2017年7月31日 星期一

反盟變爛盟



反盟變笨狗
死剩一把口
學人玩爛相
往後聽揸兜

白鴨幫為着配合某大狀棍所謂嘅“別走入西狗站、否則會被人拉入站內以大圈法整治”便盜用高麗電影「屍殺列車」片段並配上粵語對白、展示街坊軍是一群喪屍、一見到街坊進入關卡就會追着𠻹咬。在下見唔到咁嘅宣傳手法能對街坊起到反一地兩檢作用。但我卻見到白鴨幫已經到咗人才凋零嘅困境了!其實佢哋應該得清楚、但凡有料之士都不會加入一個低B組織的。由其是當這個組織一下子便失去了大幫風範嘅時候、顯示出其前途已經開始倒數了!日前反盟主辦嘅反一地兩檢大遊行、參加者只有十幾人、而採訪記者人數更加多、已經可見一斑矣!

2017年7月29日 星期六

壽星公吊頸


我勸你不走
繑口又劖手
心餘力不足
遲早要倒嘔

經過一個多月忍耐和頻密警告、世人都知阿星非法踩入龍家地頭“垌塱”賴死唔肯走。阿星話、龍家在垌塱區建公路對象家安全靠成威脅、並揚言除非龍家退兵兼放棄造路、否則寧戰不退。西方雖然知到是阿星理虧、但花大叔卻帶頭喊雙方先退兵、然後和平解決紛爭。喂、要退亦只有踩咗過界嘅阿星退、點解要拖埋龍家落水?其實蕃幫都不知幾想看看龍家軍究竟能不能戰、而戰鬥力指數又是若干?呢啲先至係蕃邦想見到嘅嘢。既自悲又自大嘅阿星、死冇料又死要面子、忘想將龍家軍打個稀巴爛、真係唔知好嬲定好笑咯!然而、另一邊嘅街坊軍又確實超過半個世紀未跟人交過手、理論上係須要一場勢均力敵嘅戰爭來作考驗。龍家水域一帶嘅鄰居、大多數拉攏蕃邦踩過界非法開採天然資源、所以龍家是須要一場具相當震撼力嘅戰爭來顯示一吓實力、以收威懾之效。

2017年7月28日 星期五

由一地兩檢講起



清主無能棄香江
巨龍碧血已遺忘
百年分隔今朝聚
六親唔認愛蕃邦

高速地龍嘅工程快將完成、但一地兩檢依然未講掂數。反盟力指一地兩檢違反歸本法、無論揸拂堂點樣去解釋都冇得傾。眾所周知、一地兩檢純緒是為方便乘客而設。例如米旗倫都嘅的姓潘黑拉絲火車站設有罰躝西法關卡、而罰躝西嘅爸都北站亦設有米旗關卡、目的就是方便乘客。人家兩個不同家族尚可如此、唯獨是反盟一味阻撓。難怪有人話、反盟反對的不是一地兩檢、而迎蕃拒龍。君不見、無論是軍營選址、高速地龍、雞場三跑、西狗博館、講豬馬橋、通通都逃不過反盟嘅丟難、甚至連租地給大圈作為關卡都被解讀為割地賣城、近來仲群起四散拼命抹黑紅家會、擺到明係跟着花大叔對付龍族嘅步伐睇齊。在黃亂期間有人指出、反盟嘅表現已經不再是從前的那個理性以及和平嘅反對組織、而係蕃邦細作。當時我還是不以為然、但看見今日嘅情況不由我不相信、因為佢哋嘅言行就是鐵證。

2017年7月26日 星期三

其身不正點樣教人



政治妖人確恐怖
累到人皆嘔白泡
鬧來鬧去誤將來
鬥去鬥來輸大數

前講大教館學徒會會長陰敬鳳、因鼓動大教館學徒圍堵長老會成員、而被控在公眾地方搗亂罪成、目前正等後六判爺判決。據講、判入冊受靶嘅機會很高、而陰敬鳳亦聲稱其教頭好夢做不成了!嗱、我唔係打落水狗、更唔係講風涼話、我只係覺得陰敬鳳當不成教頭係本城下一代之幸。試想、陰敬鳳不信守保密承諾、將教委會保密會議內容外泄、而事後還要發動學徒非法圍堵長老會成員、甚至不准救護車進入館內救人、如果此人當上了教頭會教出些怎麼樣嘅徒弟出來呢?今日既教頭之中大不乏像陰敬鳳這類人、所以才會教出那麼多信奉「不守戒並不等同不尊重戒律」嘅年輕人出來。請看看、當下城中有批人為那幾名在宣誓期間作出不當行為而被DQ嘅垃圾會尊貴發動反DQ抗爭、就已經是違反法治和不尊重法律嘅鐵證。請問一聲、究景人們還要不要堅持在法律面前人人平等?

