老是針對紅家

你說佢豬不是豬

扮晒懵然導眾痴

千般煽惑猶可惡

即棄奸徒未謂遲

江湖傳聞、日前豬八萬在垃圾會嘅覓地會議之中提出、收回軍事用地以作興建公屋之用、而被藍仔指責為發噏風兼揼波鐘。嗱、如果傳聞屬實嘅話、藍仔未免太過睇少豬八萬嘅用心了！冇錯、豬八萬確實志不在軍事用地能否興建公屋、只要係藉此在渴望上樓嘅街坊心目中創造出一個街坊軍生人霸死地嘅形象、方便日後借題生事。須知到、戇痴瘋能夠在本城搞出咁多風風雨雨、亦只不過是在花家大戰船上學過七天散手。然而、豬八萬卻被花大叔安排在亞褲汗、巴比倫、波斯、意識劣一帶打足三年擂台、其功夫之了得非一般人能及。咪見到佢個款有啲低 B 就當佢係痴瘋那類級數嘅傻仔、其實佢一開始就“扮豬食老虎”架喇！

嗱、各位街坊、你哋仲記唔記得當喪普坐上花家一哥寶座不久、豬八萬在垃圾會炮製嘅「幫鬼出聲」事件嗎？豬八萬誣蔑街坊軍在南海蝦蝦霸霸、而紅家就對南亞弱小族群威迫利誘、企圖誤導街坊南海並非龍族領海。但凡讀過龍之歷中嘅人都知到、自古以來南海便是龍之領域、唯獨是豬八萬跟花大叔口徑一致、指責紅家在南海大搞軍事擴張喎！咁、你話嘞、豬八萬所講嘅話、係咪與龍族為敵？加上去年五毒聯盟所搞嘅活動都預埋佢一份、唔使問阿貴都知到老豬係何許身份。但奇怪得很、在本城當二五唔止有市場、加上有黃仔將狗屁當真理之下、二五仔嘅聲勢比大明星還要墟撼。呢啲咪就係黃色教育成功嘅地方嚟囉！咁就難怪黃仔出盡九牛二虎之力去阻擋教館傳授龍之歷史、阻擋龍之教育、甚至連龍歌法都唔放過啦！嗱、閣下不妨撫心自問、單憑黃仔之力就能夠擋得住大氣候來臨嗎？但係、佢哋的確萬事如意喎！究竟、咁又點解呢吓？難道你真係相信在無人暗中協助之下、單憑區區黃仔一雙螳臂就能夠擋得住紅家隻車嗎？罪城之中內奸何其多！嗚呼哀哉！