為反對而反對？

有真亦有假

道理靠吹打

事實勝千言

無須多廢話

前任冧巴溫阿狼在任時、曾向惹事堂提交設立創科局議案、卻遭遇到反派瘋狂反對。當時社會上有人質疑、創科是為年輕一代開拓多一條生路有何不好、點解反派硬着要反對得那麼厲害？有人話、反派係反慣成自然。嗱、據榕樹頭講古佬眨眼陳講、件事係另有隱情嘅。眨眼陣話、前朝娛業組之所以經常阻頭阻勢、係害怕創科項目一旦興旺起來就會益咗「隔籬」喎！當時我只當那些話係耳邊風、但如今諗翻轉頭又唔似係吹水嘅。只要看看花大叔點樣迫紅家放棄「龍的製造2025」計畫、就足以證明真係有好多人要阻止龍族復興嘅。

一直以來、社會上對於反派媚外嘅傳聞視之為陰謀論。之但係、自從老番搲爛塊面、對紅家做出一系列道理講唔通的舉動（例如派遣戰船和戰機到南海並非甚麼航行自由、而係要迫街坊軍撤出南海。打貿易戰非為貿易、而係要摧毀紅家科技發展。）使得事情漸漸清晰起來。由其是豬八萬在惹事堂公開誣陷紅家在南海恃大欺少、反派群起反對設立科技局議案、反對一站兩份等事例看來、難免令人有所連想的。華大教館內反紅門生會代表與三名架仔反紅代表在教館內闢室密斟、反派尊貴代表跑到抬島與五獨組職結盟等一系列事情、今天都得到了合理解釋、只係有部人黃毒上腦嘅人仍然死牛一邊頸、寧願自己呃自己都唔肯去面對現實而矣！仲有呀、那條見鬼嘅廿三兜大法一經立法、莫講話外來黑金、甚至連本土黑金都要在陽光底下現出真身、呢枚炸彈一旦爆起來、唔止死得人多、甚至連屍骸都冇埋架！照咁睇嚟、將廿三兜大法加上封印係啱嘅、免得搞到天翻地覆吖嘛！嗱、咁咪幾好、一切照舊、大眾無憂吖嘛！