2017年7月24日 星期一

陳司機自打自摑



司機姓陳名實滾
支持發誓喫腸粉
依經直講風涼話
騙完嘩鬼騙天神

開講都有話、你在睇住人、人在睇住你。當日你覆劾人嘅時候講公平、公開、公正。今日人覆劾你嘅時候亦講公平、公開、公正。因此、呢件事係平等嘅。既然係咁、仲有乜鬼嘢值得嘈喧巴閉呢?呢嗱、退休後感到又寂寞又凍嘅天爸會嘅過氣教車師傅「綽號司機大主教」陳實滾、亦忍吾住飛身撲出嚟加入嗌咬行列。佢劈頭第一句就質問、點解揸拂堂咁夠薑、將12萬幾張選票當冇到?第二句問、人們是否知到街坊對司法信心已失?第三句問、點解冇選民上街抗議?第四句問、在其它地方早已暴動、點解罪惡城仲係咁太平?

2017年7月22日 星期六

殺隻雞啦



南海冇玩家
來隻大笨叉
老蕃打橫來
舊藥照翻渣

嗱、花家前大佬奧黑馬在南海打橫行足足六年、結果班南亞仔還是跟龍家簽訂「行為守則」、連被慫恿向海牙偽法庭入稟控告龍家嘅賓仔都已經回頭是岸、跟龍家有商有量。雖然花家新大佬喪普繼續奧黑馬遺志在南海搞搞震、但只聞雷響聲、不見雨來臨。正當南海稍為太平之祭、花家家務卿砌勒心麾下嘅懦夫石油公司與安南仔合作、闖入龍家水域非法開採石油、而被龍家軍驅逐反安南。今次是砌勒心當上花家家務卿之後其麾下公司首次在南海被龍家軍驅逐、加埋在他上任前的一次合共兩次。那就難怪花家裡面總是有人喊打龍家啦!但喊打係冇用嘅、所以面對着「新思之路」威脅嘅喪普無時無刻都在諗計對付平大大的。

2017年7月21日 星期五

棋屎現形記



若要人不知
除非己莫施
世途多險惡
人精愛扮豬

呢嗱、反盟係乜嘢貨識、在剛剛玩完嘅垃圾會撥款會議之中全部顯現晒出嚟。反盟為着向公眾展示拉布大無畏精神、便一口氣提出廿多項動議、一心諗住亂制派又會如往常一樣提出反對嘅。殊不知今次亂制將計就計、一於幫手將匹布有咁長拉咁長。當反盟意識到如果繼續咁玩落去、必會連累三十六億兩銀子洗腦新資源撥款都被卡死、到時就會令到孽猿(反盟在洗腦界嘅代表)成為危害洗腦界利益嘅千古罪人。反盟為着要保住孽猿、惟有面懵懵咁主動提出放棄多項動議、並迅速通過擋在前面嘅一系列議案、從而讓洗腦撥款也順利過關、但隨後嘅五項仲要撥款“包括公人加薪”都被卡住、要等到十月放完暑假之後才再議。嗱、反盟今次很清楚告訴大家、佢哋嘅所謂拉布係對人而非對事的。今次反盟嘅幼稚和任性又令到佢哋多欠街坊一筆重債、相信唔使幾耐就要還了!

