明將會大幅度增加龍族產品關稅。 2017 年花家「家族安全戰略報告」已經將紅家列為戰略競爭對手。翌年花家「閣房安全報告」進一步確認紅家為對手、然後把龍族出產嘅太陽能產品加關稅 30% 、並將會在4年內續步降至 15% 。同年 3 月 1 日花家對龍族進口嘅鋼材和鋁材分別增加 25% 和 10% 關稅。由此看來、喪普是刻意的和有步驟的挑起這場貿易戰、其目的不止阻撓龍族經濟和科技發展、更多的就是搞垮紅家推行嘅新絲綢之路。雖然紅家已有充足準備去跟花家打這場貿易戰、但在喪普對龍族產品開刀時、江湖上出現不少喊紅家服軟嘅聲音。

反盟內訌？

笪鳴反豬肚

劍己冠叛徒

民主不民主

語石乃花奴

近日榕樹頭興起政客講古、其中較為吸引耳朵嘅兩名講古佬就係講術「銀紙行動」嘅前問協大佬鳳劍己、以及講術「病石與花銀」嘅病語石前助理丈笪嗚。兩個故事當中嘅關鍵性人物都是「龍種袋鼠族人」病語石。鳳劍己指病語石同妖蜓聯手迫他放棄參加上次垃圾會主辦嘅填氹擂台大賽、並讓個位出來給獨派代表妖重閹、否則就唱衰佢係㒼主派嘅千古罪人。鳳劍己話、有人主張與獨派聯手奪取垃圾會主導權、從而控制縣府施政。丈笪嗚則揭露他本人當病語石副手期間、得知病曾經收取花家兩個偽民間組織（N依啲和N啲唉）提供嘅花家銀両去做戰中前奏工夫、並且踢爆病是一個點人唔使本而又非常吝嗇嘅偽君子嚟。

打蚊行動

唔踢永唔逳

有蟲亦懶捉

工夫唔去做

有數搏命篤

近日縣府不斷吹風將會展開一項命名為「打蚊」嘅行動、去取締一個隸屬五獨教嘅小集團蚊族社、使得那群獨仔獨女有如面臨世界末日般的喴嘩鬼叫。此時眾痴頭目戇痴瘋立即跳出來同蚊族社劃清界線、免得被隻蚊陀衰喎！黃仔尊貴亦例牌用把口去替蚊族被抱打不平、指責縣府打壓異己和妨礙結社自由喎！嗱、其實由殖民地年代直至大歸後嘅今天、縣府都係打壓結社自由、而且從來沒有改變過。如果唔信嘅話、大可以去問問城中嘅社團兄弟、看看有那一個社唔係非法存在嘅。講真、今次縣府大概係賊佬試沙煲、隨手搵隻蚊出來際旗、下次分分搬埋把「狗頭閘」出來招呼眾痴都有可能架！所以我提醒戇痴瘋、勿以為做而不認就當朝廷唔知。

波斯有難

我要發大財

誰敢踩我台

拳頭打爆石

注定你當災

花家銀子黨大金主主要是從事文化影視產業、互聯網產業、電子科技產業、賺大錢嘅地方就亞洲、由其是神州大地、所以一向堅持將主力放在亞洲挾制紅家。今次銀子黨迫喪普反口同紅家打貿易戰、無非是想令到弄禍黨在中期選舉失票。由於弄禍黨金主是從事石油業的右軚人和軍火商、而利益所在就是中東、所以每當該黨掌權時、中東就會出現死人冧樓嘅事。當喪普上台後便宣布三聖城是意識劣首府、並將花家總代理也搬進去、登時搞到該區幾族人廝殺起來。喪普為着圓其石油出口第一大家族春秋大夢、除咗迫使全世界在十一月四日前停止購買波斯石油之外、並拉攏巴比倫、聚利罅、突劂嘅腐乳得族人聯同匿藏在波斯境內山區嘅腐乳得人一起發動內戰。所以話啫、甚麼民主、甚麼價值觀、甚麼人權全部都是用來騙傻仔的。請問中東人嘅人權究竟是被誰剝奪嘅呢、吓？

