比油更滑又骨多
敵我同心拍住拖
聖旨到來燒壞瓦
聲聲遺憾事多磨
呢嗱、白番今次替全城街坊話畀縣太爺知、不確立廿三兜是無法管治好罪惡城的。事實上、縣太爺除咗對港毒表示遺憾之外就再無下聞。今次縣府要禁止分離主義團體蚊族社在城中嘅一切活動、外來嘅外國妓者會所(簡稱:外妓會)公然邀請蚊族社社長神嚎癲到該會演講。當消息傳出街之後、過氣縣太爺施歪、以及外交部派注本城嘅尊員齊聲譴責。然而、縣太爺只係循例講一聲遺憾、另加一句唔適合、咁就打發咗佢哋。坦白講、如果呢單嘢發生在白番國度之內嘅話、人家唔將那群外來妓者當間諜咁拉才怪。如果今日本城落實咗廿三兜嘅話、那群外妓何來放肆餘地?縣太爺講得啱呀、真係遺憾架!問題係、呢啲遺憾究竟係誰人一手造成嘅呢、吓?!
大歸已經過咗廿年、老番插手城中反政府行為從來冇間斷過。雖然第四任縣太爺將一眾匿藏於大教館嘅港毒分子都迫咗出嚟、但佢自己亦冇得再留底。當第五任縣太爺上任之後、馬上推行大傻解三步曲。第一步、將廿三兜束之高閣。第二步、撕開法網把一眾政治黑金疑犯全部放生。第三步、向暗毒幫會豪擲白銀三萬兩作為揸手費。有人質疑、點解每一步都是利黃而不利其它?坦白講、我都好想知顧點解。唔止咁、縣太爺還展示其打得特質、每當朝廷派遣特使前來催促佢擺治妖法擺上台、就以一句「時機未到」把命令擋回去。世界上本性難移嘅人雖然多的是、但白鴿會在年頭收完厚禮、年中就企圖將屋邨住戶自己捉蟲搞到自飲鉛水單嘢駕禍畀縣府、確實難睇之極。仲有呀、早前被傳媒踢爆地龍站工程造假、剛剛又踢爆輕龍軌道沉降事件、總之無論是速龍、地龍、輕龍都被發現諸多唔掂。但又有咁啱得咁橋、此時就有人提出禁制蚊族社活動、而外妓會又史無前例的將神嚎癲擺上台有咁大玩咁大、成功吸引全城眼球。否則、在公眾全神貫注在三條龍嘅畸屎之下、縣太爺唔煩死都被氣死啦!難怪三叔都公話、神嚎癲今次被運用得恰到好處啦!
我都好唔明白點解阿爺選縣太爺次次都選錯,其實佢哋唔係冇得揀㗎?
回覆刪除呢個問題真係考起在下了!我都想知到答案。
刪除罪惡城係個大型示範單位,畀紅家睇到白番各個動作嘅反應和影響,於是神洲大地就可以避免重蹈覆轍。
回覆刪除只要保住神洲大地,反轉左個罪惡城,對紅家都係影響輕微。
如果係咁、呢招可能行得通的。
刪除遺憾 遺憾 只有再遺憾,真的很無奈!
回覆刪除此乃本城獨家怪現象、別處找不到的。
刪除城中一姐好像被人“河蟹”咗,等收工食長糧。
回覆刪除世界上有些人專抓人痛腳嘅。例如家花「師奶 A 」、當年係佢哋㧻爆南寒一姐撲緊水嘅。
刪除擾攘就係香城特色,我依家都睇慣咗,無乜反應!
回覆刪除對、此乃習以為常吖嘛!
刪除油滑又骨多
回覆刪除敵我同拍拖
聖旨燒壞瓦
遺憾事多磨
油又多
刪除同拍拖
燒壞瓦
事多磨