2017年7月19日 星期三

魔鬼交易做不得



叫價似真不是真
此君從來係靠𧥺
講完屁話則則膊
搞寸江湖累眾人

正當被叮四人組為冇水上訴而惆悵之際、黃亂吹雞人妖蜓又跳出向揸拂人喊價、稱聲以“免除被叮四人組交付官司債、以及免除償還已支取嘅薪金、在四個月內進行補選、不得在補選前修改議事規則、不得在補選前通過廿三兜等具爭議嘅議案、不得再覆劾其他身有屎嘅尊貴”作為反盟與揸拂堂修補關係嘅條件喎!嗱、妖蜓開出嘅條跟一個屎氹無異、就算浸唔死都被臭死啦!係嘛?!如果揸拂人照做、就是以其權力推翻公正堂嘅判決、即係凌架在法律之上。咁你話死唔死?講開又講、寬鬆處理向來都是為鼓勵那些知錯能改嘅人而設的、注於那些咎由自取還要委過於人嘅頑劣之徒係冇資格獲得的。話說回來、從妖蜓這類反口復舌兼自私自利嘅人看來、係唔會花時間去做利人而不利己嘅事。因此、今次佢嘅喊價動作、顯然係醉翁之意不在酒。

2017年7月17日 星期一

勿再累街坊



紅氣騰騰震香江
反盟失策更彷徨
講毒變成燒壞瓦
愛人追殺到洪荒

嗱、開講都有話、冤有頭、債有主吖嘛!意思即係話、自己闖出嚟嘅禍就要自己去承擔。之但係、罪惡城反派一向都唔 buy 呢套。佢哋最叻就係、闖禍之後就拍羅友走人、而讓街坊埋單。戰中如是、怒火開年如是、今次玩誓四蠢被DQ亦唔例外。據反盟傳遞出嚟嘅訊息顯示、他們將會在議事堂內採取不合作態度、以顯示對四蠢被DQ嘅不滿。嗱、你班友玩還玩、千祈咪再累街坊。上周六本來要通過嘅教育界撥款議案、就係因為反盟與敗訴後嘅DQ四蠢在議事廳聯手搗亂而遭腰斬。如果在嚟緊嘅周三再唔通過、撥款就要等到唞暑後復會再議、但撥款是不設追溯期、即係話所有學生嘅津貼都變成水瓜打狗、唔見咗一截。嗱、假如反盟利用自己嘅空間營救DQ四蠢絕無不妥、但利用拖慢議事進程為手段累街坊是絕對不能接受的。反盟今次嘅做法唔止係過份、直程係可恥。睇嚟、反盟在街坊心目中嘅形象、恐怕又要衰多幾錢重咯!

2017年7月15日 星期六

早知今日何必當初?



當時霸道恃人多
今日躀低嘆奈何
顧得東晴西又雨
遇人唾罵當聽歌

呢嗱、自從玩誓四蠢(常無雄、羅三七、樓小曳、腰痛炎)被公正堂判失去尊貴資格之後、政壇上就有大拃烏繩曱甴走出嚟狂抽落難水。剛啱有壇叫明凸章嘅學者雞跳出嚟話、今次嘅判決是受到人地釋法影響。嗱、呢點算佢講得啱。之但係、佢話「坊間之前可以接受嘅宣誓方式、現在變得不能接受」分明有誤導街坊之嫌。學者雞講緊嘅係「坊間接受」而唔係「法律容許」、所以要小心聽清楚、千祈咪被人家嘅語言偽術誤導呀!其實學者雞十分清楚、法律係絕不容許嘅。據我所見、除咗反紅反上腦一族之外、普羅大眾都不認同宣誓可以係咁兒戲嘅。試問當宣誓嘅莊嚴受到破壞之後、還有啥意義?然而、有人裝傻扮懵亂噏廿四、無非係為咗𧨾街坊捐錢替佢哋鋪鑊而作出宣傳之嘛!加陣啲學者雞有政治冇道義、並顛三倒四般的去混淆大眾視線、到咗呢個時候仲信佢哋嘅話、咁就真係「自作業、不可逭」啦!係嘛?

2017年7月14日 星期五

信妖蜓者即死



妖人發噏風
遲早被送終
記得睇路行
有個大咕窿

前幾日在噏風會聽妖蜓講、只要反盟能夠控制驅異會和垃圾會嘅話、就可以在本城揸拂嘅喎!嗱、在下實在想唔通、以目前這但小圈選舉制度、反盟到底憑乜嘢本領、使得小圈選委乖乖的抬佢哋嘅代表上台。妖蜓呢兜㕲嘴梗係當紅家會係流嘅咩都未定喇?嗱、妖蜓明知到罪城是誰家天下、依然敢膽妖言惑眾、當然係居心叵測架嘞。坦白講、係人都知到倘若驅垃兩會被反盟操控嘅話、總舵必定會加強對本城嘅鉗制、到時只有變河蟹嘅份兒。既然係咁、點解大妖蜓又會散播呢種狗屁不通嘅言論呢?其實此妖係要蠱惑那群沒頭沒腦嘅毒仔毒女、拋個身出來參選、旨在搗亂香江而矣!

