灰熊京的話

一言勝萬千

聽後更心酸

心知無善策

冷淡過幾年

日前沙俄大佬灰熊京向紅家講出一番金石良言。灰熊京指出、如果把人民嘅居住權、健康權、以及受教育權拿去推動經濟嘅話、咁樣嘅政府是一個無良政府。國家不能變成弱肉強食嘅世界、有人擁有大把樓、有人冇樓住、如果搞成咁、管治者應該下台。因為民生問題就是政治問題、這是管治者責任。嗱、咪以為灰熊京空口講白話、沙俄公民人均擁有十八平方米免費居住範圍、即使超過限額收費也很便宜。日常生活用水、包括自來水和熱水等都是免費的。有病睇醫生只須繳交藥費、其它如住院、治療、造手術等、全部免費。教育方面、免學費、教科書由學樣無常提供、校方還向學生提供免費午餐。勞工方面、法律規定任何機構若要大量裁員、必須要在解顧協議前三十日向國家就業局申報、獲批准後才可實行。嗱、呢啲咪係以民為本囉！

罪惡城土地被地產商囤積、以致政府覓地艱難。街坊生活被幾個大家族壟斷、樓價和租金無止境的向上飆升、甚至連居屋和公屋都可以拋出市場自由炒買。剛剛聽聞一個一百五十呎公屋單位售價要三百幾萬、呎價超過兩萬、遲早磚頭貴過金條。呢啲咪係有人大把樓、有人冇樓住囉！人口急升而醫院不敷應用又唔肯加建、醫療人手不足多年毫無改善、搞到醫療事故頻生。嗱、雖然政治不代表民生、但民生確實不離政治、亦是管治者不可推卸嘅責任。當政府政策過份偏重於商家嘅時候、社會就出現弱肉強食狀況、所謂富老愈富、貧者愈貧吖嘛！在咁情形下、民生質責必然漸差、社會怨氣自然增加、政客嘩眾取寵嘅機會就來了！罪惡城地方雖小、但怨氣卻大、以致政治混亂無日無之。社會上有人稱讚縣太爺一上任開局良好、大概是指政治爭拗比前少咗。嗱、這情況大概係縣太爺不提政治敏感議題、才使得那群愛生事尊貴有箭無靶射無可射才暫時收斂起來、並不代表「行企」與「垃圾」之間嘅關係真的好了！以其說開局靚、不如話縣太爺聰明更加妥貼。總言之、如果縣太爺能夠將灰熊京嘅講話好好的聽聽想想、必定大有俾益的。