黑心政棍

政治迷心竅

煩擾各自招

目中無善惡

惡行赤條條

呢嗱、在這個世界上最黑心者、莫過於政棍矣！在戰中期間、涼茶杰那句「不守戒、不等同不尊重戒律」已經夠晒耐人尋味。當戰中三條𡃁被判入冊時、戇Q揚那句「坐過牢嘅人、將會活得更加精彩」就更加令人匪而所思。之但係、前二者在五愛二面前只屬小兒科而矣！因為佢哋嘅黑心金句無論點都比唔上、當怒火開年暴徒被判刑之後、五愛二「將暴徒嘅行為比喻天爸之子和十二門徒」那麼面厚黑心。

事實告訴我們、罪惡城已經完全變身為妖孽之城。社會上那群反到「龍」、「紅」不分嘅家伙、除咗顛倒五倫、歪典道理之外、連天爸父子及其十二門徒都敢褻瀆、簡直係可惡之極。但諗深一層、又不覺得有甚麼出奇、當下連身為天爸教過氣大主教殘日滾也跟異教教主交往吖嘛！日前化輪教教主履童智壽晨、反盟數名頭領破天荒地齊齊公開向他祝壽。令人更加意外就係、天爸教過氣大主教殘日滾居然也向那位自稱係創世者、甚至連爺和嬤都係由佢創造出來嘅異教教主履童智拜壽。在天爸教教義裡面、天爸就是宇宙間唯一嘅神、嚴禁門徒跟魔鬼或假先知交往。現在殘日滾通通違反晒、令人懷疑究竟在他心目中、仲有冇天爸嘅存在架？在下並非危言聳聽、殘日滾雖然在祝壽用字方面非常小心、但仍然擺脫不了叛教之嫌、分分鐘都有可能被總壇逐出家門、落得個揸兜下場架咋！