乞錢都有問題？

人家搏亂你挑剔

寸盡他人食夾攊

採訪變成大偵破

斷人衣食己無益

 

江湖傳聞、丐幫行乞期間假扮流料波嘅孝子、擺人家幅車頭相出來騙街坊善心。當記者找到十一袋長老常無查詢時、得到嘅答覆係「丐幫從未講過為流料波籌錢」嘅喎！記者話、街坊一直以為丐幫為流料波嘅遺孀流蝦籌措水腳助她往外地去、仲問常無對此有咩補充。常無反駁、流蝦已經被番邦包起咗啦、還有個屁必要在乞兒砵頭𢲡飯食咩！正當記者繼續追問點解要利用流料波張相來行乞時、忽然之間有個丐幫弟子跳出來話、佢哋丐幫非常之仰慕流料大俠、故此封咗佢做乞兒界嘅精神領袖、咁唔得嘅咩？記者登時口啞啞望着常無、而常無就眼矎矎咁瞪着頭頂上的一片天。

此峰不同彼峰

阿峰搵食靠偷雞
有錢唔拎咪使嚟
執起關刀糞裡攪
冚城熏臭犯天威

近日江湖上流傳、埔桔翻艇海難事件當中出現一位年僅三十歲的救人英雄。他是一位內地人、名字叫張皓峰、在海難事件之中讓出救生艇給被他救起的人、而自己就在海上飄浮。雖然他救活了四人、但視作為小事一宗、而且婉拒公司給他十萬元獎金。當我對這位峰哥敬佩不已之際、腦海中忽然也出現另一位峰哥。兩者雖然同叫阿峰、但此峰不同彼峰。講起這位本地峰哥就駕勢喇！佢最鍾意就係向人攞錢。早前佢人稟向巡捕房一哥索償「捕快用手扣搭佢上警車」嘅孖葉費失敗之後、又入稟向監房一哥索償「要佢碌光豬踎地聽監頭訓話」嘅光豬費一萬六千両銀。嗱、攞唔攞到錢暫時未有分曉、但戇痴峰嘅大號又可上頭條喇！免費賣廣告、無笨有精吖嘛！

沒禮貌的客人

當年批我人莽撞

今天遇上喪普狂

地位高低無久遠

惟將被貶當韜光

當年總舵主夫婦攜同千億大單不計千里迢迢到訪英吉裂、居然被事頭婆在背後與其助手形容為粗魯客人。你話嘞、咁嘅待客態度係幾咁卑劣呢？嗱、呢個世界真係有報應架！就在尋日之嘛、花家大佬喪普夫婦到事頭婆家中作客、卻被英吉裂傳媒批評為莽夫。件事係咁嘅、第一、喪普遲到令到一把年紀嘅事頭婆在門口乾企十二分鐘。第二、喪普行近事頭婆時利用其妻梅拉利亞做「卡窿」將自己與主人家隔開、連鞠躬都禮都冇行。第三、在檢閱易腍軍時走在事頭婆前頭、以自己龐大身軀遮住細細粒嘅事頭婆、搞到主客難分。第四、與梅菜山相閣見面時即彈「軟脫歐」計劃係鬼祟冇膽嘅做法、暗喻梅菜山係廢柴。之但係、今次我要撐喪普。

感激喪普？

見穴不打穴

荒唐且劣拙

講到似層層

信否無分別

剛剛聽聞、喪普企圖迫使世貿組織向紅家開刀。消息顯示、目前除咗花家之外、還有楓葉、架仔、歐㒼聯手向世貿施壓、大有非把紅家踢出該組織不可之勢。由此可見、七大工業家族（下稱 G7 ）成員一致對紅家作全面性打壓、係唔關貿易平衡嘅事、而係以打垮龍族高速發展中嘅科技為己任。首當其衝的就是被 G7 視為洪水猛獸嘅龍的 5G 先進技術。因為若讓紅家率先推出 5G 嘅話、紅家就會成為全球十大先進科技（包括人功智能、無人駕駛導航、機戒人等）嘅大龍頭、到時 G7 就淪為塘邊鶴了！因此、呢場並唔止係貿易戰咁簡單、直和係 G7 跟紅家嘅一場全球爭霸戰嚟。

