喪普變招

誰比誰更高

笑面裡藏刀

我搞圍威喂

你要眾為奴

喪普向紅家發動嘅貿易戰一開打、就發覺並不如想象中那麼好玩了！現在花家大豆和豬牛等肉類堆積如山、再係咁落去共禍黨必定在中期選舉躀低。喪普一方面大開庫門拿錢出來向農民補貼、另一方面又積極地找尋新買家來代替紅家。於是乎、喪普馬上以撇除所有貿易壁壘引誘歐盟落疊。歐盟反應十分積極、其委員會主席庸克嗱嗱聲撲到花家去見喪普、並得到喪普答應不增加歐盟汽車進入花家嘅關稅、但條件就係歐盟必須跟花家聯手打壓紅家。雖然雙方已經達成共識、但基於喪普有過兩次對紅家毀約嘅紀錄、莫講話歐盟成員唔敢相信狂人不會再次重蹈覆轍、甚至連花家內部都唔睇好今次花歐會面有任何成果的。

喪普係明知到要歐盟代替紅家大量購買花家農產品係唔  work 嘅、因為歐盟廿八個成員裡面、除咗幾個大型經濟體系之外、其它多數是以農業為經濟支柱的、根本上承受不起大量花家農產品輸入所造成嘅巨大衝擊的。別忘記紅家購買花家農產品數目之巨大、並非歐盟可以承擔得起的。其實喪普真正嘅如意算盤、就係要令到歐盟內部各利益集團鬼打鬼、為日後瓦解該組織而打好基礎而矣！因為歐盟成員包含歐洲主要經濟家族、而且嗰班友仔越來越唔聽花大叔枝笛、最近歐盟和架仔居然膽敢背着花家私底下簽定互免關稅協議、喪普當然唔高興。單從表面上睇、喪普與臨盟妥協、係要縮細貿戰帶來嘅打擊面、以及利用六大工業大家族聯手修改世貿嘅遊戲規則來壓制紅家發展之外、同時迫使其它較弱小嘅家族按照花家定下嘅新規則交易、好讓花家友極弱肉強食之能事。喪普所謂嘅花家優先、其實係要全世界都要為花家服務和作出貢獻。嗱、咪以為係在下吹水唔抹嘴、呢個世界出咗一個狂人當花家大佬、根本上就係荒謬絕倫架啦！不過咁、所謂謀事在人、成事在天吖嘛！因此、世事係無絕對嘅、係嘛？！