陳司機自打自摑

司機姓陳名實滾

支持發誓喫腸粉

依經直講風涼話

騙完嘩鬼騙天神

開講都有話、你在睇住人、人在睇住你。當日你覆劾人嘅時候講公平、公開、公正。今日人覆劾你嘅時候亦講公平、公開、公正。因此、呢件事係平等嘅。既然係咁、仲有乜鬼嘢值得嘈喧巴閉呢？呢嗱、退休後感到又寂寞又凍嘅天爸會嘅過氣教車師傅「綽號司機大主教」陳實滾、亦忍吾住飛身撲出嚟加入嗌咬行列。佢劈頭第一句就質問、點解揸拂堂咁夠薑、將12萬幾張選票當冇到？第二句問、人們是否知到街坊對司法信心已失？第三句問、點解冇選民上街抗議？第四句問、在其它地方早已暴動、點解罪惡城仲係咁太平？

喂喂、實滾伯、唔該你先停手、勿再一巴一巴咁摑自己塊面、會痛架！知嗎？我話過你知啦、你嘅問題答案只係一字咁淺架咋！第一、冇人當12萬幾張選票冇到嘅、只係六判爺要大家知到、黑心狀師所講“不守戒、不等同不尊重戒律”係呃人嘅、所以在宣誓時違反法規係要受懲罪。第二、街坊當然對司法嘅信心產生動搖啦、事關黃亂一案已經超過兩年多、而你班罪魁禍首依然逍遙法外吖嘛！第三、你千祈唔好遷怒於12萬7千個唔肯上街抗議嘅選民、因為佢哋都不知幾後悔選呢幾條廢柴出嚟丟人現眼架喇！第四、暴動唔係你想爆發就爆發架、就算你去求天爸都冇用。因為人人都親眼見到、係佢哋作繭自縛、抵死有餘吖嘛！喂喂喂、實滾伯、你咪淨係掛住耷低個頭、一面噏、一面拼命眨眼至得架、唔該你擔番高啲個酸薑蕎、望望周圍環境先到知到人家對你講話嘅反應嘅。你見到嗎？啲人走清光喇！你嗰套、家陣啲後生仔係唔 buy 架喇！不如疊埋心水返歸弄酸為樂仲好啦！吓、冇孫？唓、我係叫你唔好淨係掛住耷低個酸薑蕎、而係去買糖、子薑、蕎頭、同埋兩埕米醋返歸浸醃酸薑蕎頭、然後留番畀自己慢慢嘆呀！明嗎、吓？！喂、你點呀？聽唔聽到我講乜呀？喂… 喂… 實滾伯… 你冇嘢吖嘛？！吓、你見到八叔、佢仲話等埋... 邊個話… 吓？喂…喂…有冇人呀… 唔該幫手打電話叫十﹏ 喂﹏ 喂﹏﹏ 喂﹏﹏﹏ 喂﹏﹏﹏﹏ 喂﹏ ﹏ ﹏