灰熊京的話

一言勝萬千

聽後更心酸

心知無善策

冷淡過幾年

日前沙俄大佬灰熊京向紅家講出一番金石良言。灰熊京指出、如果把人民嘅居住權、健康權、以及受教育權拿去推動經濟嘅話、咁樣嘅政府是一個無良政府。國家不能變成弱肉強食嘅世界、有人擁有大把樓、有人冇樓住、如果搞成咁、管治者應該下台。因為民生問題就是政治問題、這是管治者責任。嗱、咪以為灰熊京空口講白話、沙俄公民人均擁有十八平方米免費居住範圍、即使超過限額收費也很便宜。日常生活用水、包括自來水和熱水等都是免費的。有病睇醫生只須繳交藥費、其它如住院、治療、造手術等、全部免費。教育方面、免學費、教科書由學樣無常提供、校方還向學生提供免費午餐。勞工方面、法律規定任何機構若要大量裁員、必須要在解顧協議前三十日向國家就業局申報、獲批准後才可實行。嗱、呢啲咪係以民為本囉！

老點世界

唔怕算不清

最忌詐錯型

吹水嘴唔抹

誤導世間情

剛剛聽聞已故反紅名人流料波之妻流蝦（以出外求醫為理由獲批准出外就醫）被放逐到番幫去、內地就有學者飛撲出來指、今次放逐流蝦係紅家拉攏歐㒼一起對付花大叔嘅負帶修件嚟喎！嗱、總之紅家每一次放逐離心分子時、都會出現這種講法。但問題係、流蝦何德何能可以令歐㒼為咗佢而改變政策跟紅家聯手付其盟主？別忘記、歐㒼跟花大叔鬧嘅只不過是圍內風波、但係紅家跟花家翻起嘅係關乎兩個家族未來興衰嘅一場大決鬥嚟。試問歐㒼又怎可為一個流蝦而跟黃面佬對付同種嘅白面佬架？何況歐㒼早就發表聲明他們跟花大叔之鬥、與紅花兩家之爭係冇關連嘅。即係一早就劃清界線、紅家亦早就收到。因此個別歐盟成員跟紅家溝通並不代表聯盟、更多的應該係擴大雙邊貿易以減輕貿易戰帶來嘅負面影響而矣！

如此預言家

吹水唔抹嘴

胡言兼亂𢵌

老點少年人

話後去收水

前晚在榕樹頭講壇聽銷預言評論阿紅跟阿花嘅擂台戰前恩後果。據銷預言估計決定呢場仗嘅勝負不止在於人強、更多嘅係誰的兵器殺傷力更大。銷預言話、阿花手持嘅兵器係一柄大關刀、而阿紅拿嘅係一枚木棍、顯而易見係大關刀殺傷力大得多。銷預言話、阿紅雖然睇落孔武冇力、但只係裝出來嚇人的。而然、阿花身懷嘅絕技才是真才實學。除非阿花手下留情、否則阿紅必死無疑。銷預言解釋、當年阿花為着借助阿紅之力去牽制阿蘇、便將阿紅從貧民窟拉到富庶世界裡面去。阿花希望阿紅得到好處之後就會心懷感激、從此以花家為榜樣重新做個好人。殊不知阿紅發達之後唔止自恃財雄勢大欺壓街坊鄰里、仲要搞民族復興。銷預言忽然滿面陰氣地問、如果英吉劣、得乳豬、西崩牙、盤桃牙、耳帶脷、架仔等、個個前侵略者嘅家族都搞復興、這個世界還得了嗎？就係咁、阿花才被迫出手去教訓阿紅喎！

