2018年7月21日星期六

紅家輸硬?



造定隻門等你開
別以為我獨當災
三招過後才知痛
若要交鋒放馬來

 當今世上、只有龍族和花族同樣是經濟量超過 10 萬億花元嘅超級經濟体系、是歷史上絕無僅有。這場貿易戰是兩大家族爭霸嘅必然產物、誰也躲不了的。 2015 年喪普參選期間、聲明將會大幅度增加龍族產品關稅。 2017 年花家「家族安全戰略報告」已經將紅家列為戰略競爭對手。翌年花家「閣房安全報告」進一步確認紅家為對手、然後把龍族出產嘅太陽能產品加關稅 30% 、並將會在4年內續步降至 15% 。同年 3 1 日花家對龍族進口嘅鋼材和鋁材分別增加 25% 10% 關稅。由此看來、喪普是刻意的和有步驟的挑起這場貿易戰、其目的不止阻撓龍族經濟和科技發展、更多的就是搞垮紅家推行嘅新絲綢之路。雖然紅家已有充足準備去跟花家打這場貿易戰、但在喪普對龍族產品開刀時、江湖上出現不少喊紅家服軟嘅聲音。

 花家講數團帶着壓倒性姿態到紅家講數、可惜反而吃了紅家派嘅檸檬。經過幾番商討之後、雙方達成不打貿易戰嘅協議。但喪普忽然反轉豬肚打響第一槍、貿易戰從此刻開打。喪普一心想着秒殺紅家、並迫閘王就範。但他似乎算漏咗龍族產業廣度方面共有 39 個大類、 191 個中類、 525 個小類、是世界上唯一擁有聯合閣產業分類中全部工業門類嘅家族、亦是世界上唯一的一個全面性工業体系、就算遭受花家及其盟友制裁、龍族仍然有能力以本身生產力去填補市場須求。因此、若以一般算式去計算紅家成敗、顯然是計錯數。紅家絕對有條件去打一場持久戰、並利用時間去拖垮對手。事實上、貿易戰拖得越長久、花家當權者越吃不消。喪普滿以為不斷加注、就可以迫使紅家投降。明顯地、花家參議堂並唔係咁諗、所以通過一條限制一哥嘅關稅權力議案、免得喪普帶領花家掉進持久戰嘅陷阱去。花家中期選舉快將到來、並關係到參眾兩堂嘅席位和 37 個州嘅州長之位、打贏貿易戰是關係到大財團利益、而壓倒紅家就是執政黨最大得着、相反就是死路一條。這場仗是不為人類意志轉移、無論由誰來當花家一哥都不會改變的。在龍族復興嘅大前提下、紅家只能奉陪到底。花家要打幾耐就陪它打幾耐、絕無退縮餘地的。

17 則留言:

  1. 花家要打幾耐就幾耐
    紅家絕無退縮餘地的

    回覆刪除
  2. 域Sir,當奴侵估錯對手,對手唔係日本仔/歐盟,睇怕佢想再連任都幾難咯。

    回覆刪除
    回覆
    1. 此君係自大狂、以為全世界都係佢馬仔。恐怕今次踩中地雷咯!

      刪除
  3. 大陸在五窮六絕時,美俄合力幫助南韓、南越、印度夾攻都不能成功!
    如果以為現在經濟上想整死中角,好像有些流於妄想。
    其實如果冇咗大陸啲平價貨,花國人民都好唔掂,除非有政府派錢。

    回覆刪除
    回覆
    1. 就係大陸衰過一段頗長時間、連那些假講人都唔習慣環境轉好、先至會出現咁多看更之嘛!

      刪除
    2. 那些假港人完全沒有歷史知識,漠視龍騰飛躍,一味以為“外角”一定好!
      他們不要東江水,或要請外國保護駐軍,這樣就加重了全港的經濟負擔,就會拖垮香港!
      這些「看更」太無良!

      刪除
  4. 我唔識經濟,但以紅家有十幾億人,消費力比任何國家都強,而美國則以產品外銷謀利,貿易戰打落去,我睇唔到花家有乜優勢。

    回覆刪除
    回覆
    1. 冇辦法架、喪普內闆九成九都係仇龍派、佢哋一心以為擺平呢係巨龍、其他嘅二打六就不敢反抗。只係沒想過會事與願違之嘛!

      刪除
  5. 紅家擺開個陣勢,係退無可退,唔打唔得,冇路走。
    家中各族人等,捱下貴價野,食少啖飯,亦係無可奈何,唔會走出來反家長。

    花家擺開個陣勢,係大石砸死蟹,一定砸死你,非投降不可。
    點知砸人唔死,家中各人反而荷包縮水,日子更難過,係邊個累嘅呢?

    回覆刪除
    回覆
    1. 紅家擺出嚟嘅係一盤圍棋、花佬只曉班小包圍、但紅家部署嘅係大包圍。喪普錯在把閘王視作為撲克高手、其實閘王係棋藝高手才對。就快見真章了!我哋等戲睇啦!

      刪除
  6. ☾*。。💫好友🌜瞓覺呢☁。゚๑🌛
    🌟開心萬事得╠╣aΡpy週曰✨
    ╔══╗────╔╗╔═╦╦╗─╔╗╔╗♦
    ║╔═╬═╦═╦╝║║║║╠╬═╣╚╣╚╗☆
    ║╚╗║╬║╬║╬║║║║║║╬║║║╔╣★
    ╚══╩═╩═╩═╝╚╩═╩╬╗╠╩╩═╝✬
    ──────────────╚═╝晚安º¨⊹

    回覆刪除
  7. 花家人多聲雜,一時呢樣,一時嗰樣,神經佬主政,天天新款,目的是要將龍族打回原形,今非昔比,龍族冇咁容易屈服,睇住黎啦。

    回覆刪除
    回覆
    1. 對的、花家兩黨唔止唔協調、仲想搞死對方才過引。因此今次之戰唔止係貿戰、而且還牽涉到意識形態方面嘅優劣。西方嘅矛盾就係、既想打破貿易霸權、又怕紅家獲勝吖嘛!

      刪除
  8. 全世界都想跟紅家做生意,假設紅家話減少同花家做生意,你估喪普會點呢?

    回覆刪除
    回覆
    1. 紅家已紅把生意分散到其它家族去、避免太過依賴花家。花家亦以紅發覺唔對路、只係為時已晚。

      刪除