2018年7月7日星期六

打到來了



勢洶勢又狼
窮燶便發狂
鐵拳講道理
理敗也稱王

花旗連續兩次與波斯境內反對派合作推翻攞蝦尼政權但失敗告終、使得喪普惱羞成怒而宣布退出波核協定、並聲稱將會恢復對波斯嘅經濟制裁。喪普下令英桔劣、法攔犀、德乳豬等盟友撒出在波斯嘅投資、並發出警告任何國家膽敢在十一月四日之後再構買波斯石油就會受到花旗製裁。這亦係意味着、一係天朝棄波斯而構買花旗石油、一係就繼續構買波斯石油而遭花旗制裁。喪普呢兜㕲嘴都可謂又惡死又毒辣咯!

波斯大教王哈梅內醫已經下令重啟關閉長達九年嘅核電站、並在有必要時封鎖霍以木之海峽、堵塞中東石油出海唯一通道。這顯示波斯為着要維護本身利益而重啟核武和不惜與白番一戰。但此舉亦中正喪普下懷。因為當波斯重啟核子活動時、英、法、德三國亦退出伊核協議、以及跟隨花旗一起製裁波斯。花旗一定會像對付巴比倫和利比罅一樣找個莫須有嘅罪名出來加之於波斯身上、然後糾眾圍毆波斯的。番邦在利字當頭嘅大前提之下、必定會齊齊附和花旗將歪理講成真理、待打垮波斯之後瓜分其石油利益的。

花旗輸出嘅顏色革命成功搞垮委內睡奶石油產量、只要將波斯也搞垮埋嘅話、唔止能夠主導全球石油價格、還使得世界對花元須求量亦大大增加、花元霸權便得以維持下去。喪普肯定計算過、如果能夠摧毀攞蝦尼政權、就可以扶起另一個聽使聽用嘅新政權、那就無後顧之憂。注於天朝喇喎、斬斷委內睡奶和波斯兩條主要油管、就能夠天朝其石油輸入量頓減50%或以上、足以打擊天朝經濟發展、加上主流石油控制大權落在花大叔手上、天朝想唔挨貴價石油都幾難。假如能便得神州經濟大倒退、而令到人民搵食艱難嘅話、社會怨氣就會急升、顏色革命就會有用武之地。只要紅家一倒下、天朝便瓦解成為多塊。到時花旗便可以主宰整個亞洲、甚至全世界了!由此看來、接下來嘅應該輪到貨幣戰出場了!

嗱、數就係咁計、夠竟係真唔係就面睇過至知。總言之、對於天朝來說、這回是世紀大考驗、且看閘王有何反制手段矣!

16 則留言:

  1. 用科技2025打紅家,實際而有效(如果得的話)。
    用貴油打紅家,又會養返肥大灰熊,醫得頭來腳又痛。
    今次禁買波斯油,紅家一定唔聽話,又睇下花家會唔會出到禁用美元呢招!
    可能未禁,紅家已經用左自家人仔去買油。

    回覆刪除
    回覆
    1. 就係因為你所講嘅第二個理由、喪普用盡方法都要跟灰熊京會面、畢竟大家都係白番吖嘛!注於傾唔傾得掂、就要後回分解喇!禁油除咗吊起紅家之外、選牽連歐盟、係就係要睇睇白番嘅態度、但紅家已經向委內睡拉加注、希望能救一救阿委、亦幫一幫自己。其實喪普跟紅家都有打貨幣戰嘅意圖、真係要睇過至知到最後塵死誰手矣!

      刪除
  2. 睇嚟花旗國一路以來的策略和攻勢,真係如此陰謀狠毒! 中東都被他們無故攻打,不但炸到伊拉克(巴比倫)屋毀人亡,成為頹垣敗瓦;古跡都被摧毀無存,外國的考古學家都大感可惜!
    希望紅家奮勇抵抗,不致喪權辱國。

    回覆刪除
    回覆
    1. 花大叔一向發嘅係戰難財、自二戰之後地球上無論是顏色革命、又或是每一場都離不開花大叔嘅身影的。表面上睇、紅家完全是被動、但實際上並唔係咁嘅。花大叔有氣難伸、惟有發爛渣。我唔相信以閘王這類咁穩重嘅人物會輕率焫㷫花大叔的。呢場是必來的仗、我相信紅家一定早就有部署。注於贏輸就要睇過至知喇!

      刪除
  3. 勢洶窮燶便發狂
    鐵拳理敗也稱王

    回覆刪除
  4. 「花旗便可以主宰整個亞洲、甚至全世界」,睇時間尚早,未入夢鄉,佢發緊是白日夢。

    回覆刪除
    回覆
    1. 當下天朝嘅形勢猶如踩鋼線、但願天佑龍族奮勇闖過無一關。

      刪除
  5. 眨吓眼時間過得好快╠╣aΡpy週日👀
    ✨✾☾*。๑💫好友🌜晚安喇喂🌛☁
      ╭───────╮✬
      │瞓覺豬呢💤│
      ╰───────╯★
    ╭───────╮
    │甜夢安睡💤│
    ╰───────╯º°¨⊹
      ❉🌟
       *
     .∧_∧・。゚☆
     ( ・ω・ )
     |⊃/(___☘
    /└-(____/♬♪♫♩
    ღೋგஜ✿۩۞۩❀ഐ

    回覆刪除
  6. 咁搞法,容乜易仲多國家去發展核能?

    回覆刪除
    回覆
    1. 花大叔本來就想紅家周邊都被核彈包圍的。

      刪除
  7. 喪普同盟友關係大不如前,有事鍾無艷,無事夏迎春,歐盟會諗清楚,無以前咁蠢,郁吓就幫拖。

    回覆刪除
    回覆
    1. 對的、喪普似乎係六親不認、但在對付紅家快速發展嘅新科技方面、例如 5G 咁、必定會企埋在同一陣線上的。因為這不止威脅花家利益、而係整個白番世界。

      刪除
  8. 域Sir,睇怕兩敗俱傷,唔會打得幾耐。

    回覆刪除
    回覆
    1. Wai兄、你講得啱、遲早都要坐番埋一齊再傾過。

      刪除