越隱越難隱

地龍賴嘢爆奇觀

則頭擰頸繼續瞞

街坊有如豬仔賣

車前蹆後也一般

空堪地龍站「斷筋」事件越來越詭秘、並引發更多問題。問題一、點解車房部長拒絕接收二判提供嘅有關涉嫌造假罪證、反而喊他直接去巡捕房或打虎部舉報？問題二、點解馬路部轉介往巡捕房嘅資料裡面、並沒有包含二判聲稱嘅有關技術問題和修補建議？問題三、點解二判堅持要巡捕房先立案、然後才肯交出有關證據？問題四、點解尊貴明知請唔逳大判出席議事堂接受查詢、仍然要多此一舉？嗱、以上嘅情況皆令人有所聯想。難道江湖上盛傳、大判涉及嘅大型基建項目之多、以及款項之巨、大到連講府都不敢喐佢係真嘅？

打到來了

勢洶勢又狼

窮燶便發狂

鐵拳講道理

理敗也稱王

花旗連續兩次與波斯境內反對派合作推翻攞蝦尼政權但失敗告終、使得喪普惱羞成怒而宣布退出波核協定、並聲稱將會恢復對波斯嘅經濟制裁。喪普下令英桔劣、法攔犀、德乳豬等盟友撒出在波斯嘅投資、並發出警告任何國家膽敢在十一月四日之後再構買波斯石油就會受到花旗製裁。這亦係意味着、一係天朝棄波斯而構買花旗石油、一係就繼續構買波斯石油而遭花旗制裁。喪普呢兜㕲嘴都可謂又惡死又毒辣咯！

為反對而反對？

有真亦有假

道理靠吹打

事實勝千言

無須多廢話

前任冧巴溫阿狼在任時、曾向惹事堂提交設立創科局議案、卻遭遇到反派瘋狂反對。當時社會上有人質疑、創科是為年輕一代開拓多一條生路有何不好、點解反派硬着要反對得那麼厲害？有人話、反派係反慣成自然。嗱、據榕樹頭講古佬眨眼陳講、件事係另有隱情嘅。眨眼陣話、前朝娛業組之所以經常阻頭阻勢、係害怕創科項目一旦興旺起來就會益咗「隔籬」喎！當時我只當那些話係耳邊風、但如今諗翻轉頭又唔似係吹水嘅。只要看看花大叔點樣迫紅家放棄「龍的製造2025」計畫、就足以證明真係有好多人要阻止龍族復興嘅。

多講嫌譖

太爺飄飄然

失覺發狂言

被人搊後腳

補鑊破曉前

想當年、縣太爺尚未係縣大爺嗰陣時曾經講過、官到無求膽自粗。今日當上了縣太爺、雖然不曾宣之於口、卻以一句「每次見寸媒時、都要先唐後番雙語回答同一問題、簡直係麻煩兼譖氣」來展示佢仍然是膽粗過人的。殊不知、收料人協會嘅發言人忽然飛撲出嚟、兜口咬實縣太爺唔放、並質問佢在衙門當差經年、點解唔知到老番報料社係須要番話紀綠片去發放新聞嘅咩？幸好、咱家縣大爺乃屬天才兒童、漏夜發文認衰、嗱嗱聲將事件降溫。如果唔係嘅話、真係有排被人插架！

得寸進尺

為求開局好

忍讓退一步

落得不同理

遲早上絕路

幾日前、齋講大教館教頭尋㒼掹話、為着迎合社會上嘅須要、人們有權要求講府修改歸本法、給予講獨一個合法嘅地位。尋㒼掹嘅講法、分明係針對着朝廷而叫囂。嗱、佢之所以夠膽成咁、唔係佢英雄不怕死、而係明知死唔去。因為到目前為止、仍然沒有相關法例可以制裁佢吖嘛！否則、畀個天佢做膽都唔敢亂噏廿四。講真、自從呢班講獨教頭知到縣太爺不打算立法廿三兜之後、個個都變得膽生毛。今次嘅叫囂純屬牛刀小試、日後仲有大把好戲上演。大家不防擔定凳仔、霸個頭位、等戲睇啦！