2017年7月12日 星期三

切勿走入單程路



既是低能又要威
要求爛笪不依規
口講冇做唯威喂
敲槓不成又亂嚟

白鴨幫長老𤓓自講當上奴工福水部部長、未見到有人反對、而洗腦聯會副會長脆弱連被委任為洗腦部副部長卻被視為對反派價值觀構成衝擊而遭受反對。揸拂人冧井在回應時聲稱、她只會量才用人而不會計算其政治背竟。反派聞言後勃然大怒、並揚言要號召洗腦協會所有會員走出嚟同揸拂堂炒大鑊。嘩、阿哥、使唔使惡得咁交關呀!加陣連蕃鬼佬都可以坐在咱家公堂上當六判啦、點解堂堂正正嘅龍的傳人居然唔可以擔任區區副部長之職呢?你班友霸道成咁、難怪城中嘅洗腦界和絲髮界都被你哋霸晒嚟玩啦!咁算係乜鬼嘢公平、公開、公正啫?呢啲簡直係封閉和壟斷就真啦!喂喂、咪話我靠嚇、有衰你哋衰就好喇、千祈咪將班細路哥都帶埋入單程路、事關此乃死路一條。

2017年7月10日 星期一

黃思講錯電台



妹仔坐上主人頭
簷前滴水也倒流
撒賴民間多齮齕
不謀向善聽揸兜

話說在六月卅日(周五)黃昏、冇記公仔箱台臨時抽起講錯台那個「太后與太監」嘅黃思節目、改為重播紅家會總舵主首次到訪罪惡城嘅講話、並將餘下十五分鐘時間加插講風水片段、然後按正常時段播散新聞報導。殊不知咁就得罪咗黃思節目話事人五萬二、而備受質疑抽調是具政治目的。冇記聞言後㷫過焫雞、於是大聲反問五萬二、對於普羅街坊來講、究竟係總舵主講話重要、抑或係佢個節目重要?冇記發言人強調、由於總舵主講話完畢後剩只下十五分鐘就到新聞報導時間、是不足以播放完整個「太后與太監」節目、惟有臨時擺一個十分鐘左右嘅講風水片段攝檔。發言人還說、當下講錯台覆蓋嘅地域範圍已經跟冇記公仔台完全一樣、根本再冇必要佔用商辦公仔台嘅空間的。

2017年7月8日 星期六

勿將草當寶



人云己又云
注定斷親朋
明珠失亮勵
自己也失魂

繼花大叔在南海顛倒事非、將紅家會描繪成地區惡霸形象之後、又輪到千古罪人肥彭跑到印傭幫地頭、拿罪惡城來做話柄、指責紅家會違反五十年不變誠諾、仲喊所有南亞幫會都不要相信紅家會。由此可見、西方蠻夷眼見龍族復興得如此快速、就擔憂到屁滾尿流。米旗大嬸眼見契哥花大叔在南海橫行咗六七年、仍然不能擺平紅家會、於是出機票兼包食宿、邀得本城數名政治小丑輪流過大洋唱衰罪惡城、並以此為藉口抹黑紅家會、以及號召亞洲米旗聯邦成員與架仔聯合起來找紅家會麻煩。江湖傳聞顯示、罪惡城嘅米旗餘孽和二五仔集團已經做好出繫準備、當前只等待着一個命題和一個命令。雖然江湖流傳、喪普會關上揼水人罪惡城嘅嚨頭、但慣於掹衫尾嘅二五仔卻從來擔憂過、原因就係曉得打算盤嘅人、都絕不會放過本小利大嘅生意喎!

