唔講遊行

平生惰慣懶開齋

坐墊藏針也局挨

橫掂欠人千千萬

話你唔聽布又拉

古語有云「工欲善其事、必先利其器」吖嘛！即係話一個工匠要把工作做好、必須要俱備一套鋒利嘅工具。換個角度來講、要治理好一個地方、必須要有完善嘅法律體制。要確保一個國家安全、必須要在法律例出條款讓法官在判安時有所依據。否則、就會變成和尚打傘、無髮（法）無天、冇可能做到長治久安的。之不過、咱家縣太爺就係唔信這一套。佢老人家出席大歸慶典嘅派對時又再一次強調、目前尚未係將安全法立法嘅好時機喎！難道縣太爺認為單憑其個人魅力就可以平息禍亂乎？

呢嗱、一直以來罪惡城之所以飽受彥色革命蹂躪、就係因為沒有安全法來作保障之故。雖然罪惡城大難不死、如果任何人輕視顏色革命嘅殺傷力、那就大吉利是架喇！請看看中東、花旗將顏色革命輸入中東多國並引發起內戰、以致大好家園變成一遍焦土、國家資源被老番控制、民眾長期受到外族欺凌。現在花旗佬又為着要奪取世界石油訂價話事權、先以退出伊核協議為手段、迫使其盟友與波難割蓆、繼而找個藉口打垮波斯當今政權、然後扶植起一個傀儡政府吖嘛！雖然、罪惡城福星高照、任憑花旗佬點厲害都不能以同樣手段使罪惡城從天朝劃分出去。之但係、只要一日不就安全法立法、花旗佬及城中既得利益集團就可以放心繼續為天朝添煩添亂、並以此為籌碼跟天朝討價還價、到時唯一嘅冤大頭就只係城中嘅普羅大眾。嘅然係咁、點解縣太爺硬着堅持立法要講求啱時候呢？這是否意味着、縣太爺要一直將匹布拉下去直至佢收工為止呢、吓？！