2017年7月7日 星期五

認罪博甩身


真亦假時假亦真
開言負責博甩身
街坊痛罵無反應
法外講情犯眾憎

黃衛兵頭目淫酷龜、以及戇痴瘋等人自知罪責難逃、故此使出一招以退為進之計、速意令街坊誤信佢哋係勇於承擔嘅人物。嗱、佢哋表面無敵、內心怕極、所以一早就搵定狀師替佢哋向六判爺求情、要求判刑不要超過三個月、仲話最好就係判做義工或罰多少銀両、否則就會摧毀佢哋參選尊貴嘅資格喎!嘩、癩蝦蟆想食天鵝肉、唔通又想博一次“判刑即是不判刑”嘅歷史重演乎?如果咁都得、罪惡城好快就玩完架喇!呢啲係承擔責任咩?簡值係當六判爺係白痴就真。呢嗱、姑勿論是否認同流料波嘅政治立場、他曾經多次踎監、現在更加係一踎就踎咗七八年、連個癌症都踎埋出嚟、但人家卻未哼過一聲。呢啲先至係敢作、敢為、敢承擔嘅男子漢大丈夫。點似得罪惡城呢群呃街坊嘅爛民咁、又要威、又要戴頭盔咁低裝架?!

2017年7月5日 星期三

大歸廿載


回歸二十年
唱好大團圓
內裡藏爭鬥
心國未相連

如果我話、剛卸任嘅揸拂人阿狼好勇鬥狠兼自我感覺良好、而且開出十張支票、七張空頭嘅話、相信唔會有太多人反對。之但係、講到撕裂和破壞社會安寧呢方面、就唔可以賴晒阿狼。但係反派卻異口同聲指責阿狼是這方面嘅罪魁。依我睇、反派跟阿狼其實係半斤八兩嘅搭檔嚟。但反派指阿狼將港毒撩出來、是不正確的。從另一個角度睇、是反派護豬不成發爛渣、故在阿狼上台後、暗中將港毒從校園內堆出社會靠害街坊、然後再將一切人晒阿狼數。呢種手段跟五年前某人布置一個黑色飯局招呼阿狼嘅代表團、然後老屈阿狼興黑幫勾結恐嚇土紳嘅畸屎、簡直係同出一轍。嗱、呢啲咪做係反派無中生有的作風嚟囉!當下連總舵主都話不能容忍港毒、可見此事並不簡單。

2017年7月3日 星期一

重煲廿三味?



雞籠若冇掩
刻刻都危險
街坊無得着
制亂要從嚴

今年七一是罪惡城大歸廿年紀念暨揸拂堂新阿頭及其班子就任大典嘅好日子、所以總舵主亦親臨主禮和祝賀。總舵主語重心長的告訴街坊大眾、在一圈兩制嘅政策之下、大圈對本城嘅主權是不容挑戰的。他強調、絕不容許任何人在罪惡城內播毒、更不容任何人挑戰歸本法。嗱、總舵主嘅講話、大概是告訴新任揸拂人“遇神阻誅神、遇佛阻殺佛”不必畏首畏尾。換句話講、即係喊新揸拂人把握時機盡快重煲廿三味、好讓街坊降降虛火咁解。之但係、亂制在議事堂多次甩轆事件之中表現得有點曖昧、難免惹人質疑是否真的是大意失荊州?其實阿邊個新任尊貴以「官商鄉黑」去形容當時形勢、而不用「官商政黑」這四個字、就已經泄露了天機。所以話啫、表面和諧並不靠譜、要成大事必須要下點功夫才行。

2017年7月1日 星期六

冷戰已經展開


越是炒作越驚青
若然翻臉冇命贏
握實拳頭頂硬上
撥開雲霧見天廳

呢嗱、花大叔千辛萬苦𢵌冧鬚聯佬、然後登上地球霸主寶座。本來人家做大佬做得好地地、點不知嗰條東方睡龍忽然間瞓醒咗、仲忽然之間復興起嚟、而且又要搞條「一銀一路」出來貫通全世界。咁搞法、花大叔仲點瞓得着?你話花大叔唔撞火就勢係假啦!係嘛!嗱、唔止花大叔驚青、連佢個老友歐㒼、同埋佢隻哈巴狗架仔都驚青架。就係咁、老番無視阿爺成功走過世貿規定嘅十六年監察期、以及無犯規紀錄嘅事實、集體拒絕給予阿爺“對等貿易權利”嘅待遇。由此可見、老番對龍族嘅復興是非常忌憚的。現在花家新大佬喪普奉行單邊主義、並且要跟所有貿易伙伴重新簽訂協定、搞到全世界都媽媽聲。歐㒼見勢色唔對便搲住阿爺、話要加強經貿合作。阿爺當然要食住上、先搞定班老番履行諾言承給予龍族擁有對等貿易權利。呢台戲仲有排做架、大家放長雙